Shubra Aiyappa Marriage: ವೈವಾಹಿಕ ಜೀವನಕ್ಕೆ ಕಾಲಿಟ್ಟ ವಜ್ರಕಾಯ ನಟಿ; ಶುಭ್ರಾ ಅಯ್ಯಪ್ಪ-ವಿಶಾಲ್ ಶಿವಪ್ಪ ಅದ್ಧೂರಿ ಕಲ್ಯಾಣ!

ಕಳೆದ ವರ್ಷ ಮಾಲ್ಡೀವ್ಸ್ ನಲ್ಲಿ ಶುಭ್ರ ಅಯ್ಯಪ್ಪಗೆ ಉಂಗುರ ತೊಡಿಸಿ ಪ್ರಪೋಸ್ ಮಾಡಿದ್ದ ವಿಶಾಲ್ ಕುಟುಂಬಸ್ಥರ ಸಮ್ಮುಖದಲ್ಲಿ ವಿವಾಹವಾಗಿದ್ದಾರೆ.

ಶುಭ್ರಾ ಹಾಗೂ ವಿಶಾಲ್ ಜೋಡಿ ಕೊಡಗಿನಲ್ಲಿ ಅದ್ದೂರಿಯಾಗಿ ಮದುವೆಯಾಗಿದೆ. ನಟಿಗೆ ಅಭಿಮಾನಿಗಳು ಹಾಗೂ ಸೆಲೆಬ್ರಿಟಿಗಳು ಶುಭಕೋರಿದ್ದಾರೆ.

ವಜ್ರಕಾಯ ಸೇರಿದಂತೆ ಅನೇಕ ಸಿನಿಮಾಗಳಲ್ಲಿ ನಟಿಸಿರುವ ಶುಭ್ರಾ ಅಯ್ಯಪ್ಪ ಅವರು ಜನವರಿ 18ರಂದು ವಿಶಾಲ್ ಶಿವಪ್ಪ ಜತೆ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ.

ಶುಭ್ರಾ ಅವರು ಮದುವೆ ಫೋಟೋಗಳನ್ನು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು, ಅಭಿಮಾನಿಗಳು ನವಜೋಡಿಗೆ ಶುಭಕೋರಿದ್ದಾರೆ.

ಮಾಡೆಲ್ ಹಾಗೂ ನಟಿಯಾಗಿ ಶುಭ್ರಾ ಫೇಮಸ್ ಆಗಿದ್ದಾರೆ. 2014ರಲ್ಲೇ ಚಿತ್ರರಂಗಕ್ಕೆ ನಟಿ ಶುಭ್ರಾ ಎಂಟ್ರಿ ಕೊಟ್ಟಿದ್ರು. ಕಳೆದ ವರ್ಷ ತೆರೆಗೆ ಬಂದ ‘ತಿಮ್ಮಯ್ಯ ಆ್ಯಂಡ್ ತಿಮ್ಮಯ್ಯ’ ಚಿತ್ರದಲ್ಲಿ ನಟಿಸಿದ್ದರು.

ಸದ್ಯ ಶುಭ್ರಾ ಅವರು ‘ರಾಮನ ಅವತಾರ’ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಈಗ ಸಿನಿಮಾ ಕೆಲಸಗಳಿಗೆ ಬ್ರೇಕ್ ಕೊಟ್ಟು ವಿವಾಹವಾಗಿದ್ದಾರೆ.

6 ವರ್ಷಗಳಿಂದ ಶುಭ್ರಾ ಅಯ್ಯಪ್ಪ ಮತ್ತು ವಿಶಾಲ್ ಪ್ರೀತಿ ಮಾಡ್ತಾ ಇದ್ದಾರೆ. ಡೇಟಿಂಗ್ ಮಾಡ್ತಾ ಇದ್ದ ಜೋಡಿ ಈಗ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ.

ವಿಶಾಲ್ ಶಿವಪ್ಪ ಉದ್ಯಮಿ ಆಗಿದ್ದು ನಟಿ ಶುಭ್ರಾ ಅಯ್ಯಪ್ಪಗೆ ಮೊದಲು ಪ್ರಪೋಸ್ ಮಾಡಿದ್ರಂತೆ. ಪ್ರಪೋಸ್ ಮಾಡಿ ಕೆಲ ದಿನಗಳ ನಂತರ ನಟಿ ಶುಭ್ರಾ , ವಿಶಾಲ್​ ಪ್ರೀತಿಗೆ ಗ್ರೀನ್ ಸಿಗ್ನಲ್​ ನೀಡಿದ್ದಾರೆ.