Shreya Ghoshal: ಮಧುರ ಕಂಠಕ್ಕೆ ಮನಸೋತಿದ್ದ ಸ್ನೇಹಿತ! ಇಲ್ಲಿದೆ ಓದಿ ಶ್ರೇಯಾ ಘೋಷಾಲ್ ಪ್ರೇಮ್‌ ಕಹಾನಿ

ಶ್ರೇಯಾ ಘೋಷಾಲ್ ಬಾಲಿವುಡ್‌ನ ಪ್ರಸಿದ್ಧ ಹಿನ್ನೆಲೆ ಗಾಯಕಿ. ಅವರು ಬಾಲಿವುಡ್ ಮಾತ್ರವಲ್ಲದೆ ಪ್ರಾದೇಶಿಕ ಚಿತ್ರಗಳಲ್ಲಿಯೂ ಅನೇಕ ಹಾಡುಗಳನ್ನು ಹಾಡಿದ್ದಾರೆ. ಇದರೊಂದಿಗೆ ಶ್ರೇಯಾ ಅನೇಕ ಟಿವಿ ಧಾರಾವಾಹಿಗಳಿಗೂ ಧ್ವನಿ ನೀಡಿದ್ದಾರೆ. ಅವರು ಹಿಂದಿ ಮತ್ತು ಭೋಜ್‌ಪುರಿ, ಬೆಂಗಾಲಿ, ಕನ್ನಡ, ಮಲಯಾಳಂ, ಪಂಜಾಬಿ, ತಮಿಳು, ತೆಲುಗು ಮತ್ತು ಅಸ್ಸಾಮಿ ಸೇರಿದಂತೆ ಹಲವು ಭಾಷೆಗಳಲ್ಲಿ ಹಾಡುಗಳನ್ನು ಹಾಡಿದರು.

ಯಾ 12 ಮಾರ್ಚ್ 1984 ರಂದು ಬೆರ್ಹಾಂಪುರದಲ್ಲಿ ಬಂಗಾಳಿ ಕುಟುಂಬದಲ್ಲಿ ಜನಿಸಿದರು, ಆದರೆ ಅವರು ರಾಜಸ್ಥಾನದ ಕೋಟಾ ಬಳಿಯ ರಾವತ್ಭಟ ಎಂಬ ಸಣ್ಣ ಪಟ್ಟಣದಲ್ಲಿ ಬೆಳೆದರು. ಶ್ರೇಯಾ ಹಾರ್ಮೋನಿಯಂ ನುಡಿಸಲು ಪ್ರಾರಂಭಿಸಿದಾಗ ಕೇವಲ 4 ವರ್ಷ. ನಂತರ ಕೋಟಾದ ಮಹೇಶ್ ಚಂದ್ರ ಶರ್ಮಾ ಅವರಿಂದ ಶಾಸ್ತ್ರೀಯ ಸಂಗೀತ ಪಾಠಗಳನ್ನು ಕಲಿತರು.

ಟಿವಿ ಗಾಯನ ರಿಯಾಲಿಟಿ ಶೋ 'ಸರೆಗಮಪ'ದ ಮಕ್ಕಳ ವಿಶೇಷ ಸ್ಪರ್ಧೆಯೊಂದಿಗೆ ಶ್ರೇಯಾ ಅವರ ಪಯಣ ಪ್ರಾರಂಭವಾಯಿತು. ಬಳಿಕ ಹಿರಿಯ ಚಲನಚಿತ್ರ ನಿರ್ದೇಶಕ ಸಂಜಯ್ ಲೀಲಾ ಬನ್ಸಾಲಿ ಅವರ 'ದೇವದಾಸ್' ಚಿತ್ರದಲ್ಲಿ ಹಾಡುವ ಮೂಲಕ ಸಿನಿ ಸಂಗೀತ ಲೋಕಕ್ಕೆ ಪದಾರ್ಪಣೆ ಮಾಡಿದರು.

ಅವರು ವೃತ್ತಿಯಲ್ಲಿ ಇಂಜಿನಿಯರ್ ಆಗಿರುವ ತಮ್ಮ ಬಾಲ್ಯದ ಸ್ನೇಹಿತ ಶಿಲಾದಿತ್ಯ ಮುಖೋಪಾಧ್ಯಾಯ ಅವರನ್ನು 2015 ರಲ್ಲಿ ವಿವಾಹವಾದರು. ಇಬ್ಬರಿಗೂ ಒಬ್ಬ ಮಗನಿದ್ದಾನೆ. ಅಂದಹಾಗೆ ಶ್ರೇಯಾ ಮತ್ತು ಶಿಲಾದಿತ್ಯ ಬಾಲ್ಯದಿಂದಲೂ ಶಾಲೆಯಲ್ಲಿ ಓದುತ್ತಿದ್ದರು..

ಶ್ರೇಯಾ ಮತ್ತು ಶಿಲಾದಿತ್ಯ ಮದುವೆಗೆ ಮೊದಲು ಸುಮಾರು 10 ವರ್ಷಗಳ ಕಾಲ ಪರಸ್ಪರ ಡೇಟಿಂಗ್ ಮಾಡಿದ್ದರು. ಅದೇ ಸಮಯದಲ್ಲಿ, ಶಿಲಾದಿತ್ಯ ಅವರು ಮೊದಲು ಶ್ರೇಯಾಗೆ ಪ್ರಪೋಸ್ ಮಾಡಿದ್ರಂತೆ. ಅವರ ಪ್ರಪೋಸ್ ಮಾಡುವ ವಿಧಾನವು ತುಂಬಾ ವಿಶಿಷ್ಟವಾಗಿದೆ ಎಂದು ಹೇಳಲಾಗುತ್ತದೆ. ಶ್ರೇಯಾ ತನ್ನ ಸಂದರ್ಶನವೊಂದರಲ್ಲಿ ತಾನು ಮತ್ತು ಶಿಲಾದಿತ್ಯ ಸ್ನೇಹಿತನ ಮದುವೆಯಲ್ಲಿ ಭಾಗವಹಿಸಿದ್ದಾಗ ಪ್ರಪೋಸ್ ಮಾಡಿದ್ದರು ಎಂದು ಹೇಳಿದ್ದರು.

ಈ ಮದುವೆ ಸಮಾರಂಭದಲ್ಲಿ ಶಿಲಾದಿತ್ಯ ಅವರು ರಿಂಗ್ ಬಾಕ್ಸ್ ತೆಗೆಯುವಂತೆ ಶ್ರೇಯಾಗೆ ಹೇಳಿದ್ದರು ಮತ್ತು ಅದೇ ಸಮಯದಲ್ಲಿ ಸಿಂಗರ್‌ಗೆ ಅಳಿಲನ್ನು ನೋಡುವಂತೆ ಹೇಳಿದರು. ಆಗ ಶ್ರೇಯಾ ಅಳಿಲನ್ನು ಹುಡುಕೋಕೆ ಪ್ರಾರಂಭ ಮಾಡಿದ್ರಂತೆ!

ಆಗ ಶಿಲಾದಿತ್ಯ ಉಂಗುರವನ್ನು ತೆಗೆದು ಶ್ರೇಯಾ ಮುಂದೆ ಇಟ್ಟು, ಪ್ರಪೋಸ್ ಮಾಡಿದ್ರಂತೆ! ಶಿಲಾದಿತ್ಯ ಮದುವೆ ಪ್ರಸ್ತಾಪ ಮಾಡಿದ ರೀತಿ ನನಗೆ ಇಷ್ಟವಾಯಿತು ಅಂತ ಶ್ರೇಯಾ ಹೇಳಿದ್ದಾರೆ.