Samantha Naga Chaitanya Divorce: 200 ಕೋಟಿ ವಿಚ್ಛೇದನದ ಪರಿಹಾರವನ್ನು ತಿರಸ್ಕರಿಸಿದ್ರಾ ಸಮಂತಾ? ಎಲ್ಲಾ ಪ್ರೀತಿಗಾಗಿ!

ಊರ ಕಣ್ಣು.. ಯಾರ ಕಣ್ಣು.. ಮಾರಿ ಕಣ್ಣು.. ಹೋರಿ ಕಣ್ಣು.. ಯಾವ ಮಸಣಿ ಕಣ್ಣು.. ಬಿತ್ತಮ್ಮ ಬಿತ್ತಮ್ಮ.. ಇವರ ಪ್ರೀತಿ ಮ್ಯಾಗೆ.. ಎಂಬ ಹಾಡನ್ನು ಎಲ್ಲರೂ ಕೇಳಿದ್ದೀರಾ. ಇದೀಗ ಸಮಂತಾ ನಾಗಚೈತನ್ಯ ಅವರ ಜೋಡಿಯನ್ನು ನೋಡಿದರೆ ಈ ಹಾಡು ನೆನಪಾಗುತ್ತೆ. ಯಾಕಂದ್ರೆ ತುಂಬಾ ಅನನ್ಯವಾಗಿದ್ದು ಈ ಜೋಡಿ ಇದ್ದಕ್ಕಿದ್ದ ಹಾಗೆ ದೂರವಾಗಿ ಬಿಟ್ಟಿದ್ದಾರೆ.

ಟಾಲಿವುಡ್ ಅಂಗಳದಲ್ಲಿ ಇತ್ತೀಚೆಗೆ ಬೆಂಕಿನ ಉಂಡೆಯಂತೆ ಇವರ ವಿಚ್ಛೇದನ ವಿಚಾರ ಹರಿದಾಡುತ್ತಿತ್ತು. ಇದೆಲ್ಲಾ ಬರೀ ಅಂತೆಕಂತೆ, ಇವರಿಬ್ಬರೂ ಅನನ್ಯ ವಾಗಿದ್ದಾರೆ ಎಂಬ ಮಾತುಗಳು ಕೇಳಿಬಂದಿತ್ತು. ಆದರೆ ವಿಚ್ಛೇದನದ ಬಗ್ಗೆ ಕೊನೆಗೂ ಮಾತನಾಡಿರುವ ಸ್ಟಾರ್ ದಂಪತಿ, ತಾವು ವಿಚ್ಛೇದನ ಪಡೆಯುತ್ತಿರುವ ವಿಷಯವನ್ನು ತಿಳಿಸಿದ್ದಾರೆ. ನಟಿ ಸಮಂತಾ ಹಾಗೂ ನಾಗಚೈತನ್ಯ ತಮ್ಮ ವೈವಾಹಿಕ ಜೀವನಕ್ಕೆ ಗುಡ್ ಬೈ ಹೇಳಿದ್ದಾರೆ. ಈ ಜೋಡಿಯ ಬಗ್ಗೆ ಇದೀಗ ಮತ್ತೊಂದು ಸುದ್ದಿ ಹರಿದಾಡುತ್ತಿದೆ.

ಸಾಮಾಜಿಕ ಜಾಲತಾಣದ ಮೂಲಕ ಸಮಂತ ಹಾಗೂ ನಾಗಚೈತನ್ಯ ತಾವಿಬ್ಬರು ಬೇರೆಯಾಗುತ್ತಿರುವ ವಿಷಯವನ್ನು ಅಧಿಕೃತವಾಗಿ ತಿಳಿಸಿದರು. ಈ ಮೂಲಕ ಕಳೆದ ಕೆಲದಿನಗಳಿಂದ ಕಾಲಿವುಡ್ ಚಿತ್ರರಂಗದಲ್ಲಿ ಹರಿದಾಡುತ್ತಿದ್ದ ವದಂತಿಗಳಿಗೆ ತೆರೆಬಿದ್ದಿದೆ. ಈಗ ಮತ್ತೊಂದು ವದಂತಿ ಏನಪ್ಪ ಅಂದ್ರೆ, ನಟಿ ಸಮಂತಾ 200 ಕೋಟಿ ಜೀವನಾಂಶ ಪಡೆಯಲು ನಿರಾಕರಿಸಿದ್ದಾರೆ ಎಂದು ಹೇಳಲಾಗುತ್ತಿದೆ.

ನಾಗಾರ್ಜುನ ಅಕ್ಕಿನೇನಿ ಕುಟುಂಬ ಸಮಂತಾ ಅವರಿಗೆ 200 ಕೋಟಿ ಜೀವನಾಂಶ ನೀಡಲು ಮುಂದಾಗಿದ್ದರಂತೆ. ಆದರೆ ಸಮಂತಾ ನಾನು ಸ್ವಾಭಿಮಾನಿಯಾಗಿ ಬೆಳೆದು ಬಂದವಳು. ನನಗೆ ಯಾರ ಸಹಾಯವೂ ಬೇಡ ಎಂದು ಜೀವನಾಂಶ ನಿರಾಕರಿಸಿದ್ದಾರೆ ಅಂತ ಹೇಳಲಾಗುತ್ತಿದೆ.

