Lokesh Basavatti-Rachana Dashrath: ಲೋಕೇಶ್ ಬಸವಟ್ಟಿ-ರಚನಾ ದಶರಥ್ ಮದುವೆ ಫೋಟೋಸ್ ನೋಡಿ

ಸ್ಯಾಂಡಲ್‍ವುಡ್ ಮತ್ತು ಕನ್ನಡ ಕಿರುತೆರೆಯಲ್ಲಿ ನಟನಾಗಿ ಲೋಕೇಶ್ ಬಸವಟ್ಟಿ ಗುರುತಿಸಿಕೊಂಡಿದ್ದಾರೆ. ಇದೀಗ ಲೋಕೇಶ್ ಅವರು ತಮ್ಮ ನೆಚ್ಚಿನ ಹುಡುಗಿ ನಟಿ ರಚನಾ ಜೊತೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ.

ಕನ್ನಡ ಚಿತ್ರರಂಗದಲ್ಲಿ ನಟಿ ರಚನಾ ದಶರಥ್ ಗುರುತಿಸಿಕೊಂಡಿದ್ದಾರೆ. ನಟಿ ಅವರು ನಟ ಲೋಕೇಶ್ ಬಸವಟ್ಟಿ ಅವರ ಜೊತೆ ವೈವಾಹಿಕ ಜೀವನ ಆರಂಭಿಸಿದ್ದಾರೆ.

ಲೋಕೇಶ್ ಬಸವಟ್ಟಿ-ರಚನಾ ದಶರಥ್ ಅವರು ಚಾಮರಾಜನಗರದಲ್ಲಿರುವ ಅನುಭವ ಮಂಟಪದಲ್ಲಿ ಮದುವೆ ಆಗಿದ್ದಾರೆ. ಇಬ್ಬರ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿವೆ.

ಲೋಕೇಶ್ ಬಸವಟ್ಟಿ, ರಚನಾ ದಶರಥ್ ಅವರ ಮದುವೆಯಲ್ಲಿ ಆತ್ಮೀಯರು, ಸ್ನೇಹಿತರು, ಸಿನಿ ಗಣ್ಯರು ಭಾಗಿಯಾಗಿದ್ದರು. ಮದುವೆಗೆ ವಿಶ್ ಮಾಡಿ, ಶುಭಕೋರಿದ್ದಾರೆ.

ಲೋಕೇಶ್ ಬಸವಟ್ಟಿ ಮತ್ತು ರಚನಾ ದಶರಥ್ ವರ್ಷಗಳಿಂದ ಪ್ರೀತಿ ಮಾಡ್ತಾ ಇದ್ದರು. ಈಗ ಆ ಪ್ರೀತಿಗೆ ಮದುವೆಯೆಂಬ ಬಂಧನವಾಗಿದೆ. ಜೋಡಿ ತುಂಬಾ ಖುಷಿಯಾಗಿದೆ.

ಲಾಯರ್ ಗುಂಡಣ್ಣ ಖ್ಯಾತಿಯ ನಟ ಲೋಕೇಶ್ ಬಸವಟ್ಟಿ ಅವರು ಜನವರಿ 27 ರಂದು ರಚನಾ ಜೊತೆ ಮದುವೆ ಆಗಿದ್ದಾರೆ. ಅಭಿಮಾನಿಗಳು ಸಹ ನವ ಜೋಡಿಗೆ ವಿಶ್ ಮಾಡಿದ್ದಾರೆ.

ನಟ ಲೋಕೇಶ್ ಬಸವಟ್ಟಿ ಚಾಮರಾಜನಗರ ಮೂಲದವರು. ಡಿಪ್ಲೋಮಾ ಓದಿರುವ ಲೋಕೇಶ್ ಬಸವಟ್ಟಿ ನಟನೆಯಲ್ಲಿ ಆಸಕ್ತಿ ಬೆಳೆಸಿಕೊಂಡರು.ಲೋಕೇಶ್ ಅವರು ಹಲವು ನಾಟಕಗಳನ್ನು ಮಾಡಿದ್ದಾರೆ.ಸಿಲ್ಲಿ ಲಲ್ಲಿ, ಪಾಯಿಂಟ್ ಪರಿಮಳ, ಪಾರ್ವತಿ ಪರಮೇಶ್ವರ ಮುಂತಾದ ಧಾರಾವಾಹಿಗಳಲ್ಲಿ ಲೋಕೇಶ್ ಬಸವಟ್ಟಿ ಅಭಿನಯಿಸಿದ್ದಾರೆ.

ರಚನಾ ದಶರಥ್ ನೇಪಾಳ ಮೂಲದವರು. ಬೆಂಗಳೂರಿನಲ್ಲೇ ಬೆಳೆದ ಅವರು ಮಾಡೆಲಿಂಗ್ ನಲ್ಲಿ ಗುರುತಿಸಿಕೊಂಡಿದ್ದರು. ಮಾತು ಕಥೆ, ಯೋಗಿ ದುನಿಯಾ, ಸಮರ್ಥ ಮುಂತಾದ ಚಿತ್ರಗಳಲ್ಲಿ ನಟಿಸಿದ್ದಾರೆ.