Lata Mangeshkar: ಲತಾ ಮಂಗೇಶ್ಕರ್ ಬದುಕಿನಲ್ಲಿ ಹೀಗೆಲ್ಲಾ ಆಗಿತ್ತು ಎಂದು ನಿಮಗೆ ಗೊತ್ತಿರೋಕೆ ಸಾಧ್ಯವಿಲ್ಲ: ಗಾನಕೋಗಿಲೆಯ ಜೀವನದ ಅಚ್ಚರಿಯ ಘಟನೆಗಳಿವು

ಕಲಾವಿದರ ಕುಟುಂಬ: ಲತಾ ಮಂಗೇಶ್ಕರ್ ಅವರದು ಸಂಪೂರ್ಣ ಕಲಾವಿದ ಕುಟುಂಬ. ಲತಾ ಮಂಗೇಶ್ಕರ್ ಅವರ ತಂದೆ ನಾಟಕ ಕಂಪನಿಯನ್ನು ನಡೆಸುತ್ತಿದ್ದರು.. ಸಹೋದರಿ ಆಶಾ ಭೋಸ್ಲೆ ಜೊತೆಗೆ ಗಾಯನದ ಮೇಲೆ ಪ್ರೀತಿ ಬೆಳೆಸಿಕೊಂಡಿದ್ದ ಲತಾ ಅವರ ಸಂಗೀತ ಪ್ರೀತಿಯನ್ನು ಅವರ ತಂದೆ ಬಾಲ್ಯದಲ್ಲಿಯೇ ಗುರುತಿಸಿದ್ದರು.. ಲತಾ ಮಂಗೇಶ್ಕರ್ ಅವರಿಗೆ ಸಂಗೀತದ ಮೊದಲ ಗುರು ಕೂಡ ಅವರ ತಂದೆ.

ಲತಾ ಹಾಡಿದ ಮೊದಲ ಹಾಡು ಸಿನಿಮಾದಲ್ಲಿ ಇರಲಿಲ್ಲ: ಲತಾ ಮಂಗೇಶ್ಕರ್ ಅವರು 1942ರಲ್ಲಿ ಕಿತಿ ಹಸಾಲ್ ಎಂಬ ಮರಾಠಿ ಚಲನಚಿತ್ರಕ್ಕಾಗಿ "ನಾಚು ಯಾ ಗಡೆ, ಖೇಲು ಸಾರಿ ಮಣಿ ಹೌಸ್ ಭಾರಿ"ಎಂಬ ಹಾಡನ್ನು ಮೊದಲ ಬಾರಿಗೆ ಹಾಡಿದ್ದರು.. ಆದರೆ ದುರಾದೃಷ್ಟವಶಾತ್ ಸಿನಿಮಾದಿಂದ ಹಾಡನ್ನ ತೆಗೆದುಹಾಕಲಾಗಿತ್ತು.

ಹಾಡುತ್ತಿರುವಾಗಲೇ ಒಮ್ಮೆ ಮೂರ್ಛೆ ಹೋಗಿದ್ದ ಲತಾ: ಸಂಗೀತ ಸಂಯೋಜಕ ನೌಶಾದ್ ಅವರೊಂದಿಗೆ ಹಾಡು ರೆಕಾರ್ಡ್ ಮಾಡುವಾಗ ಲತಾ ಒಮ್ಮೆ ಮೂರ್ಛೆ ಹೋಗಿದ್ದರು. ರೆಕಾರ್ಡಿಂಗ್ ಸ್ಟುಡಿಯೋದಲ್ಲಿ ಯಾವುದೇ ಹವಾನಿಯಂತ್ರಿತ ವ್ಯವಸ್ಥೆ ಇಲ್ಲದೆ ಸೆಕೆ ತಾಳಲಾರದೆ ಲತಾ ಮೂರ್ಛೆ ಹೋಗಿದ್ದರು.

ತನ್ನ ಹಾಡುಗಳನ್ನು ಇಂದಿಗೂ ಕೇಳದ ಲತಾ:ವಿಶೇಷ ಅಂದರೆ ಎಂದಿಗೂ ಲತ ಮಂಗೇಶ್ಕರ್ ಅವರು ಅವರು ಹಾಡಿದ ಹಾಡುಗಳನ್ನು ಕೇಳಿ ಇರಲಿಲ್ಲವಂತೆ. ಯಾಕಂದ್ರೆ ಅವರು ನನ್ನ ಹಾಡುಗಳಲ್ಲಿ ನೂರಾರು ತಪ್ಪುಗಳು ನನಗೆ ಕಂಡುಬರುತ್ತವೆ ಎಂದು ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದರು.

ಮದನ್ ಮೋಹನ್ ಲತಾ ಅವರ ನೆಚ್ಚಿನ ಸಂಗೀತ ನಿರ್ದೇಶಕ: 36 ಕ್ಕೂ ಹೆಚ್ಚು ಭಾಷೆಗಳಲ್ಲಿ ಹಾಡಿರುವ ಲತಾ ಮಂಗೇಶ್ಕರ್ ಅವರ ನೆಚ್ಚಿನ ಸಂಗೀತ ನಿರ್ದೇಶಕ ಮದನ್ ಮೋಹನ್ ಅವರು. ಅಲ್ಲದೇ ಸಂದರ್ಶನವೊಂದರಲ್ಲಿ ಲತಾ ಮಂಗೇಶ್ಕರ್ ಅವರ ಮದನ್ ಮೋಹನ್ ನನಗೆ ಮೆಚ್ಚಿನ ಸಂಗೀತ ನಿರ್ದೇಶಕ ಅವರ ಜೊತೆಗೆ ನಾನು ಸಹೋದರತ್ವದ ಸಂಬಂಧ ಹೊಂದಿದ್ದೇನೆ ಎಂದು ಹೇಳಿಕೊಂಡಿದ್ದರು.

ರಾಜ್ಯಸಭಾ ಸದಸ್ಯರಾಗಿದ್ದ ಲತಾ: ಸಂಗೀತ ಕ್ಷೇತ್ರದಲ್ಲಿ ಲತಾ ಮಂಗೇಶ್ಕರ್ ಅವರ ಸಾಧನೆಯನ್ನು ಗುರುತಿಸಿ ಅವರನ್ನು 1999 ರಿಂದ 2005 ರವರೆಗೆ ಸಂಸದರಾಗಿ ನಾಮನಿರ್ದೇಶನ ಮಾಡಲಾಗಿತ್ತು .

ವಿದೇಶದಲ್ಲೂ ಮೋಡಿಮಾಡಿದ್ದ ಲತಾ ಮಂಗೇಶ್ಕರ್: ಲತಾ ಮಂಗೇಶ್ಕರ್ ಅವರ ಕಂಠಸಿರಿ ಕೇವಲ ಭಾರತಕ್ಕೆ ಮಾತ್ರ ಸೀಮಿತವಾಗಿರಲಿಲ್ಲ.. ವಿದೇಶದಲ್ಲಿಯೂ ಲತಾ ಮಂಗೇಶ್ಕರ್ ಅವರು ತಮ್ಮ ಗಾಯನದಿಂದ ಸಾಕಷ್ಟು ಗಮನ ಸೆಳೆದಿದ್ದರು. ಲಂಡನ್‌ನ ಪ್ರತಿಷ್ಠಿತ ರಾಯಲ್ ಆಲ್ಬರ್ಟ್ ಹಾಲ್‌ನಲ್ಲಿ ಪ್ರದರ್ಶನ ನೀಡಿದ ಮೊದಲ ಭಾರತೀಯ ಎಂಬ ಗೌರವವನ್ನು ಅವರು ಹೊಂದಿದ್ದಾರೆ. ಫ್ರಾನ್ಸ್ ಸರ್ಕಾರವು 2007 ರಲ್ಲಿ ಅವರಿಗೆ ಅಧಿಕಾರಿ ಆಫ್ ದಿ ಲೀಜನ್ ಆಫ್ ಆನರ್ ನೀಡಿ ಗೌರವಿಸಿದೆ.

2019ರಲ್ಲಿ ಕೊನೆಯ ಹಾಡು: ದಶಕಗಳಿಗೂ ಹೆಚ್ಚು ಕಾಲ ಭಾರತೀಯ ಸಂಗೀತ ಸಾಮ್ರಾಜ್ಯದ ಸ್ವರ ಸಾಮ್ರಾಜ್ಞಿಯಾಗಿ ಗುರುತಿಸಿಕೊಂಡಿದ್ದ ಲತಾ ಮಂಗೇಶ್ಕರ್ ಅವರು 2019ರಲ್ಲಿ ತಮ್ಮ ಕೊನೆಯ ಹಾಡನ್ನು ಹಾಡಿದ್ದಾರೆ. ಭಾರತೀಯ ಸೇನೆ ಮತ್ತು ರಾಷ್ಟ್ರಕ್ಕೆ ಗೌರವ ಸೂಚಿಸುವ ‘ಸೌಗಂಧ್ ಮುಜೆ ಈಸ್ ಮಿಟ್ಟಿ ಕಿ’ ಹಾಡನ್ನ ಮಯೂರೇಶ್ ಪೈ ಸಂಗೀತ ಸಂಯೋಜನೆ ಮಾಡಿದ್ದರು. ಈ ಹಾಡಿಗೆ ಲತಾ ಮಂಗೇಶ್ಕರ್ ಅವರು ಕೊನೆಯದಾಗಿ ತಮ್ಮ ಧ್ವನಿ ನೀಡಿದ್ದರು.