Vijay Sethupathi: ಡುಮ್ಮ ಎಂದು ಹಿಯಾಳಿಸೋರಿಗೆ ವಿಜಯ್ ಸೇತುಪತಿ ಸೂಪರ್ ಉತ್ತರ

ಸೌತ್ ಸಿನಿಮಾದಲ್ಲಿ ಸೈಲೆಂಟಾಗಿ ವಿಲನ್ ಪಾತ್ರಗಳ ಮೂಲಕ ಪ್ರೇಕ್ಷಕರ ಮೆಚ್ಚಿಸಿದ ನಟರ ಸಾಲಿನಲ್ಲಿ ಮೊದಲಿಗೆ ನೆನಪಿಗೆ ಬರುವುದು ನಟ ವಿಜಯ್ ಸೇತುಪತಿ. ಕಾಲಿವುಡ್​ ಚಿತ್ರರಂಗದ ಕಣ್ಮಣಿ ಇವರು.

ಸೈಡ್ ರೋಲ್​ಗಳನ್ನು ಮಾಡುತ್ತಾ, ನಂತರ ವಿಲನ್ ರೋಲ್​ಗಳಲ್ಲಿಯೂ ಮಿಂಚುತ್ತಿದ್ದಾರೆ ನಟ. ರೊಮ್ಯಾಂಟಿಕ್ ಪಾತ್ರ ಮಾಡಲು ಫಿಟ್ & ಹ್ಯಾಂಡ್ಸಂ ಹೀರೋನೇ ಬೇಕು ಎನ್ನುವ ವಿಚಾರವನ್ನು ಸುಳ್ಳು ಮಾಡಿದ ನಟ.

ಇವರ 96 ಮೂವಿ ನೋಡಿದ ಯಾರಾದರೂ ಅವರ ಅಭಿನಯವನ್ನು ಮೆಚ್ಚಿಕೊಳ್ಳುತ್ತಾರೆ. ಇದರಲ್ಲಿ ತ್ರಿಶಾ ಜೊತೆಗೆ ಅವರ ಕಾಂಬಿನೇಷನ್ ಸೂಪರ್ ಆಗಿ ಮೂಡಿ ಬಂದಿತ್ತು.

ಬಹಳಷ್ಟು ಸಂದರ್ಭ ನಟ ವಿಜಯ್ ಸೇತುಪತಿ ಅವರ ವೈಟ್ ಬಗ್ಗೆ ಸುದ್ದಿಯಾಗುತ್ತದೆ. ಫಿಟ್ನೆಸ್ ವಿಚಾರವಾಗಿ ಅವರ ದೇಹಗಾತ್ರದ ಬಗ್ಗೆ ಟ್ರೋಲ್ ಕೂಡಾ ಆಗುತ್ತದೆ.

ಈ ಬಗ್ಗೆ ನಟ ಪ್ರತಿಕ್ರಿಯಿಸಿದ್ದಾರೆ. ತಮ್ಮ ದೇಹದ ಗಾತ್ರದ ಬಗ್ಗೆ ಮಾತನಾಡುವವರಿಗೆ ಸರಿಯಾದ ಉತ್ತರ ಕೊಟ್ಟಿದ್ದಾರೆ. ಅದೇ ರೀತಿ ಇದರಲ್ಲಿ ಡಯೆಟ್ ಎಂದು ಅತಿರೇಕ ಮಾಡುವವರಿಗೂ ಉತ್ತರ ಕೊಟ್ಟಿದ್ದಾರೆ.

ನಾನು ಡಯೆಟ್ ಕಾನ್ಸೆಪ್ಟ್ ನಂಬುವುದಿಲ್ಲ. ನನಗೆ ರುಚಿಕರವಾದ ಆಹಾರವನ್ನು ಸೇವಿಸುವುದು ಇಷ್ಟ. ನನಗೆ ಅದು ತುಂಬಾ ಇಷ್ಟ ಎಂದಿದ್ದಾರೆ.

ನಾನು ರುಚಿಕರವಾದ ಆಹಾರವನ್ನು ಸೇವಿಸದಿದ್ದರೆ ನನ್ನ ಲೈಫ್ ಟೇಸ್ಟಿ ಆಗಿರುವುದಿಲ್ಲ. ಹಾಗಾಗಿ ನನಗೆ ರುಚಿಕರವಾದ ಆಹಾರಗಳನ್ನು ಸೇವಿಸುವುದು ತುಂಬಾ ಇಷ್ಟ ಎಂದಿದ್ದಾರೆ.

ವಿಜಯ್ ಸೇತುಪತಿ ಸದ್ಯ ಫರ್ಜಿ ಸಿರೀಸ್​ನಲ್ಲಿ ನಟಿಸಿ ಭರ್ಜರಿಯಾಗಿ ಹಿಟ್ ಆಗಿದ್ದಾರೆ. ಅಮೆಜಾನ್ ಪ್ರೈಮ್ ನಲ್ಲಿ ಇವರ ಸಿರೀಸ್ ರಿಲೀಸ್ ಆಗಿದೆ.