Bigg Boss OTT-Shamita Shetty: ಬಿಗ್ ಬಾಸ್​ ಮನೆಯಲ್ಲಿರುವ ಸ್ಪರ್ಧಿಯೊಬ್ಬರ ಜತೆ ಜಗಳವಾಡಿದ ಶಮಿತಾ ಶೆಟ್ಟಿ..!

ಅಕ್ಕ ಶಿಲ್ಪಾ ಶೆಟ್ಟಿ ಅವರ ಗಂಡ ರಾಜ್​ ಕುಂದ್ರಾ ಅವರು ಅಶ್ಲೀಲ ಸಿನಿಮಾಗಳ ನಿರ್ಮಾಣ ಹಾಗೂ ಪ್ರಸಾರ ಮಾಡಿರುವ ಪ್ರಕರಣದಲ್ಲಿ ಜೈಲು ಸೇರಿದಾಗಿನಿಂದ ಶಮಿತಾ ಶೆಟ್ಟಿ ಸಹ ಸುದ್ದಿಯಲ್ಲಿದ್ದಾರೆ. ರಾಜ್​ ಕುಂದ್ರಾ ನಿರ್ಮಿಸುತ್ತಿದ್ದ ಒಂದು ಸಿನಿಮಾದಲ್ಲಿ ಶಮಿತಾ ನಟಿಸುವವರಿದ್ದರು ಅನ್ನೋ ಸುದ್ದಿ ವೈರಲ್ ಆಗಿದ್ದೇ ಶಮಿತಾ ವಿರುದ್ಧ ಟ್ರೋಲಿಗಡು ಆಕ್ರೋಶ ವ್ಯಕ್ತಪಡಿಸಿದ್ದರು. ​

ಹೀಗಿರುವಾಗಲೇ ಶಮಿತಾ ಶೆಟ್ಟಿ ಬಿಗ್ ಬಾಸ್​ ಒಟಿಟಿಯಲ್ಲಿ ಸ್ಪರ್ಧಿಯಾಗಿ ಎಂಟ್ರಿ ಕೊಟ್ಟಿದ್ದಾರೆ.

ಬಿಗ್​ ಬಾಸ್​ ಮನೆಗೆ ಕಾಲಿಟ್ಟ ಶಮಿತಾ ಈ ವಿಷಯವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡರು. ಆಗಿನಿಂದಲೇ ಶಮಿತಾ ಮತ್ತೆ ಟ್ರೋಲ್​ ಆಗುತ್ತಿದ್ದಾರೆ.

ಟ್ರೋಲಿಗರು ಶಮಿತಾ ಕುರಿತಾಗಿ ನಾನಾ ರೀತಿಯ ಪೋಸ್ಟ್​ಗಳನ್ನು ಮಾಡುತ್ತಿದ್ದಾರೆ.

ಟಿಆರ್​ಪಿ ಸಲುವಾಗಿ ಶಮಿತಾ ಅವರನ್ನು ಕರೆತರಲಾಗಿದೆ ಎಂದು ನೆಟ್ಟಿಗರು ಆರೋಪಿಸುತ್ತಿದ್ದಾರೆ. ಅದಕ್ಕೆ ಶಮಿತಾ ಪ್ರತಿಕ್ರಿಯಿಸಿದ್ದು, ಬಹಳ ಹಿಂದೆಯೇ ಕಾರ್ಯಕ್ರಮಕ್ಕೆ ಬರುವುದಾಗಿ ನಿರ್ಮಾಪಕರಿಗೆ ಕಮಿಟ್​ ಆಗಿದ್ದೆ ಎಂದಿದ್ದರು.

ಸಂಕಷ್ಟದಲ್ಲಿದ್ದ ಅಕ್ಕನಿಗೆ ಬೆಂಬಲಾವಿ ನಿಂತಿದ್ದ ಶಮಿತಾ ಶೆಟ್ಟಿ ಇಷ್ಟು ಬೇಗ ಬಿಗ್ ಬಾಸ್​ ಕಾರ್ಯಕ್ರಮಕ್ಕೆ ಕಾಲಿಟ್ಟಿದ್ದಾರೆ. ಟೈಮ್ ಇಷ್ಟು ಬೇಗ ಬದಲಾಗುತ್ತೆ ಅಂತ ಈಗಲೇ ತಿಳಿದಿದ್ದು ಎಂದು ಶಮಿತಾ ಅವರ ಕಾಲೆಳೆದಿದ್ದಾರೆ.

ಬಿಗ್ ಬಾಸ್​ ಒಟಿಟಿಯನ್ನು ಇದೇ ಮೊದಲ ಸಲ ಆರಂಭಿಸಿದ್ದು, ಕರಣ್ ಜೋಹರ್ ಇದರ ನಿರೂಪಕರಾಗಿದ್ದಾರೆ.

2009 ರ ಮೂರನೇ ಸೀಸನ್ ಬಿಗ್ ಬಾಸ್ ನಲ್ಲಿ ಭಾಗವಹಿಸಿದ್ದ ಶಮಿತಾ ಈಗ ಮತ್ತೆ 15 ನೇ ಆವೃತ್ತಿಯಲ್ಲಿ ಮತ್ತೆ ಕಿರುತೆರೆ ಮೇಲೆ ಮಿಂಚಲು ಬಂದಿದ್ದಾರೆ.

ರಾಜ್ ಕುಂದ್ರಾ ಮತ್ತು ಅಕ್ಕ ಶಿಲ್ಪಾ ಶೆಟ್ಟಿ ಅವರ ವಿವಾಹದಲ್ಲಿ ಪಾಲ್ಗೊಳ್ಳುವ ಸಲುವಾಗಿ ಆಗ ಮಧ್ಯದಲ್ಲಿಯೇ ಶೋ ಕೈ ಬಿಟ್ಟು ಹೊರ ಬಂದಿದ್ದರು ಶಮಿತಾ ಶೆಟ್ಟಿ.

ಈ ಸಲ ಮನೆಯ ಒಳಗೆ ಹೋಗುತ್ತಿದ್ದಂತೆಯೇ ಶಮಿತಾ ಮನೆಯಲ್ಲಿರುವ ಸ್ಪರ್ಧಿಯೊಬ್ಬರ ಜೊತೆ ಜಗಳ ಮಾಡಿಕೊಂಡಿದ್ದಾರೆ.

ಪ್ರತೀಕ್ ಸೆಹಜ್ಪಾಲ್​ ಎಂಬ ಸ್ಪರ್ಧಿ ಜೊತೆ ಅಡು ಮನೆಯ ಕೆಲಸಕ್ಕೆ ಸಂಬಂಧಿಸಿದಂತೆ ಜಗಳವಾಗಿದೆ.

ಪ್ರತೀಕ್​ ಅವರು ಕೊರಿಯನ್ ನಟನಂತೆ ಕಾಣಿಸುತ್ತಾರೆ ಎಂದು ಬಿಗ್ ಬಾಸ್​ ಮನೆಗೆ ಎಂಟ್ರಿ ಕೊಟ್ಟ ಕೂಡಲೆ ಶಮಿತಾ ಹೊಗಳಿದ್ದರಂತೆ. 

ಆದರೆ, ಜಗಳವಾಡುತ್ತಿದ್ದಂತೆ ನಾನು ನಿನ್ನನ್ನು ಕೊರಿಯನ್ ಕಲಾವಿದನಿಗೆ ಹೋಲಿಸಿ ತಪ್ಪು ಮಾಡಿದೆ ಎಂದಿದ್ದಾರೆ. ಇದರಿಂದ ಜಗಳ ಮತ್ತಷ್ಟು ಹೆಚ್ಚಾಗಿ, ಇತರೆ ಸ್ಪರ್ಧಿಗಳು ಜಗಳ ಬಿಡಿಸಿದ್ದಾರೆ.