Sreeleela: ಕೈಯಲ್ಲಿ ಗಾಜಿನ ಬಳೆ, ಮುಡಿಯಲ್ಲಿ ಮಲ್ಲಿಗೆ! ಲಂಗ-ದಾವಣಿಯಲ್ಲಿ ಶ್ರೀಲೀಲಾ ದೇಸಿ ಲುಕ್

ತೆಲುಗಿನ ಹಿಟ್ ಸಿನಿಮಾ ಪೆಳ್ಳಿ ಸಂದಡಿ ಚಿತ್ರದಲ್ಲಿ ಹೀರೋಯಿನ್ ಆಗಿ ಮಿಂಚಿದ ನಟಿ ಶ್ರೀಲೀಲಾ ಈಗ ತೆಲುಗಿನಲ್ಲಿ ಬ್ಯುಸಿಯಾಗಿದ್ದಾರೆ. ಧಮಾಕಾ ಮೂಲಕ ಹಿಟ್ ಸಿನಿಮಾ ಕೊಟ್ಟ ನಟಿ ಈಗ ಹೊಸ ಫೋಟೋಶೂಟ್ ಮಾಡಿಸಿಕೊಂಡಿದ್ದಾರೆ.

ಧಮಾಕಾ ಹಿಟ್ ಚಿತ್ರದ ಮೂಲಕ ಸ್ಟಾರ್ ಹೀರೋಯಿನ್ ಆಗಿ ಹೊರಹೊಮ್ಮಿದ ಶ್ರೀಲೀಲಾ ಇದೀಗ ಗ್ಲಾಮರ್ ಮತ್ತು ಆ್ಯಕ್ಷನ್ ಪಾತ್ರಗಳಿಗೆ ಓಕೆ ಎಂದು ಫೋಟೋಶೂಟ್ ಮಾಡಿಸಿ ಸಾಮಾಜಿಕ ಜಾಲತಾಣಗಳಲ್ಲಿ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ.

ಶ್ರೀಲೀಲಾ ಶೇರ್ ಮಾಡಿರುವ ಫೋಟೋಗಳನ್ನು ನೋಡಿದ ನೆಟ್ಟಿಗರು ನೀವು ಸುಂದರವಾಗಿರೋ ಹೀರೋಯಿನ್ ಅಲ್ಲ, ದೇವತೆ ಎಂದು ಕಮೆಂಟ್ ಮಾಡುತ್ತಿದ್ದಾರೆ. ತನ್ನ ಟ್ರೆಡಿಷನಲ್ ಲುಕ್ ಫೋಟೋಗಳನ್ನು ಶೇರ್ ಮಾಡಿದ ನಾಲ್ಕೇ ಗಂಟೆಯೊಳಗೆ ಆಕೆ ಎರಡೂವರೆ ಲಕ್ಷ ಲೈಕ್ಸ್ ಪಡೆದಿದ್ದಾರೆ.

ಧಮಾಕಾ ಚಿತ್ರದ ಮೂಲಕ ಭರ್ಜರಿ ಹಿಟ್ ಗಳಿಸಿದ ಕನ್ನಡತಿ ಶ್ರೀಲೀಲಾ ಈಗ ಗ್ಲಾಮರ್ ಡೋಸ್ ಹೆಚ್ಚಿಸಿಕೊಂಡಿದ್ದಾರೆ. ಈಗ ಸುಂದರವಾದ ಲಂಗ ದಾವಣಿ ಧರಿಸಿ ಫೋಟೋಗೆ ಪೋಸ್ ಕೊಟ್ಟಿದ್ದಾರೆ.

ಪೆಲ್ಲಿ ಸಂದಡಿನಲ್ಲಿ ಶ್ರೀಲೀಲಾ ತಮ್ಮ ನಟನೆಯ ಜೊತೆಗೆ ತಮ್ಮ ಸೌಂದರ್ಯದಿಂದಲೂ ಮೋಡಿ ಮಾಡಿದ್ದಾರೆ. ಆದರೆ ಗ್ಲಾಮರ್ ನಲ್ಲಿ ನಂಬಿಕೆ ಇಲ್ಲ, ನಟನೆಯಲ್ಲೂ ಇಂಪ್ರೆಸ್ ಮಾಡುತ್ತೇನೆ ಎನ್ನುತ್ತಾರೆ ಶ್ರೀಲೀಲಾ.

ಒಂದೇ ಚಿತ್ರದ ಮೂಲಕ ತೆಲುಗು ಇಂಡಸ್ಟ್ರಿಗೆ ಎಂಟ್ರಿ ಕೊಟ್ಟ ಕನ್ನಡದ ನಟಿ ಶ್ರೀಲೀಲಾ ಕೈಯಲ್ಲಿ ಸದ್ಯ ಏಳೆಂಟು ಪ್ರಾಜೆಕ್ಟ್ ಗಳಿವೆಯಂತೆ. ಭರ್ಜರಿ ಆಫರ್ ಪಡೆಯುತ್ತಿದ್ದಾರೆ ನಟಿ.

ಶ್ರೀಲೀಲಾ ಬಾಲಯ್ಯ, ಮಹೇಶ್ ಬಾಬು ಶರ್ವಾನಂದ್ ಮತ್ತು ನಿತಿನ್ ಸಿನಿಮಾಗಳಲ್ಲೂ ನಟಿಸುತ್ತಿದ್ದಾರೆ. ಟಾಲಿವುಡ್​ನಲ್ಲಿ ಹೊಸ ನಾಯಕಿಯರಿಗೆ ಅವಕಾಶಗಳು ಬರುತ್ತಲೇ ಇರುತ್ತವೆ.