Atlee-Priya Mohan: ವೈಟ್ ಅಂಡ್ ಬ್ಲಾಕ್ ಆದ್ರೂ ನಮಗ್ಯಾರು ಸಾಟಿ! ಪ್ರೀತಿಯೇ ನಮಗೆ ಸ್ಪೂರ್ತಿ; ಅಟ್ಲೀ-ಪ್ರಿಯಾ ದಂಪತಿ

ಮೊದಲ ಮಗುವಿನ ನಿರೀಕ್ಷೆಯಲ್ಲಿರುವ ಅಟ್ಲೀ ಕುಮಾರ್ ಹಾಗೂ ಪ್ರಿಯಾ ದಂಪತಿ, ಸೋಶಿಯಲ್ ಮೀಡಿಯಾದಲ್ಲೂ ಸಖತ್ ಆ್ಯಕ್ಟೀವ್ ಆಗಿದ್ದು ಫೋಟೋಗಳನ್ನು ಹಂಚಿಕೊಳ್ಳುತ್ತಾರೆ.

ನಿರ್ದೇಶಕ ಅಟ್ಲೀ ಹಾಗೂ ನಟಿ ಪ್ರಿಯಾ ಮೋಹನ್ ಜೋಡಿ ಕಾಲಿವುಡ್​ ಫೇಮಸ್ ಜೋಡಿಯಾಗಿದ್ದು, ಅಟ್ಲೀ ಸಾಲು ಸಾಲು ಹಿಟ್ ಸಿನಿಮಾಗಳನ್ನು ನೀಡಿದ್ದಾರೆ.

ಈ ದಂಪತಿ ಅಪಾರ ಅಭಿಮಾನಿ ಬಳಗ ಹೊಂದಿದ್ದು, ಸಿನಿಮಾ ಬಗ್ಗೆ ಮಾತ್ರವಲ್ಲ ತಮ್ಮ ವೈಯಕ್ತಿಕ ವಿಚಾರಗಳನ್ನ ಹಾಗೂ ಫೋಟೋಗಳನ್ನು ಇಬ್ಬರು ಶೇರ್ ಮಾಡಿಕೊಳ್ತಾರೆ.

ಅಟ್ಲೀ ಪತ್ನಿ ಪ್ರಿಯಾ ಬಹಳ ಸುಂದರವಾಗಿದ್ರು, ನಿರ್ದೇಶಕನ ಮೈಬಣ್ಣ ಕಪ್ಪಗಿದ್ದರೂ ಅವರಿಬ್ಬರ ನಡುವೆ ಪ್ರೀತಿ ಮಾತ್ರ ಕಡಿಮೆ ಇಲ್ಲ, ಅವರಿಬ್ಬರ ಪ್ರೀತಿ ಬಣ್ಣ-ಜಾತಿ ಮೀರಿದೆ.

ಅಟ್ಲೀ ತನ್ನ ಬಣ್ಣದ ವಿಚಾರವಾಗಿ ಅನೇಕ ಬಾರಿ ಟ್ರೋಲ್ ಗೆ ಒಳಗಾಗಿದ್ರು. ಆದರೆ ನಾವಿಬ್ಬರು ದಿ ಬೆಸ್ಟ್ ಜೋಡಿ ಎಂದು ಪತ್ನಿ ಪ್ರಿಯಾ ಅನೇಕ ಬಾರಿ ಗಂಡನನ್ನು ಹೊಗಳಿದ್ದಾರೆ. ನಮ್ಮ ನಡುವೆ ಪ್ರೀತಿ ನಂಬಿಕೆ ಇದೆ, ಅದೇ ಸಂಸಾರಕ್ಕೆ ಅತಿ ಮುಖ್ಯ ಎಂದು ಪ್ರಿಯಾ ಟ್ರೋಲ್ ಗೆ ತಿರುಗೇಟು ನೀಡಿದ್ರು.

ನಿರ್ದೇಶಕ ಅಟ್ಲೀ ಮತ್ತು ತಮಿಳು ನಟಿ ಪ್ರಿಯಾ 2014 ರಲ್ಲಿ ಮದುವೆಯಾದ್ರು, ಅದಕ್ಕೂ ಮೊದಲು ಅನೇಕ ವರ್ಷಗಳ ಕಾಲ ಪರಸ್ಪರ ಡೇಟಿಂಗ್ ಮಾಡಿದ್ದಾರೆ.

ಎರಡು ತಿಂಗಳ ಹಿಂದೆ ಅಟ್ಲೀ ಮತ್ತು ಪ್ರಿಯಾ ಮದುವೆಯಾಗಿ 8 ವರ್ಷಗಳನ್ನು ಪೂರೈಸಿದ್ದು, ಇದೀಗ ಇಬ್ಬರೂ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ಶೀಘ್ರದಲ್ಲೇ, ಪ್ರಿಯಾ ಮಡಿಲು ತುಂಬಲು ಮಗುವೊಂದು ಬರಲಿದೆ. ಅಟ್ಲೀ ಕೂಡ ಇದೀಗ ಗರ್ಭಿಣಿ ಪತ್ನಿ ಬಗ್ಗೆಯು ಹೆಚ್ಚು ಗಮನ ಹರಿಸಿದ್ದಾರೆ.

ಪ್ರಿಯಾ ಬಗ್ಗೆ ಅಟ್ಲೀ ಪ್ರೀತಿ ವ್ಯಕ್ತಪಡಿಸಿದ್ದು ಹೀಗೆ, 'ಇದು ನಮ್ಮ 8 ನೇ ವಿವಾಹ ವಾರ್ಷಿಕೋತ್ಸವ, ಈ ಪ್ರಯಾಣವು ನನ್ನನ್ನು ಹುಡುಗನಿಂದ ಮನುಷ್ಯನನ್ನಾಗಿ ಮಾಡಿದೆ. @priyaatlee ನಾವು ನಮ್ಮ ಜೀವನವನ್ನು ಶೂನ್ಯದಿಂದ ಪ್ರಾರಂಭಿಸಿದ್ದೇವೆ ಮತ್ತು ಇಂದು ನಮ್ಮಲ್ಲಿರುವುದು ನಿಮ್ಮಿಂದ ನಾನು ಕಲಿತ ತಾಳ್ಮೆ ನೀತಿಗಳು ಎಂದು ಬರೆದಿದ್ದಾರೆ.