Shubha Poonja: ಶುಭ ಪೂಂಜಾ ಫೇಸ್​ಬುಕ್ ಅಕೌಂಟ್ ಹ್ಯಾಕ್!

ಸ್ಯಾಂಡಲ್​ವುಡ್ ನಟಿ, ಬಿಗ್​ಬಾಸ್ ಖ್ಯಾತಿಯ ಶುಭ ಪೂಂಜಾ ಅವರ ಫೇಸ್​ಬುಕ್ ಖಾತೆ ಹ್ಯಾಕ್ ಆಗಿದೆ. ಈ ಬಗ್ಗೆ ನಟಿಯೇ ಸ್ವತಃ ಇನ್​ಸ್ಟಾಗ್ರಾಮ್​ನಲ್ಲಿ ಮಾಹಿತಿ ಕೊಟ್ಟಿದ್ದಾರೆ.

ಈ ಸಂಬಂಧ ಇನ್​ಸ್ಟಾಗ್ರಾಮ್​ನಲ್ಲಿ ಪೋಸ್ಟ್ ಮಾಡಿರುವ ನಟಿ ಘಟನೆ ಬಗ್ಗೆ ಗಂಭೀರವಾಗಿ ಪ್ರತಿಕ್ರಿಯಿಸಿದ್ದಾರೆ. ಅಂತೂ ನಟಿಯ ಫೇಸ್​ಬುಕ್ ಅಕೌಂಟ್ ಸದ್ಯ ಅವರ ನಿಯಂತ್ರಣದಲ್ಲಿಲ್ಲ.

ನನ್ನ ಫೇಸ್​ಬುಕ್ ಅಕೌಂಟ್ ಹ್ಯಾಕ್ ಆಗಿದೆ. ಸದ್ಯ ನನಗೆ ಯಾವುದೇ ಫೇಸ್​ಬುಕ್ ಅಕೌಂಟ್ ಇಲ್ಲ. ನನ್ನ ಹೆಸರಲ್ಲಿ ಮಾಡಿರೋ ಅಕೌಂಟ್ ಫೇಕ್ ಆಗಿದ್ದು ಅದರಲ್ಲಿ ಬರುವ ವಿಚಾರಕ್ಕೂ ತನಗೂ ಸಂಬಂಧ ಇಲ್ಲ ಎಂದಿದ್ದಾರೆ.

ಫ್ಯಾನ್ ಪೇಜ್​ಗಳ ಬಗ್ಗೆ ನನಗೆ ಅಭಿಮಾನವಿದೆ. ನೀವು ಫ್ಯಾನ್ ಪೇಜ್ ಓಪನ್ ಮಾಡಿದಾಗ ಖಷಿ ಆಗುತ್ತದೆ. ಆದರೆ ನೀವು ನಿಮ್ಮ ರಾಜಕೀಯ ಅಭಿಪ್ರಾಯ ತಿಳಿಸಲು ನನ್ನ ಹೆಸರು ಬಳಸುತ್ತಿದ್ದರೆ ಆಗ ಕಠಿಣ ಕ್ರಮ ಕೈಗೊಳ್ಳಲಾಗುತ್ತದೆ ಎಂದಿದ್ದಾರ.

ನನ್ನ ಮುಖ ಹಾಗೂ ಹೆಸರಿನ ಹಿಂದೆ ನಿಮ್ಮ ಅಭಿಪ್ರಾಯ ಅಡಗಿಸಬೇಡಿ. ಕಠಿಣ ಕ್ರಮ ಕೈಗೊಳ್ಳಲಾಗುತ್ತೆ ಎಂದು ನಟಿ ಎಚ್ಚರಿಸಿದ್ದಾರೆ.

ತಮ್ಮ ಖಾತೆ ರಿಕವರಿ ಆದಾಗ ತಾವು ಪೋಸ್ಟ್ ಶೇರ ಮಾಡುವುದಾಗಿ ಶುಭ ತಿಳಿಸಿದ್ದಾರೆ. ಅವರ ಅಭಿಮಾನಿಗಳು ಅಕೌಂಟ್ ರಿಕವರಿಗೆ ಹಲವು ಐಡಿಯಾಗಳನ್ನು ಕಮೆಂಟ್ ಮಾಡುತ್ತಿದ್ದಾರೆ.

ನಟಿ ಶುಭ ಪೂಂಜಾ ಇತ್ತೀಚೆಗೆ ಮದುವೆ ವಾರ್ಷಿಕೋತ್ಸವದ ಸಂಭ್ರಮವನ್ನೂ ಆಚರಿಸಿದ್ದಾರೆ. ಅವರು ಸೋಷಿಯಲ್ ಮೀಡಿಯಾದಲ್ಲಿ ಆ್ಯಕ್ಟಿವ್ ಆಗಿದ್ದಾರೆ.