Shah Rukh Khan: ನಿಮಗೆ ಗೊತ್ತೇ? ಈ ಸೌತ್ ಸ್ಟಾರ್ ನಟರು ಶಾರುಖ್ ಅವರ ಬಿಗ್ ಫ್ಯಾನ್ಸ್

ಶಾರುಖ್ ಖಾನ್ ಭಾರತೀಯ ಚಿತ್ರರಂಗದ ದೊಡ್ಡ ಹೆಸರು. ಅವರು ಪ್ರಾರಂಭದಿಂದ 57 ನೇ ವಯಸ್ಸಿನವರೆಗೆ ಬಾಲಿವುಡ್​ನಲ್ಲಿ ಹೀರೋ ಆಗಿ ಕೆಲಸ ಮಾಡುತ್ತಿದ್ದಾರೆ. ಬಹಳ ಸಮಯದ ನಂತರ ಪಠಾಣ್‌ಗೆ ಸಿನಿಮಾ ಮೂಲಕ ನಟನಾ ಕೌಶಲ್ಯವನ್ನು ಮತ್ತೊಮ್ಮೆ ಪ್ರೂವ್ ಮಾಡಿಕೊಟ್ಟಿದ್ದಾರೆ.

ಪಠಾಣ್ ಚಿತ್ರದ ಮೂಲಕ ಅವರು ನಾನು ಈ ಜಮಾನಕ್ಕೂ ತಕ್ಕ ಹೀರೋ ಎಂಬುದನ್ನು ಮತ್ತೊಮ್ಮೆ ಸಾಬೀತುಪಡಿಸಿದ್ದಾರೆ. ಪ್ರಪಂಚದಾದ್ಯಂತ ಅನೇಕ ಅಭಿಮಾನಿಗಳನ್ನು ಹೊಂದಿರುವ ನಟನನ್ನು ಬಾಲಿವುಡ್‌ನ ರಾಜ ಎಂದು ಕರೆಯಲಾಗುತ್ತದೆ.

ಅನೇಕ ಸೂಪರ್‌ಸ್ಟಾರ್‌ಗಳು ಸಹ ಕಿಂಗ್ ಖಾನ್‌ನ ಅಭಿಮಾನಿಗಳು. SRK ಅಭಿಮಾನಿಗಳು ಎಂದು ಕರೆದುಕೊಳ್ಳುವ ದಕ್ಷಿಣದ ಸ್ಟಾರ್‌ಗಳೂ ಇದ್ದಾರೆ. ಬಾಲಿವುಡ್ ಸೂಪರ್‌ಸ್ಟಾರ್ ಶಾರುಖ್ ಖಾನ್ ಬಗ್ಗೆ ಅಪಾರ ಗೌರವ ಮತ್ತು ಪ್ರೀತಿಯನ್ನು ತೋರಿದ ದಕ್ಷಿಣದ ಜನಪ್ರಿಯ ನಟರ ಪಟ್ಟಿ ಇಲ್ಲಿದೆ.

ಶಾರುಖ್ ಖಾನ್ ಅವರ ಪಠಾಣ್ ಚಿತ್ರದ ಮೂಲಕ ಬಾಲಿವುಡ್​ನಲ್ಲಿ ಹೊಸ ದಾಖಲೆ ಬರೆದರು. ನಟನಿಗೆ ಸೌತ್​ನಲ್ಲಿ ಪ್ರೇಕ್ಷಕರಷ್ಟೇ ಅಲ್ಲ ನಟ, ನಟಿಯರು ಕೂಡಾ ಅಭಿಮಾನಿಗಳು.

'ಕಾಫಿ ವಿತ್ ಕರಣ್' ಸಂಚಿಕೆಯಲ್ಲಿ ವಿಜಯ್ ದೇವರಕೊಂಡ ಅವರು ತಾವು ಬೆಳೆಯುತ್ತಿರುವಾಗ ಶಾರುಖ್ ಹೇಗೆ ಸ್ಫೂರ್ತಿಯಾಗಿದ್ದರು ಎಂಬುದರ ಕುರಿತು ಮಾತನಾಡಿದ್ದಾರೆ. ಅದರ ಬಗ್ಗೆ ಮಾತನಾಡಿ, ಶಾರುಖ್ ಖಾನ್ ಅವರ ಯಶಸ್ಸನ್ನು ನೋಡಿದಾಗ, ಅವರು ಅಸಾಧ್ಯದದನ್ನೂ ಸಹ ಸಾಧ್ಯ ಎಂದು ಅರಿತುಕೊಂಡಿದ್ದಾರೆ ಎಂದಿದ್ದಾರೆ.

