South Actors: ಮೆಕ್ಯಾನಿಕ್, ಸಿಮೆಂಟ್ ಕಾರ್ಖಾನೆಯಲ್ಲಿ ಕೆಲಸ ಮಾಡಿದ ಸ್ಟಾರ್ ನಟರು

ಅಜಿತ್ ಕುಮಾರ್ ಸೆಲ್ಫ್ ಮೇಡ್ ಸ್ಟಾರ್. ಗುಣಗಳಲ್ಲಿ ಶ್ರೀಮಂತರಾಗಿದ್ದಾರೆ ಈ ನಟ. ಅವರ ಬಗ್ಗೆ ಬರೆಯುವುದು ಕಡಿಮೆ. ನಟನೆಗೆ ಬರುವ ಮೊದಲು ಮೆಕ್ಯಾನಿಕ್ ಆಗಿದ್ದ ಅವರು ಇಂದಿಗೂ ದಕ್ಷಿಣದ ಸೂಪರ್ ಸ್ಟಾರ್ ಗಳಲ್ಲಿ ಒಬ್ಬರು. 'ತಲಾ' ಅಜಿತ್ ಕುಮಾರ್ 10 ನೇ ತರಗತಿಯವರೆಗೆ ಓದಿದ ನಂತರ ಶಾಲೆಯನ್ನು ತೊರೆದರು. 6 ತಿಂಗಳು ಮೆಕ್ಯಾನಿಕ್ ಆಗಿ ಕೆಲಸ ಮಾಡಿ ತರಬೇತಿ ಪಡೆದರು. ಆದರೆ ಈ ಕೆಲಸ ಮಾಡುವುದು ತಂದೆಗೆ ಇಷ್ಟವಿರಲಿಲ್ಲ.

ಇದಾದ ನಂತರ ಅವರು ಕುಟುಂಬದ ಸ್ನೇಹಿತರೊಬ್ಬರ ಎಕ್ಸ್​​ಪೋರ್ಟ್​ ಕಂಪನಿಗೆ ಸೇರಿದರು. ಇಲ್ಲಿ ಅವರು ಬ್ಯುಸಿನೆಸ್ ಡೆವಲಪರ್ ಆಗಿ ಬೆಳೆದರು. ಅಜಿತ್ ಕುಮಾರ್ ನಟರಲ್ಲದೆ ರೇಸರ್ ಕೂಡ. ಅವರು 2004 ರಲ್ಲಿ ಬ್ರಿಟಿಷ್ ಫಾರ್ಮುಲಾ ಸೀಸನ್ 3 ರಲ್ಲಿ ಫಾರ್ಮುಲಾ 2 ರೇಸರ್ ಆಗಿ ಭಾಗವಹಿಸಿದರು. 3 ನೇ ಸ್ಥಾನ ಪಡೆದರು. ಅವರು ರೇಸ್ ಸಮಯದಲ್ಲಿ ಒಮ್ಮೆ ಅಪಾಯದಿಂದ ಜಸ್ಟ್ ಮಿಸ್ ಆಗಿದ್ದರು. ಅಂದಿನಿಂದ ಅವರ ಸುರಕ್ಷತೆ ಬಗ್ಗೆ ಹೆಚ್ಚು ಕಾಳಜಿ ವಹಿಸುತ್ತಾರೆ.

ಅಜಿತ್‌ ಕುಮಾರ್‌ಗೆ ರೇಸಿಂಗ್‌ ಜೊತೆಗೆ ಶೂಟಿಂಗ್‌ ಕೂಡ ತುಂಬಾ ಇಷ್ಟ. ಇದನ್ನು ಅವರು ರಾಜ್ಯ ಮತ್ತು ರಾಷ್ಟ್ರಮಟ್ಟದಲ್ಲಿ ಹಲವು ಬಾರಿ ಶೂಟಿಂಗ್ ಸ್ಕಿಲ್ ಸಾಬೀತುಪಡಿಸಿದ್ದಾರೆ. ಅಜಿತ್ ಪ್ರತಿ ವರ್ಷ ಚೆನ್ನೈನಲ್ಲಿ ನಡೆಯುವ ತಮಿಳುನಾಡು ರಾಜ್ಯ ಶೂಟಿಂಗ್ ಚಾಂಪಿಯನ್‌ಶಿಪ್‌ನಲ್ಲಿ ಭಾಗವಹಿಸುತ್ತಾರೆ. ಕಳೆದ 2 ವರ್ಷಗಳಿಂದ ನಿರಂತರವಾಗಿ ಚಿನ್ನದ ಪದಕಗಳನ್ನು ಗೆಲ್ಲುತ್ತಿದ್ದಾರೆ. 2019ರಲ್ಲಿ ಶೂಟಿಂಗ್‌ನಲ್ಲಿಯೂ ಪದಕ ಗೆದ್ದಿದ್ದರು.

