ಸುಶಾಂತ್​​ ಸಿಂಗ್​ ಆತ್ಮಹತ್ಯೆ ದಿನ ನಡೆದಿದ್ದೇನು? - ಅಡುಗೆ ಕೆಲಸದವ ಬಿಚ್ಚಿಟ್ಟ ಸತ್ಯ

ನಟ ಸುಶಾಂತ್ ಸಿಂಗ್ ರಜಪೂತ್‌ ಸಾವಿನ ಪ್ರಕರಣ ದಿನಕ್ಕೊಂದು ತಿರುವು ಪಡೆದುಕೊಂಡಿದೆ. ಇವರ ಆಪ್ತವಲಯ ಸುಶಾಂತ್​​ ಆತ್ಮಹತ್ಯೆ ಬಗ್ಗೆ ಭಿನ್ನಭಿನ್ನ ಹೇಳಿಕೆಗಳನ್ನು ನೀಡುತ್ತಿದ್ದಾರೆ.

ಜೂನ 14ನೇ ತಾರೀಕಿನಂದು ಸುಶಾಂತ್ ಆತ್ಮಹತ್ಯೆ ಮಾಡಿಕೊಂಡಿದ್ದರು. ಅಂದು ಅಸಲಿಗೆ ನಡೆದಿದ್ದೇನು? ಎನ್ನುವುದರ ಕುರಿತು ಅಡುಗೆ ಕೆಲಸದ ನೀರಜ್‌ ಮಾತಾಡಿದ್ದಾರೆ. ಖಾಸಗಿ ಮಾಧ್ಯಮಕ್ಕೆ ನೀಡಿದ ಸಂದರ್ಶನದಲ್ಲಿ ಸುಶಾಂತ್‌-ರಿಯಾ ಸಂಬಂಧದ ಬಗ್ಗೆ ನೀಡಿದ್ದಾರೆ.

ಆತ್ಮಹತ್ಯೆ ಮಾಡಿಕೊಳ್ಳುವ ಹಿಂದಿನ ದಿನ ಜೂನ್​​ 13ರ ರಾತ್ರಿ ಸುಶಾಂತ್ ಸರ್ ಊಟ ಮಾಡಿರಲಿಲ್ಲ. ನಾನು ಮ್ಯಾಂಗೋ ಶೇಕ್ ಜ್ಯೂಸ್​​ ಮಾಡಿಕೊಟ್ಟೇ ಎಂದ ನೀರಜ್​​, ಜೂನ್‌ 14ರಂದು ಬೆಳಿಗ್ಗೆ ಕೋಣೆಯಿಂದ ಹೊರ ಬಂದು ಕೋಲ್ಡ್ ನೀರು ಕೇಳಿದ್ದರು ಎಂದರು.

ಸುಶಾಂತ್ ಸರ್​​​​​ ಆರೋಗ್ಯವಾಗಿದ್ದಂತೆ ಕಾಣಿಸಲಿಲ್ಲ. ಯಾಕೋ ಸ್ಪಲ್ಪ ಟೆನ್ಷನ್​​ ಆಗಿದ್ದರು. ನನ್ನ ಸ್ನೇಹಿತ ಕೇಶವ್​​ ಬಳಿ ತಿಂಡಿ ಬದಲಿಗೆ ಎಳನೀರು, ಆರೆಂಜ್ ಜ್ಯೂಸ್, ಬಾಳೆಹಣ್ಣು ಬೇಕು ಎಂದಿದ್ದರು.

ನಮ್ಮೊಂದಿಗೆ ಮಾತಾಡಿದ ನಂತರ ರೂಮ್​​ನೊಳಗೆ ಹೋಗಿದ್ದರು. ಮತ್ತೆ ಮಧ್ಯಾಹ್ನ ಊಟಕ್ಕೆ ಏನು ಬೇಕು ಎಂದು ಕೇಳಲು ಹೋದಾಗ ಸುಶಾಂತ್​​ ಸರ್​​ ಯಾವುದೇ ಪ್ರತಿಕ್ರಿಯೆ ನೀಡಿರಲಿಲ್ಲ. ಕೋಣೆಯ ಬಾಗಿಲು ಒಳಗಿನಿಂದ ಲಾಕ್ ಆಗಿತ್ತು. ಕಾಲ್​​ ಕೂಡ ರಿಸೀವ್​​ ಮಾಡಲಿಲ್ಲ ಎಂದರು ನೀರಜ್​​.

ಆಗ ನಾವು ಬಾಗಿಲು ತೆರೆಯಲು ಯತ್ನಿಸಿದೆವು, ಆದರೆ ಅದು ಸಾಧ್ಯವಾಗಿರಲಿಲ್ಲ. ಹಾಗಾಗಿ ಬಾಗಿಲ ಬೀಗ ಒಡೆಯುವವರನ್ನು ಕರೆಸಿದೆವು. ಬಾಗಿಲು ತೆಗೆದು ಒಳಗೆ ಹೋದಾಗ ಸುಶಾಂತ್​​ ಸಿಂಗ್​​​​ ಹೆಣವಾಗಿದ್ದರು. ಸುಶಾಂತ್ ಸಹೋದರಿ ಹೇಳಿದ ಕಾರಣಕ್ಕೆ ನಾವು ದೇಹವನ್ನು ಕೆಳಗಿಸಿದ್ದೆವು ಎಂದರು.

ರಿಯಾ ಹಾಗೂ ಸುಶಾಂತ್ ಇಬ್ಬರ ನಡುವಿನ ಸಂಬಂಧ ಚೆನ್ನಾಗಿಯೇ ಇತ್ತು. ಆದರೆ, ಯೂರೋಪ್ ಪ್ರವಾಸ ಮಾಡಿ ಬಂದ ಬಳಿಕ ಸುಶಾಂತ್ ಚೆನ್ನಾಗಿರಲಿಲ್ಲ. ಅವಾಗಲೇ ಸುಶಾಂತ್​ ಬದಲಾಗಿದ್ದಾರೆ ಎಂದಿದ್ದಾರೆ. ಅಲ್ಲದೇ ರಿಯಾ ಒಮ್ಮೆ ನೀರಜ್‌ಗೆ ಕೆಲಸ ವಿಷಯದಲ್ಲಿ ಬೆದರಿಕೆ ಹಾಕಿದ್ದರು ಎಂಬುದನ್ನು ತಿಳಿಸಿದ್ದಾರೆ ನೀರಜ್‌.