Goaದಲ್ಲಿ ಏನು ಮಾಡ್ತಿದ್ದಾರೆ Shilpa Shetty: ಸೀಕ್ರೆಟ್​ ಪ್ರಾಜೆಕ್ಟ್​ನಲ್ಲಿ ಕರಾವಳಿ ಸುಂದರಿ..!

ನಟಿ ಶಿಲ್ಪಾ ಶೆಟ್ಟಿ ಕೆಂಪು ಬಣ್ಣದ ಹಾಫ್​ ಶೋಲ್ಡರ್​ ಡ್ರೆಸ್​ನಲ್ಲಿ ಸಖತ್ತಾಗಿ ಮಿಂಚಿದ್ದಾರೆ. ಕ್ಲಾಸಿ ಲುಕ್​ನಲ್ಲಿ ಕಾಣಿಸಿಕೊಂಡಿರುವ ಕರಾವಳಿ ಸುಂದರಿಯ ಫೋಟೋಗಳು ವೈರಲ್ ಆಗಿವೆ. ಅಷ್ಟಕ್ಕೂ ಈ ಫೋಟೋಶೂಟ್​ ಆಗಿರುವುದಾದರೂ ಎಲ್ಲಿ ಗೊತ್ತಾ..:?

ಶಿಲ್ಪಾ ಶೆಟ್ಟಿ ಸದ್ಯ ಗೋವಾದಲ್ಲಿದ್ದಾರೆ. ಅವರು ತಮ್ಮ ಸೀಕ್ರೆಟ್​ ಪ್ರಾಜೆಕ್ಟ್​ಗಾಗಿ ಗೋವಾ ಸೇರಿಕೊಂಡಿದ್ದಾರೆ ಎನ್ನಲಾಗುತ್ತಿದೆ. ಆದರೆ ಆ ಪ್ರಾಜೆಕ್ಟ್​ ಯಾವುದು ಅನ್ನೋ ಮಾಹಿತಿ ಮಾತ್ರ ಇನ್ನೂ ಲಭ್ಯವಾಗಿಲ್ಲ.

ಹಂಗಾಮ 2 ಸಿನಿಮಾದಲ್ಲಿ ಕಾಣಿಸಿಕೊಂಡ ನಟಿ ಮತ್ತಾವಾ ಚಿತ್ರವನ್ನೂ ಪ್ರಕಟಿಸಿಲ್ಲ. ಆದರೆ, ರಿಯಾಲಿಟಿ ಡ್ಯಾನ್ಸ್​ ಶೋನಲ್ಲಿ ತೀರ್ಪುಗಾರರಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇದರ ಜೊತೆ ಈಗ ಈ ಸೀಕ್ರೆಟ್​ ಪ್ರಾಜೆಕ್ಟ್​ ಸಹ ಸೇರಿಕೊಂಡಿದೆ.

ಗೋವಾದಲ್ಲಿರುವ ಶಿಲ್ಪಾ ಶೆಟ್ಟಿ ಅಲ್ಲಿನ ಪ್ರೇಕ್ಷಣೀಯ ಸ್ಥಳಗಳಿಗೆ ಭೇಟಿ ಕೊಡುತ್ತಿದ್ದಾರೆ. ಗೋವಾದ ಖ್ಯಾತ ಸೇಂಟ್ ಆಂಥೋನಿ​ ಚರ್ಚ್​ಗೆ ಹೋಗಿದ್ದ ನಟಿ ಅದನ್ನು ವಿಡಿಯೋ ಮಾಡಿ ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.

ಇನ್ನು ಪತಿ ರಾಜ್​ ಕುಂದ್ರಾ ಜಾಮೀನಿನ ಮೇಲೆ ಜೈಲಿನಿಂದ ಹೊರ ಬಂದ ನಂತರ, ಅಶ್ಲೀಲ ವಿಡಿಯೋ ನಿರ್ಮಾಣ ಪ್ರಕರಣಕ್ಕೆ ಸಂಬಂಧಿಸಿದಂತೆ ಶೆರ್ಲಿನ್ ಚೋಪ್ರಾ ಮೇಲೆ ಮಾನಹಾನಿ ಮೊಕದ್ದಮ್ಮೆ ಹೂಡಿದ್ದಾರೆ. 50 ಕೋಟಿ ಮಾನಹಾನಿ ಮೊಕದ್ದಮೆ ಹೂಡಿರುವುದಾಗಿ ಶಿಲ್ಪಾ ಶೆಟ್ಟಿ ಹಾಗೂ ರಾಜ್​ ಕುಂದ್ರಾ ಅವರ ವಕೀಲರು ಮೊನ್ನೆಯಷ್ಟೆ ಸ್ಪಷ್ಟಪಡಿಸಿದ್ದಾರೆ.

ಹಣಕ್ಕಾಗಿ ಶೆರ್ಲಿನ್​ ಚೋಪ್ರಾ ಅವರು ಸುಳ್ಳು ಆರೋಪಗಳನ್ನು ಮಾಡಿದ್ದು, ಇದರಿಂದ ಮಾನಹಾನಿಯಾಗಿದೆ ಎಂದು ರಾಜ್ ಕುಂದ್ರಾ, ಶಿಲ್ಪಾ ಶೆಟ್ಟಿ ಅವರು ಶೆರ್ಲಿನ್ ಚೋಪ್ರಾ ವಿರುದ್ಧ ಮಾನಹಾನಿ ಪ್ರಕರಣ ದಾಖಲಿಸಿದ್ದಾರೆ.

ನಟಿ ಶಿಲ್ಪಾ ಶೆಟ್ಟಿ ಅವರು ಹೊಸ ಹೇರ್​ ಕಟ್​ ಮಾಡಿಸಿಕೊಂಡಿದ್ದು, ಅದರ ವಿಷಯವನ್ನೂ ಹಂಚಿಕೊಂಡಿದ್ದರು. ಅಂಡರ್​ಕಟ್​ ಬಸ್​ ಹೇರ್​ ಕಟ್​ ಮಾಡಿಸಿಕೊಂಡು ಎಲ್ಲರೂ ಹುಬ್ಬೇರಿಸುವಂತೆ ಮಾಡಿದ್ದರು.