Shamna Khasim: ಮದುವೆಯಾಗಿ 5 ತಿಂಗಳಷ್ಟೇ, ಅದ್ಧೂರಿ ಸೀಮಂತ ಮಾಡಿಕೊಂಡ ನಟಿ

ಸೌತ್ ನಟಿ ಶಮ್ನಾ ಖಾಸಿಂ ಅವರ ಸೀಮಂತ ಕಾರ್ಯಕ್ರಮ ಅದ್ಧೂರಿಯಾಗಿ ನಡೆದಿದೆ. ನಟಿ ಸುಂದರವಾದ ಕೆಂಪು ಬಣ್ಣದ ಸೀರೆ ಉಟ್ಟು ಕಂಗೊಳಿಸಿದ್ದಾರೆ.

ಮಲಯಾಳಂ ನಟಿ ಇನ್​ಸ್ಟಾಗ್ರಾಮ್​ನಲ್ಲಿ ಹಲವು ಫೋಟೋ ಹಾಗೂ ವಿಡಿಯೋಗಳನ್ನು ಫ್ಯಾನ್ಸ್ ಜೊತೆ ಶೇರ್ ಮಾಡಿದ್ದಾರೆ. ಇದರಲ್ಲಿ ನಟಿ ಕ್ಯೂಟ್ ಕಾಣಿಸಿದ್ದಾರೆ.

ನಟಿ ಮದುವೆಯಾಗಿ ಮೂರೇ ತಿಂಗಳಲ್ಲಿ ಪ್ರೆಗ್ನೆನ್ಸಿ ಅನೌನ್ಸ್ ಮಾಡಿದ್ದಾರೆ. ಈ ಜೋಡಿ ಅಕ್ಟೋಬರ್​24 2022ರಂದು ಮದುವೆಯಾಗಿದ್ದಾರೆ.

ನಟಿ ಹಸಿರು ಹಾಗೂ ಕೆಂಪಯ ಬಳೆಗಳನ್ನು ಕೈಯಲ್ಲಿ ಹಿಡಿದು ಸುಂದರವಾಗಿ ಪೋಸ್ ಕೊಟ್ಟಿದ್ದಾರೆ. ಸೀಮಂತದಲ್ಲಿ ಕೆಂಪು ಬಣ್ಣದ ಥೀಮ್ ಅಲಂಕಾರವನ್ನು ಮಾಡಲಾಗಿತ್ತು.

ನಟಿ ಕೈ ತುಂಬಾ ಕೆಂಪು ಬಳೆಗಳನ್ನು ಧರಿಸಿದ್ದರು. ಅದೇ ರೀತಿ ನಟಿ ಸ್ವೀಟ್ಸ್ ತಿನ್ನುತ್ತಾ ತಮ್ಮ ವಿಶೇಷ ದಿನವನ್ನು ಸಂಭ್ರಮಿಸುವುದು ಕಂಡುಬಂದಿದೆ.

ನಟಿ ಪೂರ್ಣಾ ಬಗ್ಗೆ ವಿಶೇಷ ಪರಿಚಯ ಅಗತ್ಯವಿಲ್ಲ. ಒಂದೆಡೆ ಕಿರುತೆರೆಯಲ್ಲಿ ವಿವಿಧ ಕಾರ್ಯಕ್ರಮಗಳಲ್ಲಿ ತೀರ್ಪುಗಾರರಾಗಿ ಗುರುತಿಸಿಕೊಂಡಿದ್ದಾರೆ. ಅವಕಾಶ ಸಿಕ್ಕಾಗಲೆಲ್ಲಾ ಸಿನಿಮಾಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇತ್ತೀಚೆಗಷ್ಟೇ ಪೂರ್ಣಾ ದುಬೈ ಉದ್ಯಮಿಯೊಬ್ಬರನ್ನು ಮದುವೆಯಾಗಿದ್ದಾರೆ.

ನಟಿ ಈಗ ಗರ್ಭಿಣಿ. ಈ ಹಿನ್ನೆಲೆಯಲ್ಲಿ ಕೆಲವು ದಿನಗಳ ಹಿಂದೆ ಬೇಬಿ ಬಂಪ್ ಫೋಟೋಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು. ಅವು ವೈರಲ್ ಆಗಿದ್ದವು.

ಪೂರ್ಣಾ ತನ್ನ ಸೌಂದರ್ಯ ಹಾಗೂ ಅಭಿನಯದಿಂದ ಹಲವಾರು ವರ್ಷಗಳಿಂದ ಸೌತ್ ಸಿನಿ ಪ್ರೇಕ್ಷಕರನ್ನು ರಂಜಿಸಿದ್ದಾರೆ. ನರೇಶ್ ಅಭಿನಯದ 'ಸೀಮಾ ತಪಕೈ' ಚಿತ್ರದಲ್ಲಿ ನಟಿಸಿದ ನಂತರ ಮಲಯಾಳಿ ಸುಂದರಿ ಪೂರ್ಣ ಜನಪ್ರಿಯರಾದರು. ಇವರು ಕೇರಳದ ಕಣ್ಣೂರಿನವರು.

ಇತ್ತೀಚಿಗೆ ಪೂರ್ಣಾ ಅವರಿಗೆ ಹೀರೋಯಿನ್ ಅವಕಾಶಗಳು ಕಡಿಮೆಯಾದ ಕಾರಣ ಕ್ಯಾರೆಕ್ಟರ್ ಆರ್ಟಿಸ್ಟ್ ಆಗಿ ಆ್ಯಕ್ಟಿವ್ ಆಗಿದ್ದಾರೆ. ಅಕ್ಟೋಬರ್​ನಲ್ಲಿ ಯುಎಇ ಉದ್ಯಮಿ ಶಾನಿದ್ ಆಸಿಫ್ ಅಲಿ ಅವರನ್ನು ಮದುವೆಯಾಗುವುದಾಗಿ ಪೂರ್ಣಾ ಘೋಷಿಸಿದ್ದರು.