Raghu marriage: ವೈವಾಹಿಕ ಜೀವನಕ್ಕೆ ಕಾಲಿಟ್ಟ ಕಾಮಿಡಿ ಕಿಲಾಡಿ ಖ್ಯಾತಿಯ ರಘು, ಸರಳ ಮದುವೆಯಾದ ನಟ

ಕಾಮಿಡಿ ಕಲಾವಿದ ಸೀರುಂಡೆ ರಘು ಎಲ್ಲರಿಗೂ ಪರಿಚಯ. ತಮ್ಮ ಅದ್ಭುತವಾದ ಕಾಮಿಡಿ ಮೂಲಕ ಜನರಿಗೆ ಹತ್ತಿರವಾಗಿದ್ದಾರೆ. ನಟ ಸೀರುಂಡೆ ರಘು ಅವರು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ.

ಕಾಮಿಡಿ ಕಿಲಾಡಿಗಳು ಸೀಸನ್ 2 ಮೂಲಕ ಖ್ಯಾತಿ ಪಡೆದಿದ್ದ ಸೀರುಂಡೆ ರಘು ಅವರು ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಸರಳವಾಗಿ ರಂಜಿತಾ ಎಂಬುವವರ ಜೊತೆ ಮದುವೆಯಾಗಿದ್ದಾರೆ.

ನಟ ಸೀರುಂಡೆ ರಘು ಮತ್ತು ರಂಜಿತಾ ಅವರ ಮದುವೆ ಗುರುಹಿರಿಯರು, ಆಪ್ತರ ಸಮ್ಮುಖದಲ್ಲಿ ಬೆಂಗಳೂರಿನ ಖಾಸಗಿ ಕಲ್ಯಾಣ ಮಂಟಪದಲ್ಲಿ ನಡೆದಿದೆ.

ಸೀರುಂಡೆ ರಘು ಅವರ ಮದುವೆಗೆ ಕಾಮಿಡಿ ಕಿಲಾಡಿಗಳು ಶೋ ಸ್ಪರ್ಧಿಗಳು, ಕಿರುತೆರೆ ನಟ, ನಟಿಯರು ಸೇರಿದಂತೆ ಹಲವರು ಭಾಗಿಯಾಗಿ ನವ ಜೋಡಿಗೆ ವಿಶ್ ಮಾಡಿದ್ದಾರೆ.

ನಟ ಸೀರುಂಡೆ ರಘು ಅವರ ಫೋಟೋಗಳನ್ನು ಎಲ್ಲೆಡೆ ವೈರಲ್ ಆಗ್ತಾ ಇದ್ದು, ಅಭಿಮಾನಿಗಳೆಲ್ಲಾ ಮದುವೆ ಶುಭಾಶಯ ತಿಳಿಸಿದ್ದಾರೆ. ನಿಮ್ಮ ವೈವಾಹಿಕ ಜೀವನ ಚೆನ್ನಾಗಿರಲಿ ಎಂದು ಕಾಮೆಂಟ್ ಹಾಕಿದ್ದಾರೆ.

ಸದ್ಯ ರಘು ಅವರು ಸತ್ಯ ಧಾರಾವಾಹಿಯಲ್ಲಿ ನಟ ಕಾರ್ತಿಕ್ ಮೈದುನನ ಪಾತ್ರ ನಿರ್ವಹಿಸುತ್ತಿದ್ದಾರೆ. ಇದರಲ್ಲಿ ಕಾಮಿಡಿ ಪಾತ್ರ ಮಾಡ್ತಾ ಇದ್ದಾರೆ.

ಸತ್ಯ ಧಾರಾವಾಹಿಯಲ್ಲಿ ನಟ ಕಾರ್ತಿಕ್ ಜೊತೆ ಸದಾ ಇರುತ್ತಾರೆ. ಇಬ್ಬರು ಎರಡು ದೇಹ, ಒಂದೇ ಪ್ರಾಣದಂತೆ ಇದ್ದಾರೆ. ಇಬ್ಬರ ಜೋಡಿ ಮೋಡಿ ಮಾಡಿದೆ.

ನಟ ರಘು ಅವರು ಸಿನಿಮಾಗಳಲ್ಲೂ ಮಾಡುವ ಆಸೆಯನ್ನು ಹೊಂದಿದ್ದಾರೆ. ಅಲ್ಲದೇ ಇನ್ನೂ ಒಳ್ಳೆ ಒಳ್ಳೆಯ ಪಾತ್ರಗಳು ಬಂದ್ರೆ ನಟಿಸುತ್ತಾರಂತೆ.