Sridevi Death Anniversary: ಕಗ್ಗಂಟಾಗಿಯೇ ಉಳಿದ ನಟಿ ಶ್ರೀದೇವಿ ಸಾವಿನ ಪ್ರಕರಣ..!

ಟಾಲಿವುಡ್​, ಕಾಲಿವುಡ್​ ಹಾಗೂ ಬಾಲಿವುಡ್​ನಲ್ಲಿ ಕೋಟ್ಯಂತರ ಅಭಿಮಾನಿಗಳನ್ನು ಹೊಂದಿರುವ ನಟಿ ಶ್ರೀದೇವಿ. ಇಂದು ಅವರ 3ನೇ ವರ್ಷದ ಪುಣ್ಯ ಸ್ಮರಣೆ.

ಮೂರು ವರ್ಷಗಳ ಹಿಂದೆ ಶ್ರೀದೇವಿ ಅವರ ಸಾವಿನ ಸುದ್ದಿ ಸಿನಿಪ್ರಿಯರಿಗೆ ಬರ ಸಿಡಿಲಿನಂತೆ ಬಡಿದಿತ್ತು.

ದುಬೈಗೆ ಸಂಬಂಧಿಕರ ಮದುವೆಗೆಂದು ಹೋಗಿದ್ದ ಶ್ರೀದೇವಿ, ಅಲ್ಲಿ ಉಳಿದುಕೊಂಡಿದ್ದ ಹೋಟೆಲ್​ ರೂಮ್​ನ ಸ್ನಾನದ ಕೋಣೆಯಲ್ಲಿರುವ ಬಾತ್​ಟಬ್​ನಲ್ಲಿ ಶವವಾಗಿ ಪತ್ತೆಯಾಗಿದ್ದರು.

ಮೊದಲಿಗೆ ನಟಿಯದ್ದು ಕೊಲೆ ಎನ್ನಲಾಗಿತ್ತಾದರೂ ನಂತರದಲ್ಲಿ ಬಂದ ಮರಣೋತ್ತರ ಪರೀಕ್ಷೆಯ ವರದಿಯಲ್ಲಿ ಇವರದ್ದು ಸಹಜ ಸಾವು ಎನ್ನಲಾಗಿತ್ತು.

ಆದರೂ ಸಹ ಶ್ರೀದೇವಿ ಅಭಿಮಾನಿಗಳಲ್ಲಿ ಬಹುತೇಕರಿಗೆ ಅವರದ್ದು ಸಹಜ ಸಾವಲ್ಲ ಅನ್ನೋ ಅನುಮಾನ ಇದೆ.

ಇದರಿಂದಾಗಿಯೇ ಸುಶಾಂತ್​ ಸಿಂಗ್​ ಸಾವಿನ ತನಿಖೆಯನ್ನು ಸಿಬಿಐಗೆ ವಹಿಸುವಂತೆ ಅಭಿಯಾನ ಆರಂಭವಾದಾಗ, ಶ್ರೀದೇವಿಯ ಅಭಿಮಾನಿಗಳೂ ನಟಿಯ ಸಾವಿನ ತನಿಖೆಯನ್ನು ಸಿಬಿಐಗೆ ವಹಿಸುವಂತೆ ಸಾಮಾಜಿಕ ಜಾಲತಾಣದಲ್ಲಿ ಒತ್ತಾಯಿಸಿದ್ದರು.

ಶ್ರೀದೇವಿ ಸಾವಿನ ಕುರಿತಾಗಿ ಆಗಾಗ ಅಲ್ಲಲ್ಲಿ ಕೆಲವು ಸುದ್ದಿಗಳು ಹರಿದಾಡುತ್ತಿರುತ್ತವೆ.

ಕಾಲಿವುಡ್​, ಟಾಲಿವುಡ್​ನಲ್ಲಿ ಬಾಲ ನಟಿಯಾಗಿ ಸಿನಿ ಜೀವನ ಆರಂಭಿಸಿದ ನಟಿ ನಂತರದಲ್ಲಿ ಅತಿಲೋಕ ಸುಂದರಿಯಾಗಿ ಮಿಂಚಿದರು.

ಹಿಂದಿಯಲ್ಲಿ ಆಗಿನ ಕಾಲದ ನಟಿಯರನ್ನೆಲ್ಲ ಹಿಂದಿಕ್ಕಿ ಸ್ಟಾರ್​ ನಟಿಯಾಗಿ ಮಿಂಚಿದರು.

ಅನಿಲ್​ ಕಪೂರ್​ ಜತೆ ಸಾಕಷ್ಟು ಸಿನಿಮಾಗಳಲ್ಲಿ ನಟಿಸಿದ್ದಾರೆ.

ರಿಷಿ ಕಪೂರ್​ ಜತೆ ನಟಿಸಿದ ಚಾಂದನಿ ಸಿನಿಮಾ ಅವರ ಅಭಿಮಾನಿಗಳಿಗೆ ಫೇವರಿಟ್​ ಚಿತ್ರ ಎಂದರೆ ತಪ್ಪಾಗದು.

ಅನಿಲ್​ ಕಪೂರ್​ ಜತೆ ಮಿಸ್ಟರ್​ ಇಂಡಿಯಾ ಸಿನಿಮಾದಲ್ಲಿ ನಟಿಸಿದ್ದ ಶ್ರೀದೇವಿ.

ನಂತರ ಫಿಲ್ಮ್​ ಮೇಕರ್​ ಬೋನಿ ಕಪೂರ್​ ಅವರನ್ನು ಮದುವೆಯಾದರು. ಬೋನಿ ಕಪೂರ್ ಅವರಿಗೆ ಇದು ಎರಡನೇ ಮದುವೆಯಾಗಿತ್ತು.

ಮಕ್ಕಳಾದ ಜಾಗ್ನವಿ ಹಾಗೂ ಖುಷಿ ಜತೆ ಶ್ರೀದೇವಿ.

ಖ್ಯಾತ ಕೋರಿಯೋಗ್ರಾಫರ್​ ಸರೋಜ್​ ಖಾನ್​ ಅವರೊಂದಿಗೆ ಶ್ರೀದೇವಿ.

ಅತಿಲೋಕ ಸುಂದರಿ ಶ್ರೀದೇವಿ

ಬಾಲಿವುಡ್​ ನಟಿ ಶ್ರೀದೇವಿ