ನಾಲ್ಕು ಗೋಡೆಗಳ ನಡುವಿದೆ ಸ್ವರ್ಗ: ಬಾಯ್​ಫ್ರೆಂಡ್ ಸಂತಾನು ಹಜಾರಿಕ ಬಗ್ಗೆ ಹೊಗಳಿದ ಶ್ರುತಿ ಹಾಸನ್​..!

ಶ್ರುತಿ ಹಾಸನ್​ ಸದ್ಯ ಅಸ್ಸಾಂ ಮೂಲಕ ಕಲಾವಿದರೊಬ್ಬರನ್ನು ಡೇಟ್​ ಮಾಡುತ್ತಿದ್ದಾರೆ.

ಅವರೇ ಕಲಾವಿದ ಸಂತಾನು ಹಜಾರಿಕ.

ಅಸ್ಸಾಂ ಮೂಲದವರಾದ ಸಂತಾನು ಹಜಾರಿಕ ವೃತ್ತಿಯಲ್ಲಿ ಕಲಾವಿದ.

ಗುವಾಹಟಿ ಆರ್ಟ್​ ಪ್ರಾಜೆಕ್ಟ್​ನ ಸಹ ಸಂಸ್ಥಾಪಕ ಈ ಸಂತಾನು.

2014ರಲ್ಲಿ ಡೂಡಲ್​ ಆರ್ಟ್​ ಸ್ಪರ್ಧೆಯಲ್ಲಿ ಬೆಸ್ಟ್​ ಡೂಡಲ್​ ಕಲಾವಿದನಾಗಿ ಆಯ್ಕೆಯಾಗಿದ್ದರು.

ಶ್ರುತಿ ಸದ್ಯ ಡೇಟ್​ ಮಾಡುತ್ತಿರುವ ಸಂತಾನು ಬಿಡಿಸಿರುವ ಕಲಾಕೃತಿಗಳ ಜತೆ ಸಖತ್ತಾಗಿ ಪೋಸ್​ ಕೊಟ್ಟಿದ್ದಾರೆ.

ಜೊತೆಗೆ ನಾಲ್ಕು ಗೋಡೆಗಳ ನಡುವೆ ನಿಮ್ಮದೇ ಆದ ಸ್ವರ್ಗ ನಿರ್ಮಿಸಿ ಎಂದು ಹೇಳುವ ಮೂಲಕ ಸಂತಾನು ಅವರ ಕಲಾಕೃತಿಗಳ ಪ್ರಚಾರವನ್ನೂ ಮಾಡುತ್ತಿದ್ದಾರೆ.

ಎಂತಹ ಸಮಯ ಇದ್ದರೂ ಇರುವ ಜಾಗದಲ್ಲೇ ಸ್ವರ್ಗವನ್ನು ನಿರ್ಮಿಸಿಕೊಳ್ಳಬೇಕೆಂದು ಹೇಳಿದ್ದಾರೆ ಶ್ರುತಿ.

ಸಂತಾನು ಹಜಾರಿಕ ಬಿಡಿಸಿರುವ ಕಲಾಕೃತಿ

ಕಲಾವಿದ ಸಂತಾನು ಸದ್ಯ ಆನ್​ಲೈನ್​ನಲ್ಲಿ ಸಾಕಷ್ಟು ಮಂದಿ ಯುವ ಕಲಾವಿದರಿಗೆ ಸಲಹೆಗಳನ್ನೂ ನೀಡುತ್ತಿದ್ದಾರೆ.

ಸಂತಾನು ಹಾಗೂ ಶ್ರುತಿ ಅವರ ಪರಿಚಯ ಯಾವಾಗ ಹಾಗೂ ಎಲ್ಲಿ ಆಗಿದ್ದು ಅನ್ನೋ ವಿಷಯ ಇನ್ನು ತಿಳಿಯಬೇಕಿದೆ. ಇನ್ನು ಬಾಯ್​ಫ್ರೆಂಡ್​ ಅನ್ನು ಪರಿಚಯಿಸಿರುವ ಶ್ರುತಿ ಅವರ ಪರಿಚಯದ ಬಗ್ಗೆ ಅತಿ ಶೀಘ್ರದಲ್ಲೇ ಹೇಳಲಿದ್ದಾರೆ ಅಂತ ಅಭಿಮಾನಿಗಳು ಕಾಯುತ್ತಿದ್ದಾರೆ.