ಪತಿ Andrei Koscheev ಜತೆ ತಿರುಪತಿ-ಶ್ರೀಕಾಳಹಸ್ತಿಗೆ ಭೇಟಿ ಕೊಟ್ಟ ನಟಿ Shriya Saran​..!

ತೆಲುಗಿನ ಇಷ್ಟಂ ಸಿನಿಮಾದ ಮೂಲಕ ನಾಯಕಿಯಾಗಿ ಸಿನಿಪ್ರಿಯರಿಗೆ ಪರಿಚಯವಾದವರು ನಟಿ ಶ್ರೀಯಾ ಶರಣ್ (Shriya Saran)​. ನಂತರ ಸ್ಟಾರ್​ ನಟರ ಜೊತೆ ತೆರೆ ಹಂಚಿಕೊಂಡ ಈ ನಟಿ ವಿವಾಹವಾದ ನಂತರ ತಮ್ಮ ಪತಿ ಆ್ಯಂಡ್ರೆ ಕೋಶ್ಚೀವ್​ (Andrei Koscheev) ಅವರೊಂದಿಗೆ ವಿದೇಶದಲ್ಲಿ ನೆಲೆಸಿದರು.

ಸದ್ಯ ಭಾರತಕ್ಕೆ ಮರಳಿರುವ ಈ ನಟಿ ಈಗ ಪತಿ ಜೊತೆಗೆ ದೇವಾಲಯಗಳಿಗೆ ಭೇಟಿ ಕೊಡುತ್ತಿದ್ದಾರೆ. ಹೌದು, ಅವರು ತಿರುಪತಿ ಹಾಗೂ ಶ್ರೀಕಾಳಹಸ್ತಿ ದೇವಾಲಯಕ್ಕೆ ಹೋಗಿದ್ದು, ಅಲ್ಲಿ ಪೂಜೆ ಸಲ್ಲಿಸಿದ್ದಾರೆ.

ಸಾಮಾಜಿಕ ಜಾಲತಾಣದಲ್ಲಿ ತಮ್ಮ ಪ್ರವಾಸದ ಚಿತ್ರಗಳನ್ನು ಹಂಚಿಕೊಳ್ಳುವ ಈ ನಟಿ, ಈಗ ಪತಿಯ ಜೊತೆ ಶ್ರೀಕಾಳಹಸ್ತಿ ದೇವಾಲಯದಲ್ಲಿ ಪೂಜೆ ಮಾಡಿದ ಚಿತ್ರವನ್ನು ಶೇರ್ ಮಾಡಿದ್ದಾರೆ.

ಮದುವೆಯಾದ ನಂತರವೂ ಶ್ರೀಯಾ ಶರಣ್ ಅವರು ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ. ಅಜಯ್​ ದೇವಗನ್​(Ajay Devgan) ಅಭಿನಯದ ದೃಶ್ಯಂ (Drishyam) ಚಿತ್ರದಲ್ಲಿ ಶ್ರೀಯಾ ನಟಿಸಿದ್ದಾರೆ. ಈಗ ದೃಶ್ಯಂ2ನಲ್ಲೂ ಕಾಣಿಸಿಕೊಳ್ಳಲಿದ್ದಾರೆ.

ದಕ್ಷಿಣ ಭಾರತದ ನಟಿ ಶ್ರೀಯಾ ಶರಣ್​ (Shriya Saran) ಟೆನ್ನಿಸ್​ ಆಟಗಾರ ಹಾಗೂ ಉದ್ಯಮಿ ಆ್ಯಂಡ್ರೆ ಕೋಶ್ಚೀವ್​ (Andrei Koscheev) ಅವರನ್ನು 2018ರಲ್ಲಿ ವಿವಾಹವಾದರು.

ಇಬ್ಬರೂ ವಿವಾಹವಾದ(Shriya Saran Andrei Koscheev Marriage) ನಂತರ ಬಾರ್ಸಿಲೋನಾಗೆ ಹೋಗಿ ಸೆಟಲ್​ ಆದರು. ಸಾಮಾಜಿಕ ಜಾಕತಾಣದಲ್ಲಿ ಸಕ್ರಿಯವಾಗಿರುವ ನಟಿ ಶ್ರೀಯಾ ಶರಣ್​ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ಸಕ್ರಿಯವಾಗಿದ್ದಾರೆ. ಇನ್ನು ಪತಿಯ ಜತೆ ಮಾಡಿರುವ ಪ್ರವಾಸದ ಸಾಕಷ್ಟು ಫೋಟೋಗಳನ್ನು ಹಂಚಿಕೊಂಡಿದ್ದಾರೆ ಈ ನಟಿ.

ಶ್ರೀಯಾ ಶರಣ್​ ಅವರ ವೃತ್ತಿ ಜೀವನದ ವಿಷಯಕ್ಕೆ ಬಂದರೆ ರಾಮ್​ ಚರಣ್​ ಹಾಗೂ ಜೂನಿಯರ್​ ಎನ್​ಟಿಆರ್​ ಅವರ ಆರ್​ಆರ್​ಆರ್​ ಸಿನಿಮಾದಲ್ಲಿ ಶ್ರೀಯಾ ಶರಣ್​ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ಈ ಹಿಂದೆ ದೃಶ್ಯಂ ಸಿನಿಮಾದಲ್ಲಿ ಅಜಯ್​ ದೇವಗನ್​ ಜೊತೆ ನಟಿಸಿದ್ದ ಶ್ರೀಯಾ ಈಗ ದೃಶ್ಯಂ 2 ಚಿತ್ರದ ರಿಮೇಕ್​ನಲ್ಲೂ ಶ್ರೀಯಾ ಕಾಣಿಸಿಕೊಳ್ಳಲಿದ್ದಾರೆ.