ರಜನಿಕಾಂತ್ ಅವರು ತಮ್ಮ ವೃತ್ತಿಜೀವನವನ್ನು ಬಸ್ ಕಂಡಕ್ಟರ್ ಆಗಿ ಪ್ರಾರಂಭಿಸಿದರು. ಶಿವಾಜಿ ರಾವ್ ಎಂದು ಪ್ರೀತಿಯಿಂದ ಕರೆಯುವ ರಜನಿಕಾಂತ್ ಮಹಾರಾಷ್ಟ್ರದಿಂದ ಚೆನ್ನೈಗೆ ಬಂದು ತಮ್ಮ ನಟನಾ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ಈ ದಿನಗಳಲ್ಲಿ ಚಿತ್ರರಂಗದಿಂದ ನಿವೃತ್ತರಾಗುವ ಬಗ್ಗೆ ವರದಿಗಳು ಬರುತ್ತಿವೆ.

171 ನೇ ಚಿತ್ರದಲ್ಲಿ ಅವರು ಕೊನೆಯದಾಗಿ ನಟಿಸಲಿದ್ದಾರೆ ಎಂದು ಹೇಳಲಾಗುತ್ತದೆ. ಸೂಪರ್‌ಸ್ಟಾರ್ 90 ಮತ್ತು 2000 ರ ದಶಕದಲ್ಲಿ ಬಾಕ್ಸ್ ಆಫೀಸ್ ರೂಲ್ ಮಾಡಿದರು. ಈಗಲೂ ಅದನ್ನು ಮುಂದುವರೆಸಿದ್ದಾರೆ. ನಟನ ವೃತ್ತಿಜೀವನದಲ್ಲಿ 5 ದಶಕಗಳನ್ನು ದಾಟಿ ಬಂದಿದ್ದಾರೆ. ಈಗ ಅವರು ತಮ್ಮ 169 ನೇ ಚಿತ್ರದಲ್ಲಿ ಕೆಲಸ ಮಾಡುತ್ತಿದ್ದಾರೆ.

ಚಿತ್ರಗಳಲ್ಲಿ ಪೋಷಕ ಪಾತ್ರಗಳನ್ನು ಮಾಡಲು ಪ್ರಾರಂಭಿಸಿದ ವಿಜಯ್ ಸೇತುಪತಿ ಈಗ ಭಾರತದ ಟಾಪ್ ಹೀರೋಗಳಲ್ಲಿ ಒಬ್ಬರಾಗಿದ್ದಾರೆ. ಹಲವಾರು ಭಾಷೆಗಳಲ್ಲಿ ಕೆಲಸ ಮಾಡಿದ್ದಾರೆ. ಅವರು ಪೋಲೀಸ್, ರೊಮ್ಯಾಂಟಿಕ್ ಹೀರೋ, ಖಳನಾಯಕ, ಟ್ರಾನ್ಸ್ಜೆಂಡರ್ ಮತ್ತು ಹೆಚ್ಚಿನ ಪಾತ್ರಗಳನ್ನು ನಿರ್ವಹಿಸಿದ್ದಾರೆ.

50ಕ್ಕೂ ಹೆಚ್ಚು ಸಿನಿಮಾಗಳನ್ನು ಮಾಡಿರುವ ನಟ ಚಿತ್ರರಂಗದ ಬೆಳವಣಿಗೆಗೆ ಉದಾಹರಣೆಯಾಗಿದ್ದಾರೆ. ನಟನೆಗೂ ಮುನ್ನ ಕಂಪನಿಯೊಂದರಲ್ಲಿ ಸೇಲ್ಸ್‌ಮ್ಯಾನ್ ಆಗಿ ಕೆಲಸ ಮಾಡಿದ್ದ ಅವರು ಸಿಮೆಂಟ್ ಕಾರ್ಖಾನೆಯಲ್ಲೂ ಕೆಲಸ ಮಾಡಿದ್ದಾರೆ. ಫರ್ಜಿ ಮೂಲಕ ಅವರು ಒಟಿಟಿಗೂ ಕಾಲಿಟ್ಟಿದ್ದಾರೆ.

