SriMurali: ವಿಡಿಯೋ ಹಾಡಿನ ಪೋಸ್ಟರ್​ ರಿಲೀಸ್ ಮಾಡಿದ ನಟ ಶ್ರೀಮುರಳಿ..!

ಲಾಸ್ಟ್ ಸೀನ್ ಹೆಸರಿನ ಪ್ಯಾನ್​ ಇಂಡಿಯಾ ವಿಡಿಯೋ ಹಾಡಿನ ಪೋಸ್ಟರ್ ಅನ್ನು ರೋರಿಂಗ್ ಸ್ಟಾರ್ ಶ್ರೀ ಮುರಳಿ ಅವರು ತಮ್ಮ ನಿವಾಸದಲ್ಲಿ ಬಿಡುಗಡೆ ಮಾಡಿದ್ದಾರೆ.

ಹೆಣ್ಣಿನ ಮೇಲೆ ನಡೆಯುವ ಅತ್ಯಾಚಾರದ ಕುರಿತ ವಿಷಯ ಹೊಂದಿರುವ ಗೀತೆ ಇದಾಗಿದ್ದು, ಕನ್ನಡ, ತೆಲುಗು, ತಮಿಳು ಮತ್ತು ಹಿಂದಿ ಭಾಷೆಗಳಲ್ಲಿ ಬರಲಿದೆ.

ಈಗಾಗಾಗಲೇ ಕೆಎ-16, 8 ಪಿಎಂ, salute for soldiers ವಿಡಿಯೋ ಹಾಡುಗಳನ್ನು ನಿರ್ದೇಶಿಸಿ, ಖ್ಯಾತರಾಗಿರುವ ಎನ್ ವಿನಾಯಕ ಈ ಲಾಸ್ಟ್ ಸೀನ್​ ಹಾಡನ್ನು ನಿರ್ದೇಶನ ಮಾಡುತ್ತಿದ್ದಾರೆ.

ನಿರ್ದೇಶಕ ಎನ್​. ವಿನಾಯಕ್​, ಹೊಸ ಪ್ರತಿಭೆ ವಾಗೇಶ್ ಅನ್ನು ಕನ್ನಡಿಗರಿಗೆ ಪರಿಚಯಿಸುತ್ತಿದ್ದಾರೆ. ಅವರಿಗೆ ಜೊತೆಯಾಗಿರುವ ಸಂಗೀತಾ ಸಹ ಹೊಸ ಪರಿಚಯವೇ.

ಜುಬ್ಬೈರ್ ಮೊಹ್ಮದ್ ರಾಗ ಸಂಯೋಜಿಸಿರುವ ಗೀತೆಯನ್ನು, ವಾಸುಕಿ ವೈಭವ್ ಹಾಡಿದ್ದಾರೆ. ನೃತ್ಯ ಸಂಯೋಜನೆಯನ್ನು ಮೋಹನ್ ಜಾಕ್ಸನ್ ಅವರು ಮಾಡಿದ್ದು, ಮನು ಅವರ ಛಾಯಾಗ್ರಹಣವಿದೆ.

ಕನ್ನಡಕ್ಕೆ ಪ್ರಮೋದ್ ಆಚಾರ್ಯ, ತೆಲುಗಿಗೆ ಜಯಚಂದ್ರ, ತಮಿಳಿಗೆ ರಾಜೇಶ್, ಹಿಂದಿಗೆ ಗೌತಮ್ ಸಾಹಿತ್ಯ ಬರೆದಿದ್ದಾರೆ.

ಇದೇ ತಿಂಗಳ ಅಂತ್ಯಕ್ಕೆ ಲಾಸ್ಟ್​ ಸೀನ್​ ವೀಡಿಯೋ ಹಾಡು ಜನರ ಮುಂದೆ ಬರಲಿದೆ.