ದಕ್ಷಿಣದ ಜನಪ್ರಿಯ ನಟಿ ಸಮಂತಾ ಪ್ರಭು ಕೂಡ ಎಸ್‌ಆರ್‌ಕೆ ಅವರ ಅನೇಕ ಅಭಿಮಾನಿಗಳಲ್ಲಿ ಒಬ್ಬರು. ಅವರು ಕಿಂಗ್ ಖಾನ್‌ ಬಗ್ಗೆ ಹೆಚ್ಚು ಗೌರವವನ್ನು ಹೊಂದಿದ್ದಾರೆ. ಒಮ್ಮೆ ತನ್ನ ಇನ್‌ಸ್ಟಾಗ್ರಾಮ್‌ನಲ್ಲಿ ನಟನ ವೀಡಿಯೊ ಒಂದರಿಂದ ಸ್ಕ್ರೀನ್‌ಶಾಟ್ ಶೇರ್ ಮಾಡಿದ್ದರು. SRK ಕುರಿತು ಇವರು ನಂಬಲು ಅಸಾಧ್ಯ ಎಂಬಂತಹ ವ್ಯಕ್ತಿ ಎಂದು ಬರೆದಿದ್ದಾರೆ. ಸಂದರ್ಶನವೊಂದರಲ್ಲಿ ತಾನು ಕೆಲಸ ಮಾಡಲು ಇಷ್ಟಪಡುವ ಟಾಪ್ 3 ಸ್ಟಾರ್‌ಗಳ ಬಗ್ಗೆ ಕೇಳಿದಾಗ ಸಮಂತಾ ಶಾರುಖ್ ಹೆಸರು ಹೇಳಿದ್ದರು.

ದಕ್ಷಿಣದ ಖ್ಯಾತ ನಟಿ ಶಾರುಖ್ ಖಾನ್ ಅವರ ಮುಂಬರುವ ಚಿತ್ರ 'ಜವಾನ್' ನಲ್ಲಿ ತೆರೆ ಹಂಚಿಕೊಳ್ಳಲು ಸಿದ್ಧರಾಗಿದ್ದಾರೆ. ಶಾರುಖ್ ಜೊತೆ ಸಿನಿಮಾ ಮಾಡಬೇಕೆಂದು ಬಹಳ ದಿನಗಳಿಂದ ಹಂಬಲಿಸುತ್ತಿದ್ದ ನಯನತಾರಾ ಅವರ ಕನಸು ಈಗ ಈಡೇರಲಿದೆ. ನಯನತಾರಾ ಹಿಂದೊಮ್ಮೆ ಪ್ರಶಸ್ತಿ ಸ್ವೀಕರಿಸುವಾಗ ತಮ್ಮ ನೆಚ್ಚಿನ ನಟನ ಬಗ್ಗೆ ಕೇಳಲಾಗಿತ್ತು. ಅವರು ಕಿಂಗ್ ಖಾನ್ ಹೆಸರು ಹೇಳಿದ್ದರು.

ಪುಷ್ಪ ನಟ ಅಲ್ಲು ಅರ್ಜುನ್ ಕೂಡ ಶಾರುಖ್ ಅವರ ದೊಡ್ಡ ಅಭಿಮಾನಿ. ಎಸ್‌ಆರ್‌ಕೆ ಮತ್ತು ಅವರ ಚಲನಚಿತ್ರಗಳ ಮೇಲೆ ಅಪಾರ ಪ್ರೀತಿಯನ್ನು ಇಟ್ಟುಕೊಂಡಿದ್ದಾರೆ ಅಲ್ಲು ಅರ್ಜುನ್. ಒಮ್ಮೆ ಎಸ್‌ಆರ್‌ಕೆ ಅವರ ದಿಲ್ವಾಲೆ ದುಲ್ಹನಿಯಾ ಲೇ ಜಾಯೇಂಗೆಯ ಸ್ಟಿಲ್ ಅನ್ನು ಹಂಚಿಕೊಂಡಿದ್ದಾರೆ. ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ 'ತುಜೆ ದೇಖಾ ತೋ ಯೇ ಜಾನಾ ಸನಮ್' ಎಂದು ಬರೆದಿದ್ದಾರೆ. 1995 ರಲ್ಲಿ ನಾನು ಈ ಸಿನಿಮಾ ನೋಡಿದಾಗ ನನ್ನ ಜೀವನದ ಅತ್ಯಂತ ಮಾಂತ್ರಿಕ ಕ್ಷಣವನ್ನು ನಾನು ಅನುಭವಿಸಿದೆ. ಇಂದು 23 ವರ್ಷಗಳ ನಂತರ ನಾನು ಅದನ್ನು ಮತ್ತೆ ನೋಡಿದೆ. ಇಂದೂ ಅದನ್ನು ಅನುಭವಿಸಿದ್ದೇನೆ ಎಂದಿದ್ದಾರೆ.

ಜನಪ್ರಿಯ ಬಾಹುಬಲಿ ಸ್ಟಾರ್ ಪ್ರಭಾಸ್ ಸೌತ್ ಇಂಡಸ್ಟ್ರಿಯಲ್ಲಿ ಬಹುಬೇಡಿಕೆಯ ನಟರಲ್ಲಿ ಒಬ್ಬರು. ರಾಧೆ-ಶ್ಯಾಮ್ ಸಿನಿಮಾದ ಪತ್ರಿಕಾಗೋಷ್ಠಿಯಲ್ಲಿ, ಪ್ರಭಾಸ್ ಅವರು ಬಾಲಿವುಡ್ ನಟರಾದ ಸಲ್ಮಾನ್ ಖಾನ್ ಮತ್ತು ಶಾರುಖ್ ಖಾನ್ ಅವರಿಂದ ಹೇಗೆ ಸ್ಫೂರ್ತಿ ಪಡೆದಿದ್ದಾರೆ ಎಂಬುದರ ಕುರಿತು ಮಾತನಾಡಿದ್ದರು. ಅವರ ಹಲವು ಸಿನಿಮಾಗಳನ್ನು ನೋಡುತ್ತೇನೆ ಎಂದೂ ಹೇಳಿದರು.