Shilpa Shetty: ನಟಿ ಶಿಲ್ಪಾಗೆ ವೇದಿಕೆಯಲ್ಲೇ ಕಿಸ್ ಮಾಡಿದ್ದ ಹಾಲಿವುಡ್ ನಟ! ಪ್ರಕರಣಕ್ಕೆ ಟ್ವಿಸ್ಟ್

2007ರಲ್ಲಿ ನಡೆದ ಕಿಸ್ಸಿಂಗ್ ಘಟನೆಗೆ ಸಂಬಂಧಿಸಿ ಈಗ ಮತ್ತೆ ಹೊಸ ಅಪ್ಡೇಟ್ ಬಂದಿದೆ. ಹಾಲಿವುಡ್ ನಟ ರಿಚರ್ಡ್ ಗೇರ್ ಅವರು ಸಾರ್ವಜನಿಕವಾಗಿ ಶಿಲ್ಪಾ ಶೆಟ್ಟಿ ಅವರನ್ನು ಚುಂಬಿಸಿದ್ದ ಘಟನೆ ವಿವಾದ ಸೃಷ್ಟಿಸಿತ್ತು.

ಅಮೆರಿಕನ್ ನಟ ಭಾರತಕ್ಕೆ ಬಂದಿದ್ದಾಗ ಪ್ರಚಾರ ಕಾರ್ಯಕ್ರಮವೊಂದರಲ್ಲಿ ಈ ಘಟನೆ ನಡೆದಿತ್ತು. ಈ ಸಂಬಂಧ ಶಿಲ್ಪಾ ಶೆಟ್ಟಿ ವಿರುದ್ಧ ಅಶ್ಲೀಲತೆ ವಿರೋಶಿಸಿ ದೂರು ನೀಡಲಾಗಿತ್ತು.

ಬಾಲಿವುಡ್ ನಟಿ ಶಿಲ್ಪಾ ಶೆಟ್ಟಿ ಅವರ ವಿರುದ್ಧ ಸಲ್ಲಿಸಲಾದ ಅಶ್ಲೀಲತೆಯ ದೂರನ್ನು ವಜಾ ಮಾಡಲು ನಟಿ ಸಲ್ಲಿಸಿದ ಮನವಿ ಸಂಬಂಧ ಕೋರ್ಟ್ ಪ್ರತಿಕ್ರಿಯಿಸಿದೆ. ಈ ಕುರಿತು ಬಾಂಬೆ ಹೈಕೋರ್ಟ್ ಮಹಾರಾಷ್ಟ್ರ ಸರ್ಕಾರದ ಪ್ರತಿಕ್ರಿಯೆ ಕೇಳಿದೆ.

ಬಾರ್ & ಬೆಂಚ್‌ನಲ್ಲಿರುವ ವರದಿಯ ಪ್ರಕಾರ, ನ್ಯಾಯಮೂರ್ತಿ ಆರ್‌ಜಿ ಅವಚತ್ ಅವರ ಏಕಸದಸ್ಯ ಪೀಠವು ಜೈಪುರದಲ್ಲಿ ದೂರು ಸಲ್ಲಿಸಿದ ವಕೀಲರಿಗೆ ಅರ್ಜಿಯ ಬಗ್ಗೆ ಪ್ರತಿಕ್ರಿಯಿಸುವಂತೆ ದೂರುದಾರರನ್ನು ಕೇಳಿದೆ. ಪ್ರಕರಣವನ್ನು 4 ವಾರಗಳ ನಂತರ ವಿಚಾರಣೆಗೆ ಮುಂದೂಡಲಾಗಿದೆ.

ವರದಿಯ ಪ್ರಕಾರ ಶನಿವಾರದ ವಿಚಾರಣೆಯ ಸಂದರ್ಭದಲ್ಲಿ, ವಕೀಲ ಮಧುಕರ್ ದಳವಿ ಅವರು 2007 ರ ಇವೆಂಟ್ ವೀಡಿಯೊವನ್ನು ನೋಡಿದರೆ, ಶಿಲ್ಪಾ ಶೆಟ್ಟಿ ಅವರು ಸಾರ್ವಜನಿಕವಾಗಿ ಅಶ್ಲೀಲ ಕೃತ್ಯಗಳಲ್ಲಿ ತೊಡಗಿಸಿಕೊಳ್ಳುವ ಯಾವುದೇ ಉದ್ದೇಶವನ್ನು ಹೊಂದಿರಲಿಲ್ಲ ಎಂದಿದ್ದಾರೆ.

ದಳವಿ ಸಲ್ಲಿಸಿದ ವರದಿಯ ಪ್ರಕಾರ, ದತ್ತಿ ಮತ್ತು ಏಡ್ಸ್ ಕುರಿತು ಜಾಗೃತಿ ಮೂಡಿಸುವ ಉದ್ದೇಶದಿಂದ ಇವೆಂಟ್ ನಡೆಸಲಾಗಿತ್ತು. ಸೆಲೆಬ್ರಿಟಿಗಳು ಭಾಗಿಯಾಗಿರುವುದರಿಂದ ಅನಗತ್ಯ ಪ್ರಚಾರಕ್ಕಾಗಿ ಘಟನೆಗೆ ಕೆಟ್ಟ ಆ್ಯಂಗಲ್ ಕೊಡಲಾಗಿದೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ.

ಈ ಪ್ರಕರಣ ನಡೆದು ಈಗಾಗಲೇ 16 ವರ್ಷಗಳಾಗಿದ್ದರೂ ಈ ಕೇಸ್ ಮಾತ್ರ ಇನ್ನೂ ನಡೆಯುತ್ತಲೇ ಇದೆ. ಇವರ ಕಿಸ್ಸಿಂಗ್ ಫೋಟೋ ಹಾಗೂ ವಿಡಿಯೋ ಎಲ್ಲೆಡೆ ಹರಿದಾಡುತ್ತಿತ್ತು.