Rashmi Prabhakar: ಪತಿ ಹೆಸರು ಟ್ಯಾಟೂ ಹಾಕಿಸಿಕೊಂಡ ರಶ್ಮಿ ಪ್ರಭಾಕರ್, ಕೈ ಮೇಲೆ ಹಚ್ಚೆ ಹಾಕಿದವರೂ ಸ್ಪೆಷಲ್ ವ್ಯಕ್ತಿನೇ!

ಸೂಪರ್ ಕ್ವೀನ್ ವಿನ್ನರ್, ಲಕ್ಷ್ಮಿ ಬಾರಮ್ಮ ಖ್ಯಾತಿಯ ನಟಿ ರಶ್ಮಿ ಪ್ರಭಾಕರ್ ಹೊಸ ವಿಡಿಯೋವೊಂದನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ವಿಡಿಯೋದಲ್ಲಿ ತಮ್ಮ ಗಂಡನ ಹೆಸರನ್ನು ಟ್ಯಾಟೂ ಹಾಕಿಸಿಕೊಳ್ಳುತ್ತಿರುವುದು ಇದೆ.

ನಟಿ ರಶ್ಮಿ ಪ್ರಭಾಕರ್ ಅವರು ಕಳೆದ ವರ್ಷ ತಮ್ಮ ದೀರ್ಘ ಕಾಲದ ಗೆಳೆಯ ನಿಖಿಲ್ ಭಾರ್ಗವ್ ಜೊತೆ ವಿವಾಹವಾಗಿದ್ದಾರೆ. ಬೆಂಗಳೂರಿನಲ್ಲಿ ಅದ್ಧೂರಿ ವಿವಾಹ ನಡೆದಿತ್ತು. ಇಬ್ಬರೂ ಪ್ರೀತಿಸಿ ಮನೆಯವರ ಸಮ್ಮತಿ ಪಡೆದು ಸತಿ-ಪತಿಗಳಾಗಿದ್ದರು.

ತಮ್ಮ ಮದುವೆ ವಾರ್ಷಿಕೋತ್ಸವಕ್ಕೆ ಸಪ್ರ್ರೈಸ್ ಕೊಡಲು ರಶ್ಮಿ ಪ್ರಭಾಕರ್ ಅವರು ತಮ್ಮ ಗಂಡನ ಹೆಸರು ಟ್ಯಾಟೂ ಹಾಕಿಸಿಕೊಂಡಿದ್ದಾರೆ.ಅಕ್ಷರದ ತುದಿಯಲ್ಲಿ ಕೆಂಪು ಬಣ್ಣದಲ್ಲಿ ಹಾರ್ಟ್ ಇರುವಂತಹ ಎನ್ ಟ್ಯಾಟೂ ಹಾಕಿಸಿಕೊಂಡಿದ್ದಾರೆ.

ಇನ್ನೂ ಈ ಟ್ಯಾಟೂ ನೋಡಿ ಪತಿ ನಿಖಿಲ್ ಭಾರ್ಗವ್ ತುಂಬಾ ಖುಷಿ ಪಟ್ಟಿದ್ದಾರೆ. ಪತ್ನಿ ರಶ್ಮಿ ಅವರಿಗೆ ಪ್ರೀತಿಯ ಅಪ್ಪುಗೆ ನೀಡಿ, ಧನ್ಯವಾದ ಹೇಳಿದ್ದಾರೆ.

ಈ ಟ್ಯಾಟೂದ ಇನ್ನೊಂದು ವಿಶೇಷತೆ ಇದೆ. ಅದೇನಂದ್ರೆ ಈ ಟ್ಯಾಟೂ ಹಾಕಿದರು ಸಹ ಸ್ಪೆಷನ್ ವ್ಯಕ್ತಿ. ಸೂಪರ್ ಕ್ವೀನ್ ವೇದಿಕೆಯಲ್ಲಿ ಸಹ ಸ್ಪರ್ಧಿಯಾಗಿದ್ದ ನೀತು ವನಜಾಕ್ಷಿ ಅವರು ರಶ್ಮಿ ಅವರಿಗೆ ಟ್ಯಾಟೂ ಹಾಕಿದ್ದಾರೆ. ನೀತು ಅವರು ಟ್ಯಾಟೂ ಆರ್ಟಿಸ್ಟ್.

ಈ ಹಿಂದೆ ರಶ್ಮಿ ಪ್ರಭಾಕರ್ ಅವರು ಪತಿಗಾಗಿ ಮೂಗು ಚುಚ್ಚಿಸಿಕೊಂಡಿದ್ರು. ಪತಿ ನಿಖಿಲ್ ಅವರು ತುಂಬಾ ದಿನಗಳಿಂದ ಮೂಗುತಿ ಹಾಕು ಎಂದು ಹೇಳ್ತಾ ಇದ್ರಂತೆ. ಅದಕ್ಕೆ ರಶ್ಮಿ ಈಗ ತಮ್ಮ ಪತಿಯ ಆಸೆಯನ್ನು ಈಡೇರಿಸಿದ್ದರು.

ರಶ್ಮಿ ಪ್ರಭಾಕರ್ ಅವರು ಜೀ ಕನ್ನಡದಲ್ಲಿ ಪ್ರಸಾರವಾಗುತ್ತಿದ್ದ ಸೂಪರ್ ಕ್ವೀನ್ ರಿಯಾಲಿಟಿ ಶೋನಲ್ಲಿ ಭಾಗವಹಿಸಿದ್ದರು. ತುಂಬಾ ಚೆನ್ನಾಗಿ ಇತರೆ ಸ್ಪರ್ಧಿಗಳಿಗೆ ಸ್ಪರ್ಧೆ ನೀಡಿ ವಿನ್ ಆಗಿದ್ದಾರೆ. ಬಂಗಾರದ ಕೀರಿಟವನ್ನು ತಮ್ಮದಾಗಿಸಿಕೊಂಡಿದ್ರು.

ರಶ್ಮಿ ಪ್ರಭಾಕರ್ ಅವರು ಮತ್ತೆ ಸೀರಿಯಲ್ ಮಾಡಲ್ವಾ ಎಂದು ಅಭಿಮಾನಿಗಳು ಕೇಳ್ತಾ ಇದ್ದಾರೆ. ನಟಿ ರಶ್ಮಿ ಅವರನ್ನು ಟಿವಿಯಲ್ಲಿ ನೋಡಲು ಕಾತುರರಾಗಿದ್ದಾರೆ. ರಶ್ಮಿ ಅವರೇ ಇದರ ಬಗ್ಗೆ ಮಾಹಿತಿ ನೀಡಬೇಕು.