Bollywood Stars: ಹೋಟೆಲ್ ಉದ್ಯಮದಲ್ಲಿ ಸಕ್ಸಸ್ ಕಂಡ ಸೆಲೆಬ್ರಿಟಿಗಳಿವರು! ಇವರ ರೆಸ್ಟೋರೆಂಟ್ ಭಾರೀ ದುಬಾರಿ

ಬಾಲಿವುಡ್​ನ ಟಾಪ್ ಸೆಲೆಬ್ರಿಟಿಗಳು ಸಂಪಾದಿಸಿದ ಹಣವನ್ನು ಉದ್ಯಮದಲ್ಲಿ ತೊಡಗಿಸಿಕೊಂಡು ಲಾಭ ಗಳಿಸುತ್ತಾರೆ. ಹೆಚ್ಚಿನ ಸೆಲೆಬ್ರಿಟಿಗಳು ಹೋಟೆಲ್ ಉದ್ಯಮದಲ್ಲಿಯೇ ಆಸಕ್ತಿ ಹೊಂದಿದ್ದಾರೆ.

ಮುಂಬೈನಲ್ಲಿ ಸೀಫುಡ್ ಕ್ರೇಜ್ ಜಾಸ್ತಿ ಇದೆ. ಆದ್ದರಿಂದ ವರ್ಲಿಯಲ್ಲಿ ಪ್ರಸಿದ್ಧ ಬೆಸ್ಟಿಯನ್ ರೆಸ್ಟೋರೆಂಟ್ ಇದೆ. ಅಲ್ಲಿ ನೀವು ಸಮುದ್ರ ಆಹಾರವನ್ನು ಸವಿಯಬಹುದು. ಇದರ ಒಡತಿ ಶಿಲ್ಪಾ ಶೆಟ್ಟಿ. ಇಲ್ಲಿ ವೈವಿಧ್ಯಮಯ ಸಮುದ್ರಾಹಾರ ಲಭ್ಯವಿದೆ. ಇದಲ್ಲದೇ ಶಿಲ್ಪಾ ಶೆಟ್ಟಿ ಪಿಜ್ಜಾಕ್ಕಾಗಿ ಪಿಜ್ಜಾ ರೆಸ್ಟೊರೆಂಟ್ ಕೂಡ ತೆರೆದಿದ್ದಾರೆ.

ಬಾಲಿವುಡ್ ನಟ ಸುನೀಲ್ ಶೆಟ್ಟಿ ಯಶಸ್ವಿ ಉದ್ಯಮಿ. ನಟನಿಗೆ ಜನಪ್ರಿಯ ರೆಸ್ಟೋರೆಂಟ್ ಮತ್ತು ಬಾರ್ ಇದೆ. ಈ ಹಿಂದೆ ಸುನೀಲ್ ಶೆಟ್ಟಿ 90ರ ದಶಕದಲ್ಲೂ ಇದೇ ವ್ಯವಹಾರ ನಡೆಸುತ್ತಿದ್ದರು.

ಬಾಲಿವುಡ್​ನ ಎವರ್ ಗ್ರೀನ್ ನಟ ಧರ್ಮೇಂದ್ರ ಕೂಡ ಇದರಲ್ಲಿ ಹಿಂದೆ ಬಿದ್ದಿಲ್ಲ. ಅವರು 'ಗರಂ-ಧರಮ್' ಎಂಬ ಡಾಬಾಗಳನ್ನು ನಡೆಸುತ್ತಾರೆ. ಅವರು ಅನೇಕ ನಗರಗಳಲ್ಲಿ ಇಂತಹ ಡಾಬಾಗಳನ್ನು ಹೊಂದಿದ್ದಾರೆ.

ತಂದೆ ಧರ್ಮೇಂದ್ರ ಅವರ ಹಾದಿಯಲ್ಲೇ ಬಾಬಿ ಡಿಯೋಲ್ ಕೂಡ ಹೋಟೆಲ್ ಉದ್ಯಮದಲ್ಲಿ ಸಕ್ರಿಯರಾಗಿದ್ದಾರೆ. ಬಾಬಿ ಮುಂಬೈನ ಅಂಧೇರಿಯಲ್ಲಿ 'ಸಮ್‌ಪ್ಲೇಸ್ ಎಲ್ಸ್' ಎಂಬ ರೆಸ್ಟೋರೆಂಟ್ ನಡೆಸುತ್ತಿದ್ದಾರೆ. ಇಲ್ಲಿ ರುಚಿಕರವಾದ ಭಾರತೀಯ ಮತ್ತು ಚೈನೀಸ್ ಆಹಾರವನ್ನು ನೀಡಲಾಗುತ್ತದೆ.

'ರಾಜ್' ಖ್ಯಾತಿಯ ನಟ ಡಿನೋ ಮೋರಿಯಾ ಕೂಡ ಈ ವ್ಯವಹಾರಗಳಲ್ಲಿ ಸಕ್ರಿಯರಾಗಿದ್ದಾರೆ. ಆರಂಭದಲ್ಲಿ ಅವರು ಜಿಮ್ ಆರಂಭಿಸಿದ್ದರು. ಆದರೆ ಈಗ ಅವರು ಕೆಫೆಯ ಮಾಲೀಕರಾಗಿದ್ದಾರೆ.

ಪ್ರಿಯಾಂಕಾ ಚೋಪ್ರಾ ನ್ಯೂಯಾರ್ಕ್ ನಲ್ಲಿ 'ಸೋನಾ' ಎಂಬ ಭಾರತೀಯ ರೆಸ್ಟೋರೆಂಟ್ ತೆರೆದಿದ್ದಾರೆ. ಇದರಲ್ಲಿ ಗೋಲ್ಗಪ್ಪದಿಂದ ತೊಡಗಿ ಎಲ್ಲಾ ರೀತಿಯ ಭಾರತೀಯ ಖಾದ್ಯ ಸಿಗುತ್ತದೆ.

ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಶರ್ಮಾ ಕೂಡ 'ವನ್ 8 ಕಮ್ಯೂನ್' ಎಂಬ ಐಷಾರಾಮಿ ರೆಸ್ಟೋರೆಂಟ್ ಅನ್ನು ಪ್ರಾರಂಭಿಸಿದ್ದಾರೆ. ಇದು ಲಾಭದಾಯಕವಾಗಿ ನಡೆಯುತ್ತಿದೆ.