Shruti Haasan: ಆರ್ ಯು ವರ್ಜಿನ್ ಎಂದು ಕೇಳಿದವರಿಗೆ, ಶ್ರುತಿ ಹಾಸನ್ ಕೊಟ್ಟ ಉತ್ತರ ಏನು?

ಸೂರ್ಯ ಅಭಿನಯದ ನಿರ್ದೇಶಕ ಎ.ಆರ್. ಮುರುಗದಾಸ್ ನಿರ್ದೇಶನದ ಅಜಂ ಬಿಡು ಚಿತ್ರದ ಮೂಲಕ ನಟಿ ಶ್ರುತಿ ಹಾಸನ್ ತಮಿಳು ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟ ಶ್ರುತಿ ಹಾಸನ್ ಅನೇಕ ಸೂಪರ್ ಹಿಟ್ ಸಿನಿಮಾಗಳನ್ನು ನೀಡಿದ್ದಾರೆ.

ಸದ್ಯ ತೆಲುಗು, ಹಿಂದಿ, ಹಾಗೂ ಹಾಲಿವುಡ್ ಸಿನಿಮಾಗಳಲ್ಲಿಯೂ ಶ್ರುತಿ ಹಾಸನ್ ನಟಿಸುತ್ತಿದ್ದಾರೆ. ಖ್ಯಾತ ನಟ ಕಮಲ್ ಹಾಸನ್ ಪುತ್ರಿಯಾಗಿರುವ ಶ್ರುತಿ ಹಾಸನ್, ಸದಾ ಒಂದಿಲ್ಲೊಂದು ವಿಚಾರಕ್ಕೆ ಸುದ್ದಿ ಆಗ್ತಾನೆ ಇರ್ತಾರೆ.

ಪಾಪ್ ಗಾಯಕ ಶಂತನು ಹಜಾರಿಕಾ ಅವರೊಂದಿಗೆ ಲಿವಿಂಗ್ ಟು ಗೆದರ್ ಸಂಬಂಧ ಹೊಂದಿರುವ ಶ್ರುತಿ ಹಾಸನ್, ಗಾಯಕನ ಜೊತೆ ಮುಂಬೈನಲ್ಲಿ ವಾಸಿಸುತ್ತಿದ್ದಾರೆ. ಈ ಬಗ್ಗೆ ಕೆಲ ತಿಂಗಳ ಹಿಂದೆಯೇ ನಟಿ ಬಾಯ್ಬಿಟ್ಟಿದ್ದಾರೆ.

ಶಂತನು ಜೊತೆಗಿನ ರೊಮ್ಯಾಂಟಿಕ್ ಫೋಟೋಗಳನ್ನು ಕೂಡ ನಟಿ ಶ್ರುತಿ ಹಾಸನ್ ಹಂಚಿಕೊಳ್ಳುತ್ತಾರೆ. ಶ್ರುತಿ ಹಾಸನ್ ಸಿನಿಮಾಗಳಿಗಿಂತ ಹೆಚ್ಚಾಗಿ ಲವ್, ಡೇಟಿಂಗ್ ಹಾಗೂ ಬ್ರೇಕಪ್ ವಿಚಾರಕ್ಕೆ ಹೆಚ್ಚು ಸುದ್ದಿ ಆಗ್ತಿದ್ದಾರೆ.

ಸದ್ಯ, ಕೆಜಿಎಫ್ ಚಿತ್ರ ಖ್ಯಾತಿಯ ನಿರ್ದೇಶಕ ಪ್ರಶಾಂತ್ ನೀಲ್ ನಿರ್ದೇಶನ ಮಾಡ್ತಿರುವ 'ಸಾಲಾರ್' ಚಿತ್ರದಲ್ಲಿ ಶ್ರುತಿ ಹಾಸನ್ ನಟಿಸುತ್ತಿದ್ದಾರೆ. ಈ ಚಿತ್ರದಲ್ಲಿ ನಟ ಪ್ರಭಾಸ್ ಜೊತೆ ಶ್ರುತಿ ಹಾಸನ್ ನಟಿಸಿದ್ದಾರೆ. ಕಳೆದ ತಿಂಗಳ ಕೊನೆಯಲ್ಲಿ, ಶ್ರುತಿ ಹಾಸನ್ ಅವರು ಸಲಾರ್ನಲ್ಲಿನ ತಮ್ಮ ದೃಶ್ಯಗಳ ಚಿತ್ರೀಕರಣ ಪೂರ್ಣಗೊಂಡಿದೆ ಎಂದು ಸೋಶಿಯಲ್ ಮೀಡಿಯಾ ಮೂಲಕ ತಿಳಿಸಿದ್ರು.

ನಿನ್ನೆ (ಮಾರ್ಚ್ 16) ನಟಿ ಶ್ರುತಿ ಹಾಸನ್ Instagram ನಲ್ಲಿ ಅಭಿಮಾನಿಗಳಿಗೆ ಸಿಕ್ಕಿದ್ದಾರೆ. ಅಷ್ಟೇ ಅಲ್ಲದೇ ವಿಭಿನ್ನ ಪ್ರಶ್ನೆಗಳನ್ನು ಕೇಳಲು ಅಭಿಮಾನಿಗಳನ್ನು ಹೇಳಿದ್ದಾರೆ. ಸಿಲ್ಲಿ ಪ್ರಶ್ನೆ ಕೇಳಿ ಎಂದಿದ್ರು. ಅಭಿಮಾನಿಗಳು ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕ ನಟಿ ಶ್ರುತಿ ಹಾಸನ್ಗೆ ಚಿತ್ರ-ವಿಚಿತ್ರ ಪ್ರಶ್ನೆಗಳನ್ನೇ ಕೇಳಿದ್ದಾರೆ. ಹಲವು ಪ್ರಶ್ನೆಗಳಿಗೆ ಶ್ರುತಿ ಹಾಸನ್ ಕೂಲ್ ಆಗಿ ಉತ್ತರಿಸಿದ್ದಾರೆ.

ಅಭಿಮಾನಿಯೊಬ್ಬ ನನ್ನ ಜೊತೆ ಡೇಟಿಂಗ್ ಮಾಡಲು ಬಯಸುತ್ತೀರಾ ಎಂದು ನಟಿಗೆ ಪ್ರಶ್ನೆ ಕೇಳಿದ್ದಾನೆ. ಇದಕ್ಕೆ ಶ್ರುತಿ ಹಾಸನ್ 'ಇಲ್ಲ' ಎಂದು ಒಂದೇ ಪದದಲ್ಲಿ ಉತ್ತರ ನೀಡಿದ್ದಾರೆ.

ಮತ್ತೊಬ್ಬ ಅತಿರೇಕದ ಪ್ರಶ್ನೆ ಕೇಳಿದ್ದಾರೆ. ಆರ್ ಯು ವರ್ಜಿನ್ ಎಂದು ಶ್ರುತಿ ಹಾಸನ್​ಗೆ ಕೇಳಿದ್ದಾನೆ. ಇನ್ಸ್ಟಾಗ್ರಾಮ್ ನಲ್ಲಿ ಪ್ರಶ್ನೆ ಕೇಳಿದ ವ್ಯಕ್ತಿಗೆ ಉತ್ತರ ನೀಡಿದ ಶ್ರುತಿ ಹಾಸನ್. ಆ ಪದದ ಸರಿಯಾದ ಕಾಗುಣಿತವನ್ನು ನೀವು ತಿಳಿದುಕೊಳ್ಳಬೇಕು ಎಂದು ಖಾರವಾಗಿಯೇ ಉತ್ತರಿಸಿದ್ದಾರೆ.