Kiara Advani: ಕಿಯಾರ-ಸಿದ್ಧಾರ್ಥ್ ಬಗ್ಗೆ ಭವಿಷ್ಯ ನೋಡಿದ ಜ್ಯೋತಿಷಿ! ಸ್ಟಾರ್ ಜೋಡಿ ಬಗ್ಗೆ ಏನಂದ್ರು?

ಬಾಲಿವುಡ್ ಜೋಡಿ ಸಿದ್ದಾರ್ಥ್ ಮಲ್ಹೋತ್ರ ಹಾಗು ಕಿಯಾರಾ ಅಡ್ವಾಣಿ ಫೆ.7ರಂದು ದಾಂಪತ್ಯ ಜೀವನಕ್ಕೆ ಕಾಲಿಡುತ್ತಿದ್ದಾರೆ. ಪೋಷಕರ ಹಾಗೂ ಆಪ್ತರ ಸಮ್ಮುಖದಲ್ಲಿ ರಾಜಸ್ಥಾನದ ಜೈಸಲ್ಮೇರ್‌ನಲ್ಲಿ ಮದುವೆಯಾಗುತ್ತಿದ್ದಾರೆ.

ಕಳೆದ ಎರಡು ದಿನಗಳ ಹಿಂದೆಯೇ ಕುಟುಂಬಸ್ಥರು ಹಾಗೂ ಬಾಲಿವುಡ್ ಸೆಲೆಬ್ರಿಟಿಗಳು ರಾಜಸ್ಥಾನದಲ್ಲಿ ಬೀಡು ಬಿಟ್ಟಿದ್ದಾರೆ. ಈಗ ಈ ಜೋಡಿ ಬಗ್ಗೆ ಖ್ಯಾತ ಸೆಲೆಬ್ರಿಟಿ ಜ್ಯೋತಿಷಿಗಳು ಭವಿಷ್ಯ ನುಡಿದಿದ್ದಾರೆ.

ಆಚಾರ್ಯ ವಿನೋದ್‌ಕುಮಾರ್ ಜೋಡಿಯ ಭವಿಷ್ಯ ನುಡಿದಿದ್ದಾರೆ. ಹೊಸ ಪ್ರಯಾಣ ಆರಂಭಿಸುತ್ತಿರುವುದಕ್ಕೆ ನವಜೋಡಿಗೆ ಶುಭಾಶಯ. ಜಾತಕದ ವಿಷಯವಾಗಿ ಹೇಳುವುದಾದರೆ ಸಿದ್ದಾರ್ಥ್ ಹಾಗೂ ಕಿಯಾರಾ ಅವರ ಜೋಡಿ ತುಂಬಾ ಗಟ್ಟಿಯಾಗಿದೆ ಎಂದಿದ್ದಾರೆ.

ರಿಲೇಶನ್‌ಶಿಪ್, ಕಮಿಟ್‌ಮೆಂಟ್ಸ್, ಕುಟುಂಬ, ಎಮೋಶನ್‌ಗಳಿಗೆ ಬೆಲೆ ಕೊಡುವ ಕಿಯಾರಾ ಅಡ್ವಾಣಿಯ ಭಾವನೆಗಳನ್ನು ಸಿದ್ದಾರ್ಥ್ ಅರ್ಥ ಮಾಡಿಕೊಳ್ಳಬೇಕು. ಸಿದ್ದಾರ್ಥ್ ಅವರು ವೃತ್ತಿ ಅಥವಾ ವೈಯಕ್ತಿಕವಾಗಿ ಯಾವುದೇ ನಿರ್ಧಾರ ತೆಗೆದುಕೊಳ್ಳುವಾಗ ಕಿಯಾರಾ ಭಾವನೆಗಳನ್ನು ನೆನಪಿನಲ್ಲಿಡಬೇಕು. ಈ ಜೋಡಿ ಮನೆಯಲ್ಲಿ ಹಿರಿಯರ ಮಾತನ್ನು ಕೇಳಬೇಕು ಎಂದಿದ್ದಾರೆ.

ಮದುವೆಯ ನಂತರ ಚಿತ್ರರಂಗವು ಈ ಜೋಡಿಯನ್ನು ಅದ್ದೂರಿಯಾಗಿ ಸ್ವಾಗತಿಸುತ್ತದೆ. ಅಷ್ಟೇ ಅಲ್ಲದೆ ಮುಂದಿನ ದಿನಗಳಲ್ಲಿ ಇವರಿಬ್ಬರ ಜೋಡಿಯ ಸಿನಿಮಾ ಸೂಪರ್ ಹಿಟ್ ಆಗುತ್ತವೆ. ಪ್ರಶಸ್ತಿ ಪಡೆದುಕೊಳ್ಳುತ್ತವೆ ಎಂದಿದ್ದಾರೆ.

2019ರಲ್ಲಿ ಇವರಿಬ್ಬರು ವಿದೇಶ ಪ್ರವಾಸ ಹೋಗಿದ್ದರು. ಆಗ ಈ ಜೋಡಿಯ ಪ್ರೀತಿ ಬಗ್ಗೆ ಬಲವಾದ ಸುಳಿವು ಸಿಕ್ಕಿತ್ತು. ಸಿದ್ದಾರ್ಥ್ ಮನೆಯಲ್ಲಿ ಕಿಯಾರಾ ಕಾಣಿಸಿಕೊಂಡಿದ್ದರು.

ಇದೀಗ ಕೊನೆಗೂ ಬಾಲಿವುಡ್​ನ ಮತ್ತೊಂದು ಯಂಗ್ ಕಪಲ್ ದಾಂಪತ್ಯ ಜೀವನಕ್ಕೆ ಕಾಲಿಡುತ್ತಿದ್ದು ಎಲ್ಲವೂ ಶುಭವಾಗಲಿ ಎಂದು ಹಾರೈಸುತ್ತಿದ್ದಾರೆ ಫ್ಯಾನ್ಸ್.