ಶಿವಕಾರ್ತಿಕೇಯನ್ ಅವರು ತಮ್ಮ ವೃತ್ತಿಜೀವನವನ್ನು ವೀಡಿಯೊ ಜಾಕಿಯಾಗಿ ಪ್ರಾರಂಭಿಸಿದರು. ನಟ ಇದುವರೆಗೆ 22 ಕ್ಕೂ ಹೆಚ್ಚು ಚಿತ್ರಗಳನ್ನು ಮಾಡಿದ್ದಾರೆ. ನಟರಲ್ಲದೆ, ಅವರು ನಿರ್ಮಾಪಕ, ಸಂಗೀತ ಸಂಯೋಜಕ ಮತ್ತು ಹಿನ್ನೆಲೆ ಗಾಯಕ. ಅವರು ದಕ್ಷಿಣದ ಪ್ರಮುಖ ನಟರಲ್ಲಿ ಒಬ್ಬರು ಮತ್ತು ಅವರ ಫ್ಯಾನ್ ಫಾಲೋಯಿಂಗ್ ಕೂಡ ಅದ್ಭುತವಾಗಿದೆ.

ಕಾಲಿವುಡ್‌ನ ಚಾಕೊಲೇಟ್ ಬಾಯ್ ಎಂದು ಕರೆಯಲ್ಪಡುವ ಆರ್ ಮಾಧವನ್ ಅವರು ಹಿಂದಿ ಸಿನಿಮಾಗಳಲ್ಲಿ ನಟಿಸಿದ್ದಾರೆ. 'ಅಲೈಪಾಯುತೆ' ಅವರ ಮೊದಲ ತಮಿಳು ಚಿತ್ರ. ಅವರು ಅದರಲ್ಲಿ ನಟಿಸಿ ಸಿನಿಮಾ ಬಿಗ್ ಹಿಟ್ ಆಯಿತು. ನಟ ಇನ್ನೂ ಎರಡೂ ಭಾಷೆಗಳ ಚಿತ್ರಗಳಲ್ಲಿ ಕಾಣಿಸಿಕೊಳ್ಳುತ್ತಾರೆ. ಅವರು ಚಲನಚಿತ್ರೋದ್ಯಮದಲ್ಲಿ ನಿರ್ದೇಶಕ ಮತ್ತು ನಿರ್ಮಾಪಕರಾಗಿ ತಮ್ಮ ವೃತ್ತಿಜೀವನವನ್ನು ಅಭಿವೃದ್ಧಿಪಡಿಸಿದ್ದಾರೆ.

ಸಿಲಂಬರಸನ್ ಟಿಆರ್ ಅವರು ಬಾಲ ಕಲಾವಿದರಾಗಿ ತಮ್ಮ ನಟನಾ ವೃತ್ತಿಯನ್ನು ಪ್ರಾರಂಭಿಸಿದರು. ಈಗ ಕಾಲಿವುಡ್‌ನ ಪ್ರಮುಖ ನಾಯಕರಲ್ಲಿ ಒಬ್ಬರಾಗಿದ್ದಾರೆ. ನಟನೆಯ ಹೊರತಾಗಿ, ಸಿಂಬು ಹಿನ್ನೆಲೆ ಗಾಯನದಲ್ಲಿ ಮತ್ತು ಗೀತರಚನೆಕಾರರಾಗಿ ಗುರುತಿಸಿಕೊಂಡಿದ್ದಾರೆ. ಸಿಂಬು ಅವರು ತಮ್ಮ ಸಿನಿಮಾಗಳ ಮೂಲಕ ತಮ್ಮ ವೃತ್ತಿಜೀವನದಲ್ಲಿ ಅನೇಕ ಹಿಟ್ ಮತ್ತು ಫ್ಲಾಪ್‌ಗಳನ್ನು ಕಂಡಿದ್ದಾರೆ. ಆದರೆ ಎಂದಿಗೂ ಭರವಸೆಯನ್ನು ಕಳೆದುಕೊಂಡಿಲ್ಲ. ನಟ ಈಗ ಮತ್ತೆ ತನ್ನ ವೃತ್ತಿಜೀವನದ ಉತ್ತುಂಗದಲ್ಲಿದ್ದಾರೆ.