ಮೂಲಗಳ ಪ್ರಕಾರ 50 ಕೋಟಿ ರೂಪಾಯಿಯನ್ನು ಸಮಂತಾಗೆ ನೀಡಬಹುದು ಎಂದು ಹೇಳಲಾಗುತ್ತಿತ್ತು. ಆದರೆ 200 ಕೋಟಿಯನ್ನು ನೀಡಲು ಅಕ್ಕಿನೇನಿ ಕುಟುಂಬ ಮುಂದಾಗಿತ್ತು. ಆದರೆ ನಯಾ ಪೈಸೆಯೂ ನನಗೆ ಬೇಡವೆಂದು ನಟಿ ಸಮಂತ ಹೇಳಿದ್ದಾರಂತೆ.

ಪ್ರೀತಿಸಿ ಮದುವೆಯಾಗಿ ಈ ರೀತಿ ಬೇರೆಯಾಗುತ್ತಿರುವುದು ನಿಜಕ್ಕೂ ಬೇಸರದ ಸಂಗತಿ. ಇನ್ನು ಈ ರೀತಿಯ ನಿರ್ಧಾರಕ್ಕೆ ನಾಗಚೈತನ್ಯ ಕಾರಣ ಎಂದು ಹೇಳಲಾಗುತ್ತಿದೆ. ನಾಗಚೈತನ್ಯ ಸಮಂತಾ ಅವರ ಬಗ್ಗೆ ತುಂಬಾ ಪೊಸೆಸಿವ್ ಆಗಿದ್ದರಂತೆ. ಇದು ಸಮಂತ ಅವರಿಗೆ ಸುತಾರಾಂ ಇಷ್ಟವಿರಲಿಲ್ಲ. ತನಗಿಷ್ಟ ಬಂದ ಕೆಲಸ ಹಾಗೂ ತನಗಿಷ್ಟ ಬಂದ ರೀತಿಯಲ್ಲಿ ಬದುಕಲು ಸಮಂತಾ ಇಷ್ಟಪಟ್ಟಿದ್ದರು. ಹೀಗಾಗಿ ಇವರ ಮಧ್ಯೆ ಸಣ್ಣ ಸಣ್ಣ ವಿಚಾರಕ್ಕೂ ಮನಸ್ತಾಪ ಉಂಟಾಗುತ್ತಿತ್ತು. ಇದೇ ಕಾರಣದಿಂದ ಇಬ್ಬರು ದೂರ ಆಗಿದ್ದಾರೆ ಎಂದು ಹೇಳಲಾಗುತ್ತಿದೆ.

ದಾಂಪತ್ಯದಲ್ಲಿ ಹುಳಿ ಹಿಂಡಿದ್ದ ಫ್ಯಾಮಿಲಿ ಮ್ಯಾನ್ -2?ಫ್ಯಾಮಿಲಿ ಮ್ಯಾನ್ 2 ವೆಬ್ ಸರಣಿಯಲ್ಲಿ ಸಮಂತ ಅಕ್ಕಿನೇನಿ ಸಖತ್ ಬೋಲ್ಡ್ ಆಗಿ ಕಾಣಿಸಿಕೊಂಡಿದ್ದರು. ಇದು ನಾಗಚೈತನ್ಯ ಕಣ್ಣು ಕೆಂಪು ಮಾಡಿತ್ತು. ಈ ರೀತಿಯ ಪಾತ್ರಗಳಲ್ಲಿ ನಟಿಸದಂತೆ ಮುಂಚೆಯೇ ಪತಿ ನಾಗಚೈತನ್ಯ ಸಮಂತಾಗೆ ಹೇಳಿದ್ದರಂತೆ.

ಇದೇ ವಿಚಾರಕ್ಕೆ ಕೂಡ ಇವರಿಬ್ಬರ ನಡುವೆ ಕೊಂಚ ಗಲಾಟೆಯಾಗಿತ್ತು ಅಂತ ಹೇಳಲಾಗಿತ್ತು. ನಾಗಚೈತನ್ಯ ಅವರ ಕುಟುಂಬದಲ್ಲೂ ಈ ಬಗ್ಗೆ ಕೊಂಚ ಅಸಮಾಧಾನವಿತ್ತು. ಇದಾದ ಬಳಿಕ ಬಾಲಿವುಡ್ ನಲ್ಲಿ ಸಮಂತಾಗೆ ಬೇಡಿಕೆ ಹೆಚ್ಚಾಯಿತು. ಮುಂಬೈಗೆ ಹೋಗಲು ನಿರ್ಧರಿಸಿದ್ದ ಸಮಂತಾರ ನಿರ್ಧಾರ, ನಾಗಚೈತನ್ಯ ಅವರಿಗೆ ಇಷ್ಟವಿರಲಿಲ್ಲ. ಇದೇ ವಿಚಾರಕ್ಕೆ ಈ ರೀತಿಯ ನಿರ್ಧಾರ ಕೈಗೊಂಡಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದೆ.