Nayanthara: ಬ್ಯೂಟಿ, ಟ್ಯಾಲೆಂಟ್ ಅಷ್ಟೇ ಅಲ್ಲ! ನಯನತಾರಾ ಸಿಕ್ಕಾಪಟ್ಟೆ ಶ್ರೀಮಂತೆ

ನಯನತಾರಾ ದಕ್ಷಿಣದ ಕಾಸ್ಟ್ಲಿ ನಟಿ ಎಂದೇ ಪರಿಗಣಿಸಲ್ಪಟ್ಟಿದ್ದಾರೆ. ಈಗ ಅವರು ಹೀರೋಯಿನ್ ಆಗಿ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡುತ್ತಿದ್ದಾರೆ. ಅವರು ನಟನೆಯಿಂದ ನಿವೃತ್ತಿ ಹೊಂದಲಿದ್ದಾರೆ ಎಂಬ ಸುದ್ದಿ ಕೂಡಾ ಕೇಳಿ ಬರುತ್ತಿದೆ.

ಅವರ ವೃತ್ತಿಜೀವನವು ಪೀಕ್​ನಲ್ಲಿರುವಾಗ ಅವರ ಬಳಿ ಅನೇಕ ಪ್ರಾಜೆಕ್ಟ್​ಗಳಿವೆ. ಅವರು ಪ್ರಸ್ತುತ ಶಾರುಖ್ ಖಾನ್ ಜೊತೆ ಜವಾನ್ ನಲ್ಲಿ ಬ್ಯುಸಿಯಾಗಿದ್ದು, ಇದರಲ್ಲಿ ಅವರು ಕಿಂಗ್ ಖಾನ್ ಜೊತೆ ರೊಮ್ಯಾನ್ಸ್ ಮಾಡಲಿದ್ದಾರೆ. ಇದಾದ ನಂತರ ನಟಿ ಸದ್ಯ ತೆರೆಯ ಮೇಲೆ ಕಾಣಿಸಿಕೊಳ್ಳುವುದಿಲ್ಲ ಎಂದು ಹೇಳಲಾಗುತ್ತಿದೆ.

2023 ರಲ್ಲಿ ನಟಿ ನಯನತಾರಾ ಅವರ ಒಟ್ಟು ಆಸ್ತಿ 25 ಮಿಲಿಯನ್ ಡಾಲರ್, ಅಂದರೆ ಅದು ಸರಿಸುಮಾರು 200 ಕೋಟಿ ರೂ. ಅವರ ಹೆಚ್ಚಿನ ಗಳಿಕೆಯು ಅವರ ಸಿನಿಮಾ ಮತ್ತು ಬ್ರ್ಯಾಂಡ್​ಗಳಿಂದ ಬಂದಿದೆ. ನಟಿ ಪ್ರಸ್ತುತ ತನ್ನ ಪ್ರತಿ ಚಿತ್ರಕ್ಕೆ ಸುಮಾರು 10 ಕೋಟಿ ರೂ ಪಡೆಯತ್ತಾರೆ. ಅವರು ದಕ್ಷಿಣ ಚಿತ್ರರಂಗದಲ್ಲಿ ಅತಿ ಹೆಚ್ಚು ಗಳಿಕೆ ಮಾಡುತ್ತಿರುವ ನಟಿ.

ನಯನತಾರಾ ಅವರು ಜಾಹೀರಾತುಗಳಲ್ಲಿ ಕಾಣಿಸಿಕೊಳ್ಳುವುದು ತುಂಬಾ ಅಪರೂಪ. ಈಗಂತೂ ನಟಿ ಆ್ಯಡ್​ಗಳಲ್ಲಿ ಕಾಣಿಸಿಕೊಳ್ಳುವುದೇ ಇಲ್ಲ.

ಮ್ಯಾಜಿಕ್ ಬ್ರಿಕ್ಸ್ ಪ್ರಕಾರ, ನಯನತಾರಾ ಹೈದರಾಬಾದ್‌ನಲ್ಲಿ ಎರಡು ಐಷಾರಾಮಿ ಮನೆಗಳನ್ನು ಒಳಗೊಂಡಂತೆ ಭಾರತದಾದ್ಯಂತ ಹಲವಾರು ಅಪಾರ್ಟ್‌ಮೆಂಟ್‌ಗಳನ್ನು ಹೊಂದಿದ್ದಾರೆ. ನಟಿ ಬಂಜಾರ ಹಿಲ್ಸ್‌ನಲ್ಲಿ ನೆಲೆಸಿದ್ದಾರೆ. ಇದು ಅನೇಕ ಎ-ಲಿಸ್ಟ್ ಸೌತ್ ಸೆಲೆಬ್ರಿಟಿಗಳ ಮನೆ ಇರುವ ಪ್ರದೇಶವಾಗಿದೆ.

ಇದಲ್ಲದೆ ದಕ್ಷಿಣದ ನಟಿ ಖಾಸಗಿ ಜೆಟ್ ಅನ್ನು ಸಹ ಹೊಂದಿದ್ದಾರೆ. ಡೆಕ್ಕನ್ ಹೆರಾಲ್ಡ್ ಪ್ರಕಾರ, ನಯನತಾರಾ ಇತ್ತೀಚೆಗೆ ಖಾಸಗಿ ಜೆಟ್ ಅನ್ನು ಖರೀದಿಸಿದ್ದಾರೆ. ಅದನ್ನು ಅವರು ಚೆನ್ನೈ-ಹೈದರಾಬಾದ್ ಮತ್ತು ಚೆನ್ನೈ-ಕೊಚ್ಚಿ ಪ್ರಯಾಣಕ್ಕೆ ಬಳಸುತ್ತಿದ್ದರು.

ನಯನತಾರಾ ಅವರು ಟೊಯೊಟಾ ಇನ್ನೋವಾ ಕ್ರಿಸ್ಟಾ, ಫೋರ್ಡ್ ಎಂಡೀವರ್ ಮತ್ತು ಐಷಾರಾಮಿ ಬಿಎಂಡಬ್ಲ್ಯು 7-ಸಿರೀಸ್ ಅನ್ನು ಹೊಂದಿದ್ದಾರೆ. ಇದರ ಬೆಲೆ ಸುಮಾರು 1.76 ಕೋಟಿ ರೂ. ಮಾಹಿತಿ ಪ್ರಕಾರ ನಯನತಾರಾ ಬಳಿ ಖಾಸಗಿ ಜೆಟ್ ಮಾತ್ರವಲ್ಲದೆ ಹಲವು ಐಷಾರಾಮಿ ಕಾರುಗಳಿವೆ. ಕಾರ್ ದೇಖೋ ಪ್ರಕಾರ, ನಟಿ 74.50 ಲಕ್ಷ ಮೌಲ್ಯದ BMW 5 ಸಿರೀಸ್ ಮತ್ತು 88 ಲಕ್ಷ ಮೌಲ್ಯದ Mercedes GLS 350d ಅನ್ನು ಹೊಂದಿದ್ದಾರೆ.

ತನ್ನ ಬ್ರ್ಯಾಂಡ್ ಎಂಡಾರ್ಸ್‌ಮೆಂಟ್‌ಗಳು ಮತ್ತು ಹೂಡಿಕೆಗಳ ಕುರಿತು ಮಾತನಾಡಿದ ನಟಿ ತನ್ನ ಒಪ್ಪಂದಗಳಿಂದ ಸುಮಾರು 5 ಕೋಟಿ ರೂಪಾಯಿಗಳನ್ನು ಗಳಿಸಿದ್ದಾರೆ ಎಂದು ರಿವೀಲ್ ಮಾಡಿದ್ದಾರೆ. ಅವರು ತನಿಷ್ಕ್, ಟಾಟಾ ಸ್ಕೈ, ಕೆ ಬ್ಯೂಟಿ ಮತ್ತು ಉಜಾಲಾ ಮುಂತಾದ ಜನಪ್ರಿಯ ಬ್ರಾಂಡ್‌ಗಳೊಂದಿಗೆ ಕೆಲಸ ಮಾಡಿದ್ದಾರೆ. ತನ್ನ ಹೂಡಿಕೆಗಳ ಬಗ್ಗೆ ಮಾತನಾಡುತ್ತಾ, ನಟಿ "ದಿ ಲಿಪ್ ಬಾಮ್ ಕಂಪನಿ" ಎಂಬ ತನ್ನ ಸ್ವಂತ ಸ್ಕಿನ್‌ಕೇರ್ ಬ್ರ್ಯಾಂಡ್ ಅನ್ನು ಆರಂಭಿಸಿದ್ದಾರೆ. ಇದರಲ್ಲಿ ಅವರು ಡಾ. ರೆನಿತಾ ರಾಜನ್ ಅವರೊಂದಿಗೆ ಪಾರ್ಟ್​ನರ್​ಶಿಪ್​ ಹೊಂದಿದ್ದಾರೆ.

ಇದಲ್ಲದೆ, ನಟಿ ಚಾಯ್ ವಾಲೆ ಹೆಸರಿನ ತ್ವರಿತ ಸೇವಾ ರೆಸ್ಟೋರೆಂಟ್‌ಗಳ (ಕ್ಯೂಎಸ್‌ಆರ್) ಬ್ಯುಸಿನೆಸ್ ಸಹ ಪ್ರಾರಂಭಿಸಿದ್ದಾರೆ. ನಯನತಾರಾ ತೈಲ ವ್ಯವಹಾರದಲ್ಲಿ ಕೂಡಾ ಹೆಚ್ಚು ಹೂಡಿಕೆ ಮಾಡಿದ್ದಾರೆ.

ನಟಿ ಕಳೆದ ವರ್ಷ ಜೂನ್ 9 ರಂದು ಚಲನಚಿತ್ರ ನಿರ್ಮಾಪಕ ಮತ್ತು ನಿರ್ದೇಶಕ ವಿಘ್ನೇಶ್ ಶಿವನ್ ಅವರನ್ನು ವಿವಾಹವಾದರು. ಇನ್ನು ನಟಿ ಆನ್​ಸ್ಕ್ರೀನ್ ಮೇಲೆ ಬರುವುದಿಲ್ಲ. ಬದಲಾಗಿ ನಿರ್ಮಾಣದ ಜವಾಬ್ದಾರಿಯನ್ನು ತೆಗೆದುಕೊಳ್ಳುತ್ತಾರೆ ಎಂದು ಹೇಳಲಾಗುತ್ತಿದೆ.