Sonam Kapoor: ಸೋನಂ ಕಪೂರ್ ಮಗ ಹೇಗಿದ್ದಾನೆ? ವಾಯು ಫೋಟೋ ಬಗ್ಗೆ ನಟಿ ಹೇಳಿದ್ದೇನು?

ಬಾಲಿವುಡ್ ನಟಿ ಸೋನಂ ಕಪೂರ್ ತಮ್ಮ ಸಿನಿಮಾಗಳಿಗಿಂತ ಹೆಚ್ಚಾಗಿ ತಮ್ಮ ವೈಯಕ್ತಿಕ ಜೀವನಕ್ಕಾಗಿ ಸುದ್ದಿಯಲ್ಲಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ಆ್ಯಕ್ಟೀವ್ ಆಗಿರುವ ನಟಿ ಸೋನಂ ಕಪೂರ್ ವೈಯಕ್ತಿಕ ವಿಚಾರದ ಮಾಹಿತಿ ಹಂಚಿಕೊಳ್ತಾರೆ.

ಬಾಲಿವುಡ್ ನಲ್ಲಿ ಅನೇಕ ಸಿನಿಮಾಗಳನ್ನು ಮಾಡಿ ನಂ 1 ನಟಿಯಾಗಿದ್ದ ಸೋನಂ ಕಪೂರ್ ಇದೀಗ ಮಗನ ಲಾಲನೆ-ಪಾಲನೆಯಲ್ಲಿ ಬ್ಯುಸಿ ಆಗಿದ್ದಾರೆ.

ಮದುವೆ ಬಳಿಕ ಸೋನಂ ಕಪೂರ್ ಸದ್ಯ ಸಿನಿಮಾಗಳಿಂದ ದೂರ ಉಳಿದಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಫೋಟೋ ಹಂಚಿಕೊಳ್ಳುವ ಮೂಲಕ ಅಭಿಮಾನಿಗಳಿಗೆ ಹತ್ತಿರವಾಗಿದ್ದಾರೆ.

ಸೋನಂ ಕಪೂರ್ ಇತ್ತೀಚೆಗೆ ತಾಯಿಯಾದರು. ನಟಿ ಕೆಲವು ತಿಂಗಳ ಹಿಂದೆ ಮುದ್ದಾದ ಗಂಡು ಮಗುವಿಗೆ ಜನ್ಮ ನೀಡಿದರು.

ಸೋನಂ ಕಪೂರ್ ತಮ್ಮ ಮಗನಿಗೆ ವಾಯು ಎಂದು ಹೆಸರಿಟ್ಟಿದ್ದಾರೆ. ನಟಿಯ ಮಗನ ಹೆಸರಿನ ಬಗ್ಗೆ ಕೂಡ ಭಾರೀ ಚರ್ಚೆಯಾಗಿತ್ತು.

ಅಭಿಮಾನಿಗಳು ಸೋನಂ ಕಪೂರ್ ಅವರ ಮಗನನ್ನು ನೋಡಲು ಕಾಯ್ತಿದ್ದಾರೆ. ಆದರೆ ನಟಿ ಮಾತ್ರ ಇನ್ನೂ ಮಗ ವಾಯುವಿನ ಒಂದೇ ಒಂದು ಫೋಟೋವನ್ನು ಹಂಚಿಕೊಂಡಿಲ್ಲ.

ನಟಿ ಕೆಲವು ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಆದರೆ ಅದರಲ್ಲಿ ಮಗನ ಮುಖ ಕಾಣಿಸುತ್ತಿಲ್ಲ. ಪಿಟಿಐ ಸುದ್ದಿ ಸಂಸ್ಥೆಗೆ ನೀಡಿದ ಸಂದರ್ಶನದಲ್ಲಿ, ಸೋನಮ್ ಕಪೂರ್ ಅವರು ವಾಯು ಫೋಟೋವನ್ನು ಯಾವಾಗ ಹಂಚಿಕೊಳ್ಳುತ್ತಾರೆ ಎಂಬ ವಿಚಾರದ ಬಗ್ಗೆ ಮಾತಾಡಿದ್ದಾರೆ.

ಈ ಬಗ್ಗೆ ಮಾತಾಡಿದ ಸೋನಂ, ವಾಯು ದೊಡ್ಡವನಾದ ನಂತರ ಫೋಟೋವನ್ನು ಶೇರ್ ಮಾಡುತ್ತೇನೆ ಅದು ಅವನೇ ನಿರ್ಧರಿಸಿದಾಗ ಮಾತ್ರ ಎಂದಿದ್ದಾರೆ. ಈ ಮಾತು ಅಭಿಮಾನಿಗಳಲ್ಲಿ ನಿರಾಸೆ ಮೂಡಿಸಿದೆ. ಸೋನಂ ಮಗನನ್ನ ನೋಡೋಕೆ ಇನ್ನೂ ಸ್ವಲ್ಪ ದಿನ ಕಾಯಲೇಬೇಕಿದೆ.