Sidharth Shukla Passes Away: ಬಿಗ್ ಬಾಸ್​ ಸೀಸನ್ 13ರ ವಿನ್ನರ್​ ಸಿದ್ಧಾರ್ಥ್​ ಶುಕ್ಲಾ ನಿಧನ

ಹಿಂದಿ ಕಿರುತೆರೆಯಲ್ಲಿ ಅಭಿನಯಿಸುವ ಮೂಲಕ ತಮ್ಮದೇ ಆದ ಅಭಿಮಾನಿ ಬಳಗವನ್ನು ಸೃಷ್ಟಿಸಿಕೊಂಡಿದ್ದ ನಟ ಸಿದ್ಧಾರ್ಥ್​ ಶುಕ್ಲಾ ಇನ್ನಿಲ್ಲ. ವೆಬ್ ಸರಣಿ, ಆಲ್ಬಂ ಸಾಂಗ್​ ಹೀಗೆ ಬಣ್ಣದ ಲೋಕದಲ್ಲಿ ಸಕ್ರಿಯವಾಗಿದ್ದರು ಈ ನಟ.

ಸಿದ್ಧಾರ್ಥ್​ ಶುಕ್ಲಾ ಅವರು ಹಿಂದಿ ಬಿಗ್ ಬಾಸ್​ ಸೀಸನ್​ 13ರಲ್ಲಿ ಸ್ಪರ್ಧಿಸಿದ್ದು ವಿನ್ನರ್ ಆಗಿದ್ದರು.

ಸಿದ್ಧಾರ್ಥ್​ ಶುಕ್ಲಾ ಅವರು ಇಂದು ಬೆಳಿಗ್ಗೆ ಹೃದಯಾಘಾತದಿಂದ ಕೊನೆಯುಸಿರೆಳೆದಿದ್ದಾರೆ.

ಸಿದ್ಧಾರ್ಥ್​ ಶುಕ್ಲಾ ಅವರು ನಿನ್ನೆ ರಾತ್ರಿ ಮಲಗುವಾಗ ಯಾವುದೋ ಔಷಧಿ ತೆಗೆದುಕೊಂಡಿದ್ದು, ಬೆಳಿಗ್ಗೆ ಎದ್ದೇಳಲೇ ಎಲ್ಲವಂತೆ.

ಕೂಪರ್ ಆಸ್ಪತ್ರೆಯ ಮೂಲಗಳು ತಿಳಿಸಿರುವಂತೆ ಸಿದ್ಧಾರ್ಥ್​ ಅವರು ಹೃದಯಾಘಾತದಿಂದ ಸಾವನ್ನಪ್ಪಿದ್ದಾರಂತೆ.

ಸಿದ್ಧಾರ್ಥ್​ ಅವರ ಮೃತದೇಹ ಕೂಪರ್ ಆಸ್ಪತ್ರೆಯಲ್ಲಿದೆ.

ಸಿದ್ಧಾರ್ಥ್​ ಅವರು ಬಾಲಿಕಾ ವಧು ಧಾರಾವಾಹಿಯಲ್ಲಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು. ಬಾಲಿಕಾ ವಧುವಿನ ಎರಡನೇ ಪತಿಯ ಪಾತ್ರದಲ್ಲಿ ಅಭಿನಯಿಸಿದ್ದರು.

ಕಿರುತೆರೆಯ ಜೊತೆಗೆ ಆಲ್ಬಂ ಹಾಡಿನಲ್ಲೂ ನಟಿಸಿದ್ದಾರೆ. ಶೋನಾ ಶೋನಾ ಹಾಡಿನಲ್ಲಿ ಹೆಜ್ಜೆ ಹಾಕಿದ್ದಾರೆ.

ಬ್ರೋಕನ್​ ಬಟ್​ ಬ್ಯೂಟಿಫುಲ್​ ವೆಬ್​ ಸರಣಿಯಲ್ಲಿ ಸಿದ್ಧಾರ್ಥ್​ ನಟಿಸಿದ್ದಾರೆ. ಇದರಲ್ಲಿ ಇದ್ದ ಚುಂಬನದ ದೃಶ್ಯ ಆಗ ಕೆಲವು ತಿಂಗಳ ಹಿಂದೆ ವೈರಲ್ ಆಗಿತ್ತು.

ಸಿದ್ಧಾರ್ಥ್ ಶುಕ್ಲಾ ಅಗಲಿಕೆಗೆ​ ಸೆಲೆಬ್ರಿಟಿಗಳು, ಅಭಿಮಾನಿಗಳು ಹಾಗೂ ಸ್ನೇಹಿತರು ಕಂಬನಿ ಮಿಡಿಯುತ್ತಿದ್ದಾರೆ.