Shraddha Srinath: ಫ್ಯಾಂಟಮ್​ ಚಿತ್ರದಲ್ಲಿ ಶ್ರದ್ಧಾ ಶ್ರೀನಾಥ್ ನಾಯಕಿ ಅಲ್ಲ: ಕಿಚ್ಚನಿಗೆ ಜೊತೆಯಾದ ಮುಂಬೈ ಬ್ಯೂಟಿ..!

ಕಿಚ್ಚ ಸುದೀಪ್​ ಅಭಿನಯದ ಬಹು ನಿರೀಕ್ಷಿತ ಸಿನಿಮಾ ಫ್ಯಾಂಟಮ್​ ಸಿನಿಮಾದ ಕೊನೆಯ ಹಂತದ ಚಿತ್ರೀಕರಣ ಇನ್ನೇನು ಕೇರಳದಲ್ಲಿ ಆರಂಭವಾಗಲಿದೆ.

ಇಲ್ಲಿಯವರೆಗೂ ಫ್ಯಾಂಟಮ್​ ಸಿನಿಮಾದ ನಾಯಕಿ ಶ್ರದ್ಧಾ ಶ್ರೀನಾಥ್​ ಎಂದೇ ಹೇಳಲಾಗುತ್ತಿತ್ತು.

ಆದರೆ ಈ ಬಗ್ಗೆ ಚಿತ್ರತಂಡದವರಾಗಲಿ ಶ್ರದ್ದಾ ಆಗಲಿ ಎಲ್ಲೂ ಎನೂ ಖಚಿತ ಪಡಿಸಿರಲಿಲ್ಲ.

ಫ್ಯಾಂಟಮ್​ ಸಿನಿಮಾದಲ್ಲಿರುವ ಪ್ರಮುಖ ಪಾತ್ರಗಳ ಪರಿಷಚಯ ಮಾಡಿಕೊಟ್ಟಿರುವ ನಿರ್ದೇಶಕ ಅನೂಪ್​ ಭಂಡಾರಿ ನಾಯಕಿ ಯಾರೆಂದು ಪರಿಚಯಿಸಿಲ್ಲ.

ಆದರೆ ಈಗ ಲೆಟೆಸ್ಟ್​ ಆಗಿ ಲಭ್ಯವಾಗಿರುವ ಮಾಹಿತಿ ಪ್ರಕಾರ ಶ್ರದ್ಧಾ ಶ್ರೀನಾಥ್​ ಫ್ಯಾಂಟಮ್​ ಸಿನಿಮಾದ ನಾಯಕಿ ಅಲ್ಲವಂತೆ.

ಫ್ಯಾಂಟಮ್​ ಸಿನಿಮಾದಲಲಿ ನಾಯಕಿಯಾಗಿ ಮುಂಬೈ ನಟಿಯನ್ನು ಕರೆತರಲಾಗಿದೆಯಂತೆ.

ಫ್ಯಾಂಟಮ್​ ಸಿನಿಮಾ ಚಿತ್ರೀಕರಣ ಕೇರಳದಲ್ಲಿ 30 ದಿನಗಳ ಕಾಲ ನಡೆಯಲಿದೆ.

ಇತ್ತೀಚೆಗಷ್ಟೆ ಕ್ಲೈಮ್ಯಾಕ್ಸ್​ಗಾಗಿ ಸುದೀಪ್​ ಹೇಗೆ ಸಿದ್ಧವಾಗಿದ್ದಾರೆ ಎಂದು ತೋರಿಸುವ ಫೋಟೋವೊಂದನ್ನು ರಿಲೀಸ್ ಮಾಡಲಾಗಿದೆ.