Chandan Shetty: ಹೇಗೂ ಸುದ್ದಿ ಆಗಿದೆ, ಅಪ್ಪ ಆಗಿಬಿಡು ಅಂದ್ರಂತೆ ಚಂದನ್ ಶೆಟ್ಟಿಗೆ! ಅದ್ಕೆ ನಾನೇ ಅಮ್ಮ ಆಗಬೇಕು ಎಂದಿದ್ಯಾಕೆ?

ಕೆಲ ದಿನಗಳ ಹಿಂದೆ ನಿವೇದಿತಾ ಗೌಡ ಮತ್ತು ಚಂದನ್ ಶೆಟ್ಟಿ ಅಪ್ಪ-ಅಮ್ಮ ಆಗ್ತಾರೆ ಎನ್ನುವ ಸುದ್ದಿ ಹರಡಿತ್ತು. ಎಲ್ಲರೂ ನಿಜ ಅಂದುಕೊಂಡು ವಿಶ್ ಮಾಡಿದ್ದರು.

ತಮಾಷೆಗಾಗಿ ಚಂದನ್ ಶೆಟ್ಟಿ, ನಿವೇದಿತಾ ಗೌಡ ಮಾಡಿದ ರೀಲ್ಸ್ ನಿಂದ ಎಲ್ಲರೂ ತಪ್ಪು ತಿಳಿದುಕೊಂಡಿದ್ದರು. ರೀಲ್ಸ್ ಒಂದರಲ್ಲಿ ಚಂದನ್ ಶೆಟ್ಟಿ ಅವರು ನಿವೇದಿತಾರನ್ನು ನಾನು ಹೇಳುವುದನ್ನು ಕೂಡಿಸಿ ಹೇಳು ಎಂದು ಹೇಳ್ತಾರೆ. Fat + Her ಅಂದರೆ ಏನು ಎಂದು ನಿವೇದಿತಾ ಗೌಡಗೆ ಚಂದನ್ ಶೆಟ್ಟಿ ಕೇಳಿದ್ದಾರೆ.

Fat + Her ಸರಿಯಾಗಿ ಕೂಡಿಸು ಎಂದು ಚಂದನ್ ಹೇಳಿದಾಗ ನಿವೇದಿತಾ ಗೌಡ ಫಾದರ್ ಎಂದು ನಾಚಿಕೊಳ್ತಾರೆ. ಹಾಗಾಗಿ ಚಂದನ್ ಶೆಟ್ಟಿ ತಂದೆ ಆಗುತ್ತಿದ್ದಾರೆ ಎಂದು ಫ್ಯಾನ್ಸ್ ಊಹಿಸಿದ್ದರು.

ಆಗ ಚಂದನ್ ಶೆಟ್ಟಿ, ನಿಜಕ್ಕೂ ತಂದೆ-ತಾಯಿ ಆದಾಗ ನಾವೇ ಅನೌನ್ಸ್ ಮಾಡುತ್ತೀವಿ. ಏನೇ ಹೇಳಿ ಇಂಗ್ಲಿಷ್ ಭಾಷೆ ತುಂಬಾನೇ ಫನ್ನಿ. Fat + Her = Father, not Fat her ಎಂದು ಸ್ಪಷ್ಟನೆ ನೀಡಿದ್ದರು.

ಚಂದನ್ ಅವರ ಸ್ನೇಹಿತರು, ಆತ್ಮೀಯರು ಹೇಗೂ ಸುದ್ದಿ ಆಗಿದೆ. ತಂದೆ ಆಗಿ ಬಿಡು ಎಂದು ಹೇಳಿದ್ರಂತೆ. ಅಲ್ಲದೇ ನಿವಿ ಕೂಡ ನಾನು ತಾಯಿ ಆದ್ರೆ ಏನ್ ಮಾಡ್ತೀರಾ ಎಂದಿದ್ರಂತೆ.

ನಿವಿಗೆ ನಾನು ಹೇಳಿದೆ, ನೀನು ತಾಯಿ ಆದ್ರೆ, ನಾನೇ 24 ಗಂಟೆ ಮಗುವನ್ನು ನೋಡಿಕೊಂಡು ಅಮ್ಮ ಆಗಿರಬೇಕು ಎಂದು ಹೇಳಿದ್ರಂತೆ. ನಾವು ಇನ್ನೂ ಜೀವನದಲ್ಲಿ ಸಾಧನೆ ಮಾಡಬೇಕು ಅಂತಿದ್ದಾರೆ ಚಂದನ್.

ನಾನು ಅಪ್ಪ ಆದ್ರೆ, ನಾನೇ ಅನೌನ್ಸ್ ಮಾಡ್ತೀನಿ. ಅದು ಬಿಗ್ ಟ್ವಿಸ್ಟ್ ನೊಂದಿಗೆ ಹೇಳ್ತಿನಿ. ಆದ್ರೂ ಇಬ್ಬರೂ ಈಗ ಕೆಲಸಗಳಲ್ಲಿ ಬ್ಯುಸಿ ಆಗಿದ್ದೇವೆ ಎಂದು ಹೇಳಿದ್ದಾರೆ.

ಇಬ್ಬರು ಸೋಶಿಯಲ್ ಮೀಡಿಯಾದಲ್ಲಿ ಸಕ್ರಿಯವಾಗಿರುತ್ತಾರೆ. ಇಬ್ಬರು ಸೇರಿಕೊಂಡು ರೀಲ್ಸ್ ಮಾಡುತ್ತಾರೆ. ಇಬ್ಬರು ರೀಲ್ಸ್ ಹಾಕಿದ ಕೆಲವೇ ಗಂಟೆಯಲ್ಲೇ ಸಾವಿರಾರು ಲೈಕ್ಸ್ ಬರುತ್ತೆ.