Bhajarangi 2: ಬಾಟಲ್​ ಮಣಿ ಪಾತ್ರಕ್ಕಾಗಿ ಜಿಮ್​ನಲ್ಲಿ ಬೆವರು ಸುರಿಸಿದ್ದ ನಟಿ Shruthi

ಕನ್ನಡ ಸಿನಿಮಾರಂಗದಲ್ಲಿ 30 ವರ್ಷ ಕಳೆದಿರುವ ನಟಿ ಶರುತಿ ಅವರು ಇದೇ ಮೊದಲ ಬಾರಿಗೆ ಒಂದು ವಿಭಿನ್ನ ಪಾತ್ರ ಹಾಗೂ ಗೆಟಪ್​ನಲ್ಲಿ ಕಾಣಿಸಿಕೊಂಡಿದ್ದಾರೆ. ಅವರ ಈ ಪಾತ್ರವನ್ನು ಸಿನಿಪ್ರಿಯರು ಯಾವ ರೀತಿಯ ಸ್ವೀಕರಿಸಲಿದ್ದಾರೆ ಅನ್ನೋದು ಈಗ ತಿಳಿಯಲಿದೆ. (ಧೂಮಪಾನ ಆರೋಗ್ಯಕ್ಕೆ ಹಾನಿಕರ)

ಶ್ರುತಿ ಅವರು ಶಿವಣ್ಣ ಅಭಿನಯದ ಹಾಗೂ ಹರ್ಷ ನಿರ್ದೇಶನ ಭಜರಂಗಿ 2 ಸಿನಿಮಾದಲ್ಲಿ ವಿಲನ್​ ಆಗಿ ಕಾಣಿಸಿಕೊಂಡಿದ್ದಾರೆ. ಬಾಟಲ್ ಮಣಿ ಎಂಬ ಪಾತ್ರದಲ್ಲಿ ವಿಲನ್​ ಆಗಿ ಮಿಂಚಿದ್ದಾರೆ. ಈ ಸಿನಿಮಾದಲ್ಲಿ ಮೂರು ಖಳನಾಯಕರಿದ್ದಾರೆ.

ಈ ಪಾತ್ರ ಖಡಕ್​ ಆಗಿರುತ್ತದೆ ಎಂದು ನಿರ್ದೇಶಕ ಹರ್ಷ ಅವರು ಹೇಳಿದಾಗ ಶ್ರುತಿ ಅವರು ಒಪ್ಪಿಕೊಂಡು ಬಿಟ್ಟರಂತೆ. ಆದರೆ, ಈ ಪಾತ್ರಕ್ಕಾಗಿ ಚುಟ್ಟ ಸೇದುವುದನ್ನು ಅಭ್ಯಾಸ ಮಾಡಬೇಕು ಎಂದಾಗ ಕೊಂಚ ಹೆದರಿಕೆಯಾಗಿತ್ತಂತೆ.

ಚುಟ್ಟ ಹಿಡಿದು, ಬಾಟಲ್ ಮಣಿ ಗೆಟಪ್​ನಲ್ಲಿ ಮೊಲದ ಸಲ ಕಾಣಿಸಿಕೊಂಡಾಗ ಎಲ್ಲಿ ಎಲ್ಲರೂ ನಗುತ್ತಾರೋ ಎಂಬ ಆತಂಕ ಮನಸ್ಸಿನಲ್ಲಿತ್ತಂತೆ ಇವರಿಗೆ. ಆದರೆ, ಶಿವಣ್ಣ ಅವರು ಸೆಟ್​ನಲ್ಲಿ ಶ್ರುತಿ ಅವರನ್ನು ನೋಡಿ ತುಂಬಾ ವಿಭಿನ್ನವಾಗಿದ್ದೀಯಾ ಎಂದಾಗ ಕೊಂಚ ನೆಮ್ಮದಿಯಾಗಿತ್ತಂತೆ ಶ್ರುತಿ ಅವರಿಗೆ.

ಶ್ರುತಿ ಅವರನ್ನು ಬಣ್ಣದ ಲೋಕಕ್ಕೆ ಪರಿಚಯಿಸಿದ್ದು, ಶಿವರಾಜ್​ ಕುಮಾರ್ ಹಾಗೂ ಅವರ ಮಡದಿ ಗೀತಾ ಅವರಂತೆ. ಈ ಕುರಿತಾಗಿ ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಬರೆದುಕೊಂಡಿದ್ದಾರೆ  ನಟಿ ಶ್ರುತಿ.

ಈ ಪಾತ್ರಕ್ಕಾಗಿ ಚುಟ್ಟ ಸೇವುದನ್ನು ಕಲಿಯುವುದರ ಜೊತೆಗೆ ನಿತ್ಯ ಜಿಮ್​ಗೆ ಹೋಗಿ ಗಂಟೆಗಟ್ಟಲೆ ವರ್ಕೌಟ್ ಮಾಡಿ ಬೆವರಿಳಿಸುತ್ತಿದ್ದರಂತೆ. ಒಮ್ಮೆ ಜಿಮ್​ನಲ್ಲಿ ಶ್ರುತಿ ಅವರನ್ನು ನೋಡಿದ ಯಶ್​, ತೂಕ ಇಳಿಸಲು ಇಷ್ಟೆಲ್ಲ ಮಾಡುತ್ತಿದ್ದೀರಾ ಎಂದು ಪ್ರಶ್ನಿಸಿದ್ದರಂತೆ. ಆದರೆ, ಅದಕ್ಕೆ ಉತ್ತರಿಸಿದ್ದ ಶ್ರುತಿ, ವಿಲನ್ ಆಗೋಕೆ ಇದೆಲ್ಲ ಮಾಡುತ್ತಿರುವುದಾಗಿ ಹೇಳಿದ್ದರಂತೆ. ಆಗಲೇ ಯಶ್​ ಅವರಿಗೆ ಬಾಟಲ್​ ಮಣಿ ಪಾತ್ರದ ಬಗ್ಗೆ ತಿಳಿದಿದ್ದಂತೆ. ಈ ಕುರಿತಾಗಿ ಯಶ್​ ಭಜರಂಗಿ 2 ಚಿತ್ರ ಪ್ರೀ-ರಿಲೀಸ್ ಇವೆಂಟ್​ನಲ್ಲಿ ಹೇಳಿದ್ದರು. 

ನಟಿ ಶ್ರುತಿ ಅವರು ರತ್ನನ್​ ಪ್ರಪಂಚ ಸಿನಿಮಾದಲ್ಲೂ ಸಹ ನಟಿಸಿದ್ದಾರೆ. ಅವರ ಅಭಿನಯಕ್ಕೆ ಈಗಾಗಲೇ ಸಾಕಷ್ಟು ಮೆಚ್ಚುಗೆ ಸಹ ವ್ಯಕ್ತವಾಗುತ್ತಿದೆ. ರತ್ನನ್​ ಪ್ರಪಂಚ ಸಿನಿಮಾ ಅಮೆಜಾನ್​ ಪ್ರೈಂನಲ್ಲಿ ರಿಲೀಸ್​ ಆಗಿದೆ.