Photos: ಇವರು ಯಾರೋ ಹೀರೋಯಿನ್ ಅಲ್ಲ, ಶಾರುಖ್ ಪತ್ನಿ ಗೌರಿ ಖಾನ್! 51ರ ಹರೆಯದಲ್ಲೂ ಮಾಸದ ಸೌಂದರ್ಯ
ಬಾಲಿವುಡ್ ಕಿಂಗ್ ಖಾನ್ ಶಾರುಖ್ ಖಾನ್ ಎಷ್ಟು ಫೇಮಸ್ಸೋ, ಅವರ ಪತ್ನಿ ಗೌರಿ ಖಾನ್ ಕೂಡ ಅಷ್ಟೇ ಫೇಮಸ್. ಶಾರುಖ್ ಖಾನ್ನಂತ ದೊಡ್ಡ ಸೆಲಬ್ರಿಟಿಯ ಪತ್ನಿಯಾಗಿದ್ದರೂ ತಮ್ಮದೇ ಸಾಧನೆಯಿಂದ ಗುರುತಿಸಲ್ಪಟ್ಟವರು ಗೌರಿ ಖಾನ್. ಮೂರು ಮಕ್ಕಳ ತಾಯಿಯಾಗಿರುವ ಈ ಗೌರಿ ಖಾನ್ಗೆ ಈಗ 51ರ ಹರೆಯ. ಈ ವಯಸ್ಸಲ್ಲೂ ಹೀರೋಯಿನ್ಗಳನ್ನೇ ನಾಚಿಸುವಂತಿದ್ದಾರೆ. ಅವರ ಸುಂದರ ಫೋಟೋಗಳು ಇಲ್ಲಿವೆ ನೋಡಿ…
1991ರಲ್ಲಿ ಶಾರುಖ್ ಖಾನ್ ಹಾಗೂ ಗೌರಿ ಖಾನ್ ಸಮಾಜ ಮತ್ತು ಧರ್ಮದ ಗೋಡೆಗಳನ್ನು ಮುರಿದು ಪ್ರೇಮ ವಿವಾಹವಾದರು. ಈ ಜೋಡಿ ಮದುವೆಯಾಗಿ 29 ವರ್ಷಗಳು ಕಳೆದಿವೆ, ಆದರೆ ಇದರ ನಂತರವೂ ಅವರಿಬ್ಬರ ಸಂಬಂಧವು ಇತರರಿಗೆ ಒಂದು ಉತ್ತಮ ಉದಾಹರಣೆಯಾಗಿದೆ. ಆದರೆ ಶಾರುಖ್ ಗೌರಿ ಅವರ ಮೇಲಿನ ಪ್ರೀತಿ ಪಡೆಯುವುದು ಒಂದು ಕನಸಿಸಾಗಿತ್ತು. ಶಾರುಖ್ ಖಾನ್ ಮತ್ತು ಗೌರಿ ಖಾನ್ ಜೋಡಿ ಇಂದು ಲಕ್ಷಾಂತರ ಪ್ರೇಮಿಗಳಿಗೆ ಮಾದರಿಯಾಗಿದ್ದಾರೆ.
ಗೌರಿ ಖಾನ್ ಇತ್ತೀಚೆಗೆ ತನ್ನ ಉತ್ತಮ ಸ್ನೇಹಿತೆ ಫರಾ ಖಾನ್ ಅವರೊಂದಿಗೆ ಹೊಸ ಚಿತ್ರಗಳನ್ನು ಹಂಚಿಕೊಂಡಿದ್ದಾರೆ. ಫರಾ ಜೊತೆ ಹ್ಯಾಂಗ್ ಔಟ್ ಮಾಡುವಾಗ ಹೊರತು ಪಡಿಸಿ ನನಗೆ ಯಾವತ್ತೂ ಬೇರೆ ಖುಷಿಯ ಕ್ಷಣವಿಲ್ಲ ಎಂದು ಹೇಳಿದ್ದಾರೆ. ಫರಾ ಅವರ ಚಲನಚಿತ್ರಗಳಲ್ಲಿನ ಕೆಲಸವನ್ನು ಇಷ್ಟಪಡುತ್ತಾರೆ ಮತ್ತು ಅವರೊಂದಿಗೆ ಹ್ಯಾಂಗ್ ಔಟ್ ಮಾಡಲು ಇಷ್ಟಪಡುತ್ತಾರೆ ಎಂದು ತಿಳಿಸಿದ್ದಾರೆ..
2014ರಲ್ಲಿ ಮುಂಬೈನ ವರ್ಲಿ ಪ್ರದೇಶದಲ್ಲಿ ದಿ ಡಿಸೈನ್ ಸೆಲ್ ಎಂಬ ಹೆಸರಿನ ತನ್ನ ಮೊದಲ ಪರಿಕಲ್ಪನೆಯ ಮಳಿಗೆಯನ್ನು ಗೌರಿ ಖಾನ್ ಪ್ರಾರಂಭಿಸಿದರು . ಅಂಗಡಿಯು ಖಾನ್ ಸ್ವತಃ ವಿನ್ಯಾಸಗೊಳಿಸಿದ ಪೀಠೋಪಕರಣಗಳನ್ನು ಮತ್ತು ಹಲವಾರು ಇತರ ಭಾರತೀಯ ವಿನ್ಯಾಸಕಾರರನ್ನು ಪ್ರದರ್ಶಿಸುತ್ತದೆ. ಗೌರಿ ಖಾನ್ ಒಬ್ಬ ಇಂಟೀರಿಯರ್ ಡಿಸೈನರ್ ಆಗಿದ್ದು, ಮತ್ತು ಪ್ರಸಿದ್ಧ ವ್ಯಕ್ತಿಗಳಂತಹ ಉನ್ನತ ವ್ಯಕ್ತಿಗಳಿಗಾಗಿ ಸ್ಥಳಗಳನ್ನು ವಿನ್ಯಾಸಗೊಳಿಸಿದ್ದಾರೆ .
2018 ರಲ್ಲಿ, ಗೌರಿ ಖಾನ್ ಅವರನ್ನು ಫಾರ್ಚೂನ್ ನಿಯತಕಾಲಿಕದ "50 ಅತ್ಯಂತ ಶಕ್ತಿಶಾಲಿ ಮಹಿಳೆಯರು" ಎಂದು ಹೆಸರಿಸಲಾಯಿತು. ನಾನು ರಕ್ಷಕ, ಅಲೆಮಾರಿ, ಸಾಧಕ, ಕನಸುಗಾರ್ತಿ, ನೀವು ನನ್ನ ಒಂದು ಭಾಗವನ್ನು ಮಾತ್ರ ನೋಡುತ್ತೀರಿ. ನನ್ನ ಪಾತ್ರದಲ್ಲಿ ಬೇರೂರಿರುವ ಭಾಗವು ನನ್ನ ಆತ್ಮದಲ್ಲಿ ಅಲ್ಲ. ಕಾಣದಿರುವ ಎಲ್ಲವೂ ನನ್ನನ್ನು ಪೂರ್ಣಗೊಳಿಸುತ್ತದೆ ಮತ್ತು ಅಲ್ಲಿಂದ ನಾನು ನನ್ನ ಶಕ್ತಿಯನ್ನು ಸೆಳೆಯುತ್ತೇನೆ ಅಂತ ತಮ್ಮ ಬಗ್ಗೆ ಗೌರಿ ಹೇಳಿಕೊಂಡಿದ್ದಾರೆ.