Alia Bhatt-Sitara: ಟಾಲಿವುಡ್ ಸ್ಟಾರ್ಸ್ ಮಕ್ಕಳ ಮೇಲೆ ಬಾಲಿವುಡ್ ಬ್ಯೂಟಿಗೆ ಲವ್! ಮಹೇಶ್ ಬಾಬು ಮಗಳಿಗೆ ಆಲಿಯಾ ಕೊಟ್ರು ಸರ್ಪ್ರೈಸ್ ಗಿಫ್ಟ್!

ಟಾಲಿವುಡ್ ಸ್ಟಾರ್​ಗಳ ಜೊತೆ ಬಾಲಿವುಡ್ ನಟಿ ಆಲಿಯಾ ಭಟ್ ಉತ್ತಮ ಸ್ನೇಹವನ್ನು ಹೊಂದಿದ್ದಾರೆ. ಇದೀಗ ಟಾಲಿವುಡ್​ ಪ್ರಿನ್ಸ್ ಮಹೇಶ್ ಬಾಬು ಮಗಳಿಗೆ ಆಲಿಯಾ ಗಿಫ್ಟ್ ನೀಡಿದ್ದಾರೆ. ಈ ಬಗ್ಗೆ ಸಿತಾರಾ ಸೋಶಿಯಲ್ ಮೀಡಿಯಾದಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ.

ನಟ ಮಹೇಶ್ ಬಾಬು ಮಗಳು ಸಿತಾರಾ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ಆ್ಯಕ್ಟಿವ್ ಆಗಿದ್ದಾರೆ. ಪೋಷಕರು ಜೊತೆ ವಿದೇಶಕ್ಕೆ ಹೋದಾಗಲೂ ಪ್ರತಿ ಕ್ಷಣವನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಳ್ಳುತ್ತಾರೆ. ಇತ್ತೀಚೆಗಷ್ಟೇ ಸಿತಾರಾ ಆಲಿಯಾ ಭಟ್​ಗೆ ಧನ್ಯವಾದ ಹೇಳಿ ಟ್ವೀಟ್ ಮಾಡಿದ್ದಾರೆ.

ಆಲಿಯಾ ಭಟ್ ಕಳೆದ ವರ್ಷ ನಟ ರಣಬೀರ್ ಕಪೂರ್ ಜೊತೆ ವಿವಾಹವಾದರು. ಒಂದೆಡೆ ನಾಯಕಿಯಾಗಿ ನಟಿಸುತ್ತಲೇ ಬ್ಯುಸಿನೆಸ್ ಕೂಡ ಆರಂಭಿಸಿದ್ದಾರೆ. ಇತ್ತೀಚೆಗಷ್ಟೇ ಆಲಿಯಾ ಭಟ್ ಅವರು ಮಹೇಶ್ ಬಾಬು ಮಗಳಿಗೆ ಸಮ್ಮರ್ ವೇರ್ ಅನ್ನು ಉಡುಗೊರೆಯಾಗಿ ನೀಡಿದ್ದರು.

ಆಲಿಯಾ ಭಟ್ ಮತ್ತು ಮಹೇಶ್ ಬಾಬು ಅವರ ಮಗಳಿಗೆ ಕಳುಹಿಸಲಾದ ಡ್ರೆಸ್​ಗಳನ್ನು ಸಿತಾರಾ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. RRR ಸಿನಿಮಾ ಮೂಲಕ ಆಲಿಯಾ ಭಟ್ ತೆಲುಗು ಪ್ರೇಕ್ಷಕರಿಂದ ಮೆಚ್ಚುಗೆ ಗಳಿಸಿದ್ರು.

ಸಿತಾರಾಗೆ ಬಟ್ಟೆಗಳ ಜೊತೆಗೆ ಆಲಿಯಾ ಭಟ್ ಲೆಟರ್ ಕೂಡ ಕಳುಹಿಸಿದ್ದಾರೆ. ನಟಿ ಆಲಿಯಾ ಗಿಫ್ಟ್ ನೋಡಿ ಸಿತಾರಾ ಕೂಡ ಫುಲ್ ಖುಷ್ ಆಗಿದ್ದಾರೆ.

ಬ್ರಹ್ಮಾಸ್ತ್ರ ಸಿನಿಮಾ ಟೈಮ್​ನಲ್ಲಿ ಆಂಧ್ರ ಪ್ರದೇಶಕ್ಕೆ ಚಿತ್ರ ಪ್ರಚಾರಕ್ಕೆ ಬಂದಿದ್ದ ನಟಿ ತೆಲುಗಿನಲ್ಲಿ ಹಾಡು ಹೇಳಿ ಅಭಿಮಾನಿಗಳ ಮನಗೆದ್ದಿದ್ದರು. ಇದೀಗ ಟಾಲಿವುಡ್ ಸ್ಟಾರ್​ಗಳ ಮಕ್ಕಳಿಗೆ ಗಿಫ್ಟ್ ನೀಡುವ ಮೂಲಕ ಪ್ರೀತಿ ವ್ಯಕ್ತಪಡಿಸಿದ್ದಾರೆ.

ಇತ್ತೀಚಿಗಷ್ಟೇ ಜೂನಿಯರ್ NTR ಮಕ್ಕಳಿಗೂ ಆಲಿಯಾ ಭಟ್ ಬಟ್ಟೆಗಳನ್ನು ಗಿಫ್ಟ್ ಆಗಿ ಕಳುಹಿಸಿದ್ರು. ಆಲಿಯಾ ಜೂನಿಯರ್ NTR ಕೂಡ ಸೋಶಿಯಲ್ ಮೀಡಿಯಾ ಮೂಲಕ ಥ್ಯಾಂಕ್ಸ್ ಹೇಳಿದ್ರು.

ಮಹೇಶ್ ಬಾಬು ಪ್ರಸ್ತುತ ತ್ರಿವಿಕ್ರಮ್ ನಿರ್ದೇಶನದ ಚಿತ್ರದಲ್ಲಿ ಕೆಲಸ ಮಾಡುತ್ತಿದ್ದಾರೆ. ಮಹೇಶ್ ಬಾಬು ನಾಯಕನಾಗಿ ನಟಿಸುತ್ತಿರುವ 28ನೇ ಸಿನಿಮಾ ಇದಾಗಿದೆ. ಈ ಸಿನಿಮಾದಲ್ಲಿ ಸೂಪರ್ ಸ್ಟಾರ್ ಗೆ ನಾಯಕಿಯಾಗಿ ಶ್ರೀಲೀಲಾ ನಟಿಸುತ್ತಿದ್ದಾರೆ. ಈ ಚಿತ್ರಕ್ಕೆ 'ಅಯೋಧ್ಯೆಯಲ್ಲಿ ಅರ್ಜುನ್' ಎಂಬ ಶೀರ್ಷಿಕೆ ಇಡಲು ಪ್ಲ್ಯಾನ್ ಮಾಡಿದ್ದಾರೆ.