Actress Shalini: ಡಿವೋರ್ಸ್​ ಫೋಟೋಶೂಟ್ ಮಾಡಿಸಿದ್ಯಾಕೆ ಶಾಲಿನಿ? ಕಾರಣ ಹೇಳಿದ ನಟಿ

ತಮಿಳು ಸೀರಿಯಲ್ ನಟಿ ಶಾಲಿನಿ ಡಿವೋರ್ಸ್ ಬಳಿಕ ಫೋಟೋಶೂಟ್ ಮಾಡಿಸಿಕೊಂಡು ಸಖತ್ ಸುದ್ದಿಯಲ್ಲಿದ್ದಾರೆ. ನಟಿ ಶಾಲಿನಿ ತನ್ನ ಮಾಜಿ ಪತಿ ದೈಹಿಕ ಮತ್ತು ಮಾನಸಿಕ ಕಿರುಕುಳ ನೀಡುತ್ತಿದ್ದಾರೆ ಎಂದು ಆರೋಪಿಸಿದರು. ಇದೇ ವಿಚಾರಕ್ಕೆ ಮದುವೆಯನ್ನು ಮುರಿದಿದ್ದಾಗಿ ನಟಿ ಹೇಳಿದ್ದಾರೆ.

ಡಿವೋರ್ಸ್ ಸೆಲೆಬ್ರೇಟ್ ಮಾಡುವವರು ತೀರ ಕಡಿಮೆ ಜನ, ಶಾಲಿನಿ ವಿಚ್ಛೇದನದ ಫೋಟೋಶೂಟ್ ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದೆ. ಅನೇಕರಲ್ಲಿ ಇದು ಅಶ್ಚರ್ಯ ಮೂಡಿಸಿದೆ. ನಟಿ ಶಾಲಿನಿ ಡಿವೋರ್ಸ್ ಫೋಟೋಶೂಟ್ ಮಾಡಿಸಿದ್ದು ಯಾಕೆ ಎನ್ನುವ ಬಗ್ಗೆ ಇನ್ಸ್ಟಾಗ್ರಾಮ್​ನ ಮೂಲಕ ತಿಳಿಸಿದ್ದಾರೆ.

ಹೆಚ್ಚು ಶಬ್ದ ಮಾಡುತ್ತಿಲ್ಲ ಅಂದ್ರೆ ಅವರು ಮೌನವಾಗಿ ಬಳಲುತ್ತಿದ್ದಾರೆ ಎಂದರ್ಥ, ಬದುಕಲು ಸಾಧ್ಯವಾಗುತ್ತಿಲ್ಲ ಅಂದ್ರೆ ಅದ್ರಿಂದ ಹೊರ ಬರುವುದು ತಪ್ಪಲ್ಲ ಎಂದು ನಟಿ ಶಾಲಿನಿ ಹೇಳಿದ್ದಾರೆ. ನಿಮ್ಮ ಜೀವನ ನಿಮ್ಮ ಕೈಯಲ್ಲಿರುತ್ತದೆ. ನಿಮ್ಮ ಮಕ್ಕಳಿಗೆ ಉತ್ತಮ ಭವಿಷ್ಯವನ್ನು ಸೃಷ್ಟಿಸಲು ಅಗತ್ಯವಾದ ಬದಲಾವಣೆಗಳನ್ನು ಮಾಡಕೊಳ್ಳುವುದು ತಪ್ಪಲ್ಲ ಎಂದು ನಟಿ ಬರೆದಿದ್ದಾರೆ.

ವಿಚ್ಛೇದನ ಜೀವನದ ವೈಫಲ್ಯವಲ್ಲ, ಇದು ನಿಮಗೆ ಮತ್ತು ನಿಮ್ಮ ಜೀವನದಲ್ಲಿ ಸಕಾರಾತ್ಮಕ ಬದಲಾವಣೆಗಳನ್ನು ತರಲು ಒಂದು ಮಹತ್ವದ ಟ್ವಿಸ್ಟ್ ಆಗಿದೆ. ಮದುವೆಯನ್ನು ತೊರೆದು ಒಬ್ಬಂಟಿಯಾಗಿ ನಿಲ್ಲಲು ಸಾಕಷ್ಟು ಧೈರ್ಯ ಬೇಕು. ಆದ್ದರಿಂದ ನಾನು ಇದನ್ನು ನನ್ನ ಎಲ್ಲಾ ಧೈರ್ಯಶಾಲಿ ಮಹಿಳೆಯರಿಗೆ ಅರ್ಪಿಸುತ್ತೇನೆ ಎಂದು ನಟಿ ಶಾಲಿನಿ ಬರೆದಿದ್ದಾರೆ.

ಫೋಟೋಶೂಟ್​ನಲ್ಲಿ ಶಾಲಿನಿ ರೆಡ್ ಸ್ಲಿಟ್ ಡ್ರೆಸ್ ಧರಿಸಿ ಮಿಂಚಿದ್ದಾರೆ. ಡೈವೋರ್ಸ್ ಎಂಬ ಬೋರ್ಡ್ ಕೈಯಲ್ಲಿ ಹಿಡಿದು ಫೋಟೋಗೆ ಪೋಸ್ ಕೊಟ್ಟಿದ್ದಾರೆ. ಕಷ್ಟಸಾಧ್ಯವಾದ ದಾಂಪತ್ಯ ಜೀವನಕ್ಕೆ ಅಂತ್ಯ ಹಾಡುವುದೇ ಉತ್ತಮ ಎಂದು ಶಾಲಿನಿ ಹೇಳಿದ್ದಾರೆ.

ಈ ಫೋಟೋಗಳನ್ನು ನಟಿ Instagram ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಕೆಟ್ಟ ದಾಂಪತ್ಯ ಮುರಿಯುವುದರಲ್ಲಿ ತಪ್ಪೇನಿಲ್ಲ. ನಿಮ್ಮ ಜೀವನದಲ್ಲಿ ನೀವು ಸಂತೋಷವಾಗಿರಲು ಏನು ಬೇಕು ಅದನ್ನು ಮಾಡಿ. ನಿಮ್ಮ ಮಕ್ಕಳ ಉತ್ತಮ ಭವಿಷ್ಯಕ್ಕೆ ಉತ್ತಮ ನಿರ್ಧಾರ ಬದಲಾವಣೆ ಅಗತ್ಯ ಎಂದಿದ್ದಾರೆ.

ತಮಿಳು ಧಾರಾವಾಹಿ 'ಮುಳ್ಳುಂ ಮಲರುಂ' ಮೂಲಕ ಗಮನ ಸೆಳೆದ ನಟಿ ಶಾಲಿನಿ. ಶಾಲಿನಿ ತಾನೂ ಕೂಡ ಒಂಟಿ ತಾಯಿಯಾಗಿ ಬದುಕುತ್ತೇನೆ ಎಂದು ಹೇಳಿದ್ದಾರೆ. ನಟಿ ಶಾಲಿನಿಗೆ ಒಬ್ಬ ಮಗಳಿದ್ದಾಳೆ. ಡಿವೋರ್ಸ್ ಬಳಿಕ ಮಗಳ ಸಂಪೂರ್ಣ ಹೊಣೆ ಶಾಲಿನಿ ಮೇಲಿದೆ.