ನಾನು ಪಾರ್ಟಿ ಮಾಡಲು ಹೋಗಿಲ್ಲ; ಔಷಧಿ ತರಲು ಹೊರ ಹೋಗಿದ್ದೆ..!

ಸ್ಯಾಂಡಲ್​ವುಡ್ ನಟಿ ಶರ್ಮಿಳಾ ಮಾಂಡ್ರೆ ಕಾರು ಅಪಘಾತ ಪ್ರಕರಣ ಇದೀಗ ನಾನಾ ಟ್ವಿಸ್ಟ್​ಗಳು ಪಡೆದುಕೊಳ್ಳುತ್ತಿದೆ. ಆ್ಯಕ್ಸಿಡೆಂಟ್ ಬೆನ್ನಲ್ಲೇ ಆಸ್ಪತ್ರೆಗೆ ನಟಿ ಮತ್ತು ಗೆಳೆಯ ಲೊಕೇಶ್ ಆಸ್ಪತ್ರೆಗೆ ದಾಖಲಾಗಿದ್ದರು.

ಈ ವೇಳೆ ವೈದ್ಯರು ವಿಚಾರಿಸಿದಾಗ ಜಯನಗರದಲ್ಲಿ ಅಪಘಾತ ಸಂಭವಿಸಿತು. ಇದರಿಂದ ಗಾಯಗಳಾಗಿವೆ ಎಂದು ನಟಿ ಹೇಳಿರುವುದಾಗಿ ವರದಿಯಾಗಿತ್ತು. ಅದರ ಬೆನ್ನಲ್ಲೇ ವಸಂತನಗರ ಬಳಿ ದುಬಾರಿ ಕಾರು ಅಪಘಾತದ ಸುದ್ದಿ ಹೊರಬಿತ್ತು.

ಇದರಿಂದ ನಟಿ ಶರ್ಮಿಳಾ ಮಾಂಡ್ರೆ ಅವರು ಹೇಳಿರುವುದು ಸುಳ್ಳು ಎಂಬುದು ಬಹಿರಂಗವಾಗಿತ್ತು. ಇದೀಗ ಸಜನಿ ನಟಿಯ ವಿರುದ್ಧ ಎಫ್​ಐಆರ್ ದಾಖಲಿಸಿ ಪೊಲೀಸರು ವಿಚಾರಣೆ ಆರಂಭಿಸಿದ್ದಾರೆ.

ಈ ವೇಳೆ ನಾನು ಯಾವುದೇ ಪಾರ್ಟಿಯಲ್ಲೂ ಭಾಗವಹಿಸಿಲ್ಲ ಎಂದು ನಟಿ ಹೇಳಿದ್ದಾರೆ. ಮಧ್ಯರಾತ್ರಿ ನಾನು ಮನೆಯಿಂದ ಹೊರಗೆ ಹೋಗಿದ್ದು ಔಷಧಿ ತರಲು. ಈ ಸಂದರ್ಭದಲ್ಲಿ ಅಪಘಾತವಾಗಿದೆ ಎಂದು ಪೊಲೀಸರಿಗೆ ಹೇಳಿಕೆ ನೀಡಿದ್ದಾರೆ.

ಈ ಮೂಲಕ ಅಪಘಾತದಲ್ಲಿ ಗಾಯಗೊಂಡಿರುವುದನ್ನು ನಟಿ ಒಪ್ಪಿಕೊಂಡಿದ್ದಾರೆ. ಆದರೆ ತಡರಾತ್ರಿ ಔಷಧಿ ತರಲೆಂದು ಮನೆಯಿಂದ ಹೊರ ಹೋಗಿದ್ದೆ ಅಂದಿರುವುದು ಅನುಮಾನಕ್ಕೆ ಕಾರಣವಾಗಿದೆ.

ನನಗೆ ತೀವ್ರ ಹೊಟ್ಟೆ ನೋವು ಇತ್ತು. ಈ ವೇಳೆ ಗೆಳೆಯರಾದ ಥಾಮಸ್ ಮತ್ತು ಲೊಕೇಶ್ ಅವರ ಸಹಾಯ ಕೇಳಿದೆ. ಏಕೆಂದರೆ ಅವರ ಬಳಿಕ ಲಾಕ್​ಡೌನ್ ಎಮರ್ಜೆನ್ಸಿ ಪಾಸ್​ಗಳಿದ್ದವು.

ಅವರಲ್ಲಿ ನನ್ನನ್ನು ಹತ್ತಿರದ ಆಸ್ಪತ್ರೆಗೆ ಕರೆದುಕೊಂಡು ಹೋಗುವಂತೆ ಮನವಿ ಮಾಡಿದೆ. ಅದರಂತೆ ಆಸ್ಪತ್ರೆಗೆ ಹೋಗುವ ಮಧ್ಯೆ ಕಾರು ಆ್ಯಕ್ಸಿಡೆಂಟ್ ಆಯಿತು. ಆದರೆ ನಾನು ಕಾರು ಓಡಿಸುತ್ತಿರಲಿಲ್ಲ ಎಂದು ನಟಿ ಹೇಳಿದ್ದಾರೆ.

ಇನ್ನು ಕಾರಿನಲ್ಲಿ ನಾನು ಹಿಂಬದಿಯಲ್ಲಿ ಕೂತಿದ್ದೆ. ನನ್ನ ಸ್ನೇಹಿತ ಕಾರು ಓಡಿಸುತ್ತಿದ್ದರು ಎಂದು ಶರ್ಮಿಳಾ ಮಾಂಡ್ರೆ ಹೇಳಿಕೆ ನೀಡಿದ್ದಾರೆ.

ಶನಿವಾರ ಮುಂಜಾನೆ ಬೆಂಗಳೂರಿನ ವಸಂತನಗರ ಅಂಡರ್ ಪಾಸ್ ಬಳಿಯ ಪಿಲ್ಲರ್​ಗೆ ಶರ್ಮಿಳಾ ಇದ್ದ ಕಾರು ಡಿಕ್ಕಿ ಹೊಡೆದಿದೆ. ಅದೃಷ್ಟವಶಾತ್ ಕಾರಿನ ಹ್ಯಾರ್ ಬ್ಯಾಗ್ ಒಪನ್ ಆಗಿದ್ದರಿಂದ ಯಾವುದೇ ಪ್ರಾಣಾಪಾಯವಾಗಿಲ್ಲ.

ಶರ್ಮಿಳಾ ಅವರೊಂದಿಗೆ ಕಾರಿನಲ್ಲಿ ಫ್ರೆಂಡ್ ಲೊಕೇಶ್ ಇದ್ದರು. ಈ ಕಾರು ಲೊಕೇಶ್ ಅವರ ಆಪ್ತ ಸ್ನೇಹಿತ ಈ ಥಾಮಸ್ ಅವರಿಗೆ ಸೇರಿದ್ದಾಗಿದೆ. ಪ್ರತಿಷ್ಠಿತ ಹ್ಯಾಂಗ್ ಓವರ್ ಮತ್ತು ಬದ್ಮಾಶ್ ಪಬ್​ಗಳಲ್ಲಿ ಥಾಮಸ್ ಅವರು ಪಾರ್ಟನರ್​ಶಿಪ್ ಹೊಂದಿದ್ದಾರೆ.

ಸದ್ಯ  ಪ್ರಕರಣ ದಾಖಲಿಸಿಕೊಂಡಿರುವ ಹೈಗ್ರೌಂಡ್ಸ್ ಸಂಚಾರಿ ಪೊಲೀಸರು ತನಿಖೆಯನ್ನು ಮುಂದುವರಿಸಿದ್ದಾರೆ.