Om Film Re-Release: ಓಂ ಸಿನಿಮಾ ರೀ-ರಿಲೀಸ್! ಇಲ್ಲಿದೆ ಕಂಪ್ಲೀಟ್ ಡೀಟೆಲ್ಸ್

ಹ್ಯಾಟ್ರಿಕ್ ಹೀರೋ ಶಿವರಾಜ್‌ ಕುಮಾರ್ ಚಿತ್ರ ಜೀವನದಲ್ಲಿ ಓಂ ಸಿನಿಮಾ ತುಂಬಾ ಮಹತ್ವದ ಚಿತ್ರ ಆಗಿದೆ. ಇಡೀ ಇಂಡಸ್ಟ್ರೀ ತಿರುಗಿ ನೋಡುವಂತೆ ಮಾಡಿರೋ ಈ ಚಿತ್ರ ತೆರೆಗೆ ಬಂದು 28 ವರ್ಷಗಳು ಕಳೆದಿವೆ. ಇಷ್ಟು ವರ್ಷಗಳಲ್ಲಿ ಕನ್ನಡದ ಈ ಕಲ್ಟ್ ಸಿನಿಮಾ, ಮರು ರಿಲೀಸ್‌ನಲ್ಲಿ ಲಿಮ್ಕಾ ಬುಕ್ ಆಫ್ ರೆಕಾರ್ಡ್ ನಲ್ಲಿ ದಾಖಲೆ ಮಾಡಿದೆ. ಕಾರಣ 550 ಬಾರಿ ಓಂ ಸಿನಿಮಾ ಮರು ಬಿಡುಗಡೆ ಆಗಿದೆ.

ಇದೇ ಚಿತ್ರ ಈಗ ಮತ್ತೊಮ್ಮೆ ರಿಲೀಸ್ ಆಗುತ್ತಿದೆ. ಯುಗಾದಿ ಹಬ್ಬದ ಮರು ದಿನ ಸಿನಿಮಾ ರಿಲೀಸ್ ಮಾಡಲಾಗುತ್ತಿದೆ. ಯಾವ ಥಿಯೇಟರ್‌ನಲ್ಲಿ ಈ ಚಿತ್ರ ರಿಲೀಸ್ ಆಗುತ್ತಿದೆ. ಥಿಯೇಟರ್ ಓನರ್ ಏನ್ ಹೇಳಿದ್ರು? ಯಾಕೆ ಈಗ ಮತ್ತೆ ರಿಲೀಸ್ ಆಗುತ್ತಿದೆ.

ಓಂ ಸಿನಿಮಾ ಕನ್ನಡ ಕಲ್ಟ್ ಸಿನಿಮಾ ಆಗಿದೆ. 1995 ರಲ್ಲಿ ಈ ಚಿತ್ರ ರಿಲೀಸ್ ಆಗಿತ್ತು. ಆಗ ಹೇಗೆ ಬೇಡಿಕೆ ಇತ್ತೋ ಅದೇ ಬೇಡಿಕೆ ಈಗಲೂ ಇದೆ. 28 ವರ್ಷಗಳ ಬಳಿಕ ಕನ್ನಡ ಓಂ ಸಿನಿಮಾ ಮತ್ತೊಮ್ಮೆ ರಿಲೀಸ್ ಆಗುತ್ತಿದೆ.

ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅಭಿನಯದ ಈ ಚಿತ್ರ ಬೆಂಗಳೂರಿನ ಕಪಾಲಿ ಥಿಯೇಟರ್‌ನಲ್ಲಿ ಈಗಾಗಲೇ 30 ಬಾರಿ ರಿಲೀಸ್ ಆಗಿದೆ. ಈ ಮೂಲಕ ಇಲ್ಲೂ ಓಂ ಸಿನಿಮಾ ಈ ರೀತಿ ದಾಖಲೆ ಮಾಡಿದೆ.

ರಿಯಲ್ ಸ್ಟಾರ್ ಉಪೇಂದ್ರ ನಿರ್ದೇಶನದ ಈ ಚಿತ್ರವನ್ನ ಅಂದು 70 ಲಕ್ಷ ವೆಚ್ಚದಲ್ಲಿ ನಿರ್ಮಾಪಕಿ ಪಾರ್ವತಮ್ಮ ರಾಜಕುಮಾರ್ ನಿರ್ಮಿಸಿದ್ರು. ರಿಲೀಸ್ ಆದ ಬಳಿಕ ಈ ಚಿತ್ರ ಬಾಕ್ಸ್ ಆಫೀಸ್‌ ಕೊಳ್ಳೆ ಹೊಡೆಯಿತು.

ಶಿವರಾಜ್ ಕುಮಾರ್ ಈ ಚಿತ್ರದಲ್ಲಿ ಸತ್ಯ ಹೆಸರಿನ ಪಾತ್ರ ಮಾಡಿದ್ದರು. ನಟಿ ಪ್ರೇಮಾ ಇಲ್ಲಿ ಮಧು ಪಾತ್ರದಲ್ಲಿ ಅಭಿನಯಿಸಿದ್ದರು. ಈ ಜೋಡಿಗೆ ಅದ್ಭುತ ಹಾಡುಗಳೂ ಇದ್ದವು. ಹಂಸಲೇಖ ಈ ಚಿತ್ರಕ್ಕೆ ಸಂಗೀತ ಮಾಡಿದ್ದರು.

ದೊಡ್ಡಮಟ್ಟದಲ್ಲಿಯೇ ಹೆಸರಾದ ಓಂ ಸಿನಿಮಾ ಈಗಲೂ ಬೇಡಿಕೆ ಉಳಿಸಿಕೊಂಡಿದೆ. ಬೆಂಗಳೂರಿನ ಯಾವುದಾದರೂ ಒಂದು ಥಿಯೇಟರ್‌ನಲ್ಲಿ ಓಂ ಚಿತ್ರ ರಿಲೀಸ್ ಆಗ್ತಾನೇ ಇರುತ್ತದೆ. ಅದೇ ರೀತಿ ಈ ಚಿತ್ರ ಮತ್ತೊಮ್ಮೆ ಈಗ ರಿಲೀಸ್ ಆಗುತ್ತಿದೆ.

ಓಂ ಸಿನಿಮಾವನ್ನ ಈ ಸಲ ವೀರೇಶ್ ಸಿನಿಮಾಸ್‌ನಲ್ಲಿ ರಿಲೀಸ್ ಮಾಡಲಾಗುತ್ತಿದೆ. ಫಿಲ್ಮ್ ಚೇಂಬರ್‌ನ ಮಾಜಿ ಅಧ್ಯಕ್ಷ ಕೆ.ವಿ.ಚಂದ್ರಶೇಖರ್ ಈ ಚಿತ್ರವನ್ನ ಪ್ರದರ್ಶನ ಮಾಡ್ತಿರೋದಾಗಿ ನ್ಯೂಸ್-18 ಕನ್ನಡ ಡಿಜಿಟಲ್‌ಗೆ ತಿಳಿಸಿದ್ದಾರೆ. ಮಾರ್ಚ್‌-23 ರಂದು ಓಂ ಸಿನಿಮಾ ಈ ಥಿಯೇಟರ್‌ನಲ್ಲಿ1.30 PM, 4.30PM, 7.30 PM ಮೂರು ಶೋ ಪ್ರದರ್ಶನ ಕಾಣುತ್ತಿದೆ.