Simbu: ಬರೋಬ್ಬರಿ 7 ನಟಿಯರ ಜೊತೆ ಡೇಟಿಂಗ್, ಸಿಂಬು ಲವ್-ಬ್ರೇಕಪ್ ಸ್ಟೋರಿ!

ವೃತ್ತಿ ಜೀವನದ ಜೊತೆಗೆ ನಟ ಸಿಂಬು ತಮ್ಮ ವೈಯಕ್ತಿಕ ಜೀವನದ ಬಗ್ಗೆ ಸದಾ ಚರ್ಚೆಯಲ್ಲಿದ್ದಾರೆ. ಅವರು 40 ನೇ ವಯಸ್ಸಿನಲ್ಲಿ ಮದುವೆಯಾಗಲಿದ್ದಾರೆ. ವರದಿಗಳ ಪ್ರಕಾರ, ಅವರು ಶ್ರೀಲಂಕಾದ ತಮಿಳು ಹುಡುಗಿಯನ್ನು ಮದುವೆಯಾಗಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಆದರೆ ಈ ಸುದ್ದಿಯನ್ನು ಅವರ ಮ್ಯಾನೇಜರ್ ನಿರಾಕರಿಸಿದ್ದಾರೆ. ಇದು ಆಧಾರ ರಹಿತ ಸುದ್ದಿ ಎಂದಿದ್ದಾರೆ. ಅಂತಹ ಪರಿಸ್ಥಿತಿಯಲ್ಲಿ ತನ್ನ ವೈಯಕ್ತಿಕ ಜೀವನದ ಕಾರಣದಿಂದ ನಟ ಸುದ್ದಿಯಲ್ಲಿದ್ದಾರೆ. ಇದಕ್ಕೂ ಮುನ್ನ ನಟನ ಹೆಸರು 7 ನಾಯಕಿಯರ ಜೊತೆ ಕೇಳಿಬಂದಿದೆ. ಇದರಲ್ಲಿ ರಜನಿಕಾಂತ್ ಮಗಳ ಹೆಸರೂ ಇದೆ.

ನಯನತಾರಾ ಜೊತೆ ಸಿಂಬು ಹೆಸರು ತಳುಕು ಹಾಕಿಕೊಂಡಿದೆ. ಇಬ್ಬರ ಕೆಲವು ಫೋಟೋಗಳು ಸೋಷಿಯಲ್ ಮಿಡಿಯಾದಲ್ಲಿ ಕಾಣಿಸಿಕೊಂಡವು. ಅದರಲ್ಲಿ ಅವರು ಹೆಚ್ಚು ಕ್ಲೋಸ್ ಆಗಿ ಕಾಣಿಸಿದ್ದರು. ಯಾರೋ ಫೋಟೋ ಲೀಕ್ ಮಾಡಿದ್ದಾರೆ ಎಂದು ಹೇಳಲಾಯಿತು.

ಅದೇ ಸಮಯದಲ್ಲಿ ತ್ರಿಶಾ ಕೃಷ್ಣನ್ ಜೊತೆ ಕೂಡಾ ಸಿಂಬು ಹೆಸರು ಸೇರಿಕೊಂಡಿದೆ. ಅವರಿಬ್ಬರೂ ಮದುವೆಯಾಗಲಿದ್ದಾರೆ ಎಂಬ ವರದಿಗಳೂ ಬಂದಿದ್ದವು. ಆದರೆ ಆಮೇಲೆ ಅವರ ಸಂಬಂಧ ಸೈಲೆಂಟಾಯಿತು.

ಸಿಂಬು ಮತ್ತು ಹನ್ಸಿಕಾ ಮೋಟ್ವಾನಿ ಬಗ್ಗೆಯೂ ಸಾಕಷ್ಟು ಚರ್ಚೆ ನಡೆದಿದೆ. ಹನ್ಸಿಕಾ ಇತ್ತೀಚೆಗಷ್ಟೇ ಮದುವೆ ಆಗಿದ್ದಾರೆ. ಆದರೆ ಈ ಮದುವೆಗೂ ಮುನ್ನವೇ ನಟಿ ಸಿಂಬು ಅವರನ್ನು ವರಿಸಲಿದ್ದಾರೆ ಎಂಬ ಸುದ್ದಿ ಬಂದಿತ್ತು. ಇಬ್ಬರೂ ಟ್ವಿಟರ್‌ನಲ್ಲಿ ತಮ್ಮ ಸಂಬಂಧದ ಬಗ್ಗೆ ಅಧಿಕೃತ ಘೋಷಣೆ ಮಾಡಿದ್ದರು. ಆದರೆ ಅವರ ಸಂಬಂಧವೂ ಹೆಚ್ಚು ಕಾಲ ಉಳಿಯಲಿಲ್ಲ. ಇಬ್ಬರೂ ಬೇರ್ಪಟ್ಟರು. ಇದಾದ ನಂತರ ನಟ ಹನ್ಸಿಕಾ ಕೂಡ ನನಗೆ ಮೋಸ ಮಾಡಿದ್ದಾರೆ ಎಂದು ಆರೋಪಿಸಿದ್ದಾರೆ.

ಇದಲ್ಲದೇ ರಜನಿಕಾಂತ್ ಪುತ್ರಿ ಹಾಗೂ ಧನುಷ್ ಪತ್ನಿ ಐಶ್ವರ್ಯಾ ರಜನಿಕಾಂತ್ ಜೊತೆ ಸಿಂಬು ಹೆಸರು ಕೇಳಿಬರುತ್ತಿದೆ. ವರದಿಗಳ ಪ್ರಕಾರ, ಆಡಿಯೊ ಕ್ಲಿಪ್ ಕೂಡ ಲೀಕ್ ಆಗಿದೆ. ಇದರಲ್ಲಿ ಸಿಂಬು ಮತ್ತು ಐಶ್ವರ್ಯಾ ಅವರ ಡೇಟಿಂಗ್ ಬಹಿರಂಗವಾಯಿತು.

ಕನ್ನಡದ ನಟಿ ಹರ್ಷಿಕಾ ಮತ್ತು ಸಿಂಬು ಸಂಬಂಧದ ಸುದ್ದಿಯೂ ಮಾಧ್ಯಮಗಳಲ್ಲಿ ಹರಿದಾಡುತ್ತಿದೆ. ಅವರ ಫೋಟೋ ಮತ್ತು ಕಿಸ್ಸಿಂಗ್ ವಿಡಿಯೋ ಕೂಡ ಲೀಕ್ ಆಗಿದೆ. ಆದರೆ ಅದನ್ನು ಇಬ್ಬರು ಕೂಡಾ ನಿರಾಕರಿಸಿದ್ದರು. ಇದು ಅವರ ವಿಡಿಯೋ ಅಲ್ಲ ಎಂದು ಹೇಳಿದ್ದರು.

ವರಲಕ್ಷ್ಮಿ ಜೊತೆ ಸಿಂಬು ಹೆಸರು ತಳುಕು ಹಾಕಿಕೊಂಡಿದೆ. ಅವರಿಬ್ಬರೂ ಮೊದಲ ಚಿತ್ರ 'ಪೋಡಾ ಪೋಡಿ'ಯಲ್ಲಿ ಒಟ್ಟಿಗೆ ಕೆಲಸ ಮಾಡಿದ್ದು, ಅಲ್ಲಿ ಅವರ ಲಿಂಕ್‌ಅಪ್ ಸುದ್ದಿ ಮಾಧ್ಯಮಗಳಲ್ಲಿ ವೈರಲ್ ಆಗಿತ್ತು. ಆದರೂ ನಂತರ ನಟಿಯ ಹೆಸರು ವಿಶಾಲ್‌ ಜೊತೆ ಲಿಂಕ್ ಆಗಿದೆ.

ಇದಲ್ಲದೇ ಆಂಡ್ರಿಯಾ ಜೆರೆಮಿಯಾ ಜೊತೆ ಸಿಂಬು ಅಫೇರ್ ಬಗ್ಗೆ ಭಾರೀ ಸುದ್ದಿಯಾಗಿದೆ. ಆದರೆ, ಸಂಬಂಧದ ಸುದ್ದಿಯನ್ನು ನಿರಾಕರಿಸಿದ ಇಬ್ಬರೂ ಈ ಸಂಬಂಧವನ್ನು ಕೇವಲ ಸ್ನೇಹ ಸಂಬಂಧ ಎಂದು ಬಣ್ಣಿಸಿದ್ದಾರೆ.