Shruti Haasan: ಐರನ್ ಲೆಗ್ ಎಂದವರಿಗೆ ಸೆಕೆಂಡ್ ಇನ್ನಿಂಗ್ಸ್​ನಲ್ಲಿ ಟಾಂಗ್ ಕೊಟ್ಟ ನಟಿ ಶ್ರುತಿ ಹಾಸನ್!

ಕಮಲ್ ಹಾಸನ್ ಪುತ್ರಿ ಶ್ರುತಿ ಹಾಸನ್ ತಮಿಳು ಸಿನಿಮಾ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಟ್ಟರು. ಸಿನಿಮಾಗಳಿಗಿಂತ ಹೆಚ್ಚಾಗಿ ನಟಿ ವೈಯಕ್ತಿಕ ವಿಚಾರಕ್ಕೆ ಹೆಚ್ಚು ಸುದ್ದಿಯಲ್ಲಿದ್ದಾರೆ. ಲವ್, ಡೇಟಿಂಗ್, ಬ್ರೇಕಪ್ ವಿಚಾರಕ್ಕೆ ಭಾರೀ ಸುದ್ದಿಯಲ್ಲಿದ್ದ ಶ್ರುತಿ, ಸೆಕೆಂಡ್ ಇನ್ನಿಂಗ್ಸ್​ನಲ್ಲಿ ಕಮಾಲ್ ಮಾಡಿದ್ದಾರೆ.

ಶ್ರುತಿ ಹಾಸನ್ ಟಾಪ್ ಹೀರೋಯಿನ್ ಆಗಿ ಅಪರೂಪದ ದಾಖಲೆ ಸೃಷ್ಟಿಸಿದ್ದಾರೆ. ಒಂದೆಡೆ ಚಿರಂಜೀವಿ. ಇನ್ನೊಂದೆಡೆ ಬಾಲಕೃಷ್ಣ ಜೊತೆ ನಟಿಸಿದ್ದರು. ಹೀಗೆ ಸೀನಿಯರ್ ಟಾಪ್ ಹೀರೋಗಳ ಜೊತೆ ನಟಿಸಿದ ಶ್ರುತಿ ಹಾಸನ್ ಚಿತ್ರಗಳು ಒಂದೇ ದಿನದ ಗ್ಯಾಪ್ ನಲ್ಲಿ ಬಿಡುಗಡೆಯಾಗುತ್ತಿರುವುದು ವಿಶೇಷವಾಗಿದೆ.

ಶ್ರುತಿ ಹಾಸನ್ ಈಗ 2ನೇ ಇನ್ನಿಂಗ್ಸ್ನಲ್ಲಿ ಹಿರಿಯ ನಾಯಕರಿಗೆ ಅತ್ಯುತ್ತಮ ಆಯ್ಕೆಯಾಗಿದ್ದಾರೆ. ಇಬ್ಬರು ಹಿರಿಯ ದೊಡ್ಡ ಸ್ಟಾರ್ ಹೀರೋಗಳ ಎದುರು ಏಕಕಾಲಕ್ಕೆ ನಟಿಸಿ ಮತ್ತೊಮ್ಮೆ ಸುದ್ದಿಯಾಗಿದ್ದರು. (ಟ್ವಿಟರ್/ಫೋಟೋ)

ಟಾಲಿವುಡ್ ನಂಬರ್ ಒನ್ ನಾಯಕಿಯಾಗಿದ್ದ ಶ್ರುತಿ ಹಾಸನ್, ಸ್ವಲ್ಪ ಗ್ಯಾಪ್ ತೆಗೆದುಕೊಂಡ ಬಳಿಕ ತೆಲುಗಿನಲ್ಲಿ ಸಾಲು ಸಾಲು ಸಿನಿಮಾ ಮಾಡುತ್ತಿದ್ದಾರೆ. 2021ರಲ್ಲಿ, ಈ ನಟಿ ರವಿತೇಜಾ ಎದುರು ಕ್ರ್ಯಾಕ್ ಚಿತ್ರದಲ್ಲಿ ಕಾಣಿಸಿಕೊಂಡರು. ಆ ನಂತರ ತೆಲುಗಿನಲ್ಲಿ ಪವನ್ ಕಲ್ಯಾಣ್ ಅವರ ವಕೀಲ್ ಸಾಬ್ ಚಿತ್ರದಲ್ಲಿ ಶ್ರುತಿ ಹಾಸನ್ ಮಿಂಚಿದ್ದರು. ಈ ವರ್ಷ ವೀರಸಿಂಹ ರೆಡ್ಡಿ ಚಿತ್ರದಲ್ಲಿ ಬಾಲಕೃಷ್ಣ ಎದುರು ಮಿಂಚಿದ್ದರು. ಚಿರಂಜೀವಿ ಜೊತೆ ವಾಲ್ತೇರು ವೀರಯ್ಯ ಸಿನಿಮಾದಲ್ಲಿ ಕಾಣಿಸಿಕೊಂಡರು. (ಟ್ವಿಟರ್/ಫೋಟೋ)

ಟಾಲಿವುಡ್​ನಲ್ಲಿ ಪವನ್ ಕಲ್ಯಾಣ್ ಮತ್ತು ಅಲ್ಲು ಅರ್ಜುನ್ ಅವರಂತಹ ನಾಯಕರೊಂದಿಗೆ ನಟಿಸಿದ ಶ್ರುತಿ ಹಾಸನ್ ದಾಖಲೆ ಬರೆದಿದ್ದಾರೆ. ಅದಕ್ಕೂ ಮುನ್ನ ಜೂನಿಯರ್ NTR ಜೊತೆ ‘ರಾಮಯ್ಯ ವಾಸ್ತವ್ಯ’ ಸಿನಿಮಾದಲ್ಲಿ ನಟಿಸಿದ್ದರು. (ಟ್ವಿಟರ್/ಫೋಟೋ)

ಶೃತಿ ಹಾಸನ್ ರವಿತೇಜ ಜೊತೆ 'ಕ್ರ್ಯಾಕ್' ಸಿನಿಮಾ ಬಳಿಕ ಸತತ ಸಿನಿಮಾ ಮಾಡುತ್ತಿದ್ದಾರೆ. ಪವನ್ ಕಲ್ಯಾಣ್ ಜೊತೆ 'ವಕೀಲ್ ಸಾಬ್' ಸಿನಿಮಾ ಸೂಪರ್ ಹಿಟ್ ಆಗಿದೆ. ಈ ವರ್ಷ ಪ್ರಭಾಸ್ ಜೊತೆಗಿನ 'ಸಾಲಾರ್' ಸಿನಿಮಾ ಕೂಡ ತೆರೆಗೆ ಬರಲಿದೆ. (ಟ್ವಿಟರ್/ಫೋಟೋ)

ಶ್ರುತಿ ಕಮಲ್ ಹಾಸನ್ ಆಗಿ ಇಂಡಸ್ಟ್ರಿಗೆ ಎಂಟ್ರಿ ಕೊಟ್ಟ ನಟಿಯ ಯಶಸ್ಸಿನ ಹಾದಿ ಸುಲಭವಾಗಿರಲಿಲ್ಲ. ತಮ್ಮ ವೃತ್ತಿಜೀವನದ ಆರಂಭದಲ್ಲಿ ಅವರು ನಟಿಸಿದ ಚಿತ್ರಗಳು ಫ್ಲಾಪ್ ಆಗುತ್ತದ್ದವು. ಶ್ರುತಿಗೆ ಐರನ್ ಲೆಗ್ ಎಂದು ಅನೇಕರು ಕರೆದಿದ್ದಾರೆ.

ಪವನ್ ಕಲ್ಯಾಣ್ ಜೊತೆಗಿನ 'ಗಬ್ಬರ್ ಸಿಂಗ್' ಯಶಸ್ಸಿನೊಂದಿಗೆ ಶ್ರುತಿ ಅವರ ಐರನ್ ಲೆಗ್ ಟೀಕೆಗೆ ಫುಲ್ ಸ್ಟಾಂಪ್ ಬಿದ್ದಿದೆ.  (ಇನ್ಸ್ಟಾಗ್ರಾಮ್/ಶ್ರುತಿ ಹಾಸನ್/ಫೋಟೋ)

2012ರಲ್ಲಿ ಶ್ರುತಿ ಹಾಸನ್ ಅವರು ಫ್ಲಾಪ್‌ಗಳ ನಡುವೆಯೂ ಸೂಪರ್ ಹಿಟ್ ಸಿನಿಮಾ ಕೊಟ್ಟರು.  ಶ್ರುತಿ ಹಾಸನ್ ಅಭಿನಯದ 'ಗಬ್ಬರ್ ಸಿಂಗ್' ಸಿನಿಮಾ  ಗಲ್ಲಾಪೆಟ್ಟಿಗೆಯಲ್ಲಿ ಹಿಟ್ ಆಗಿತ್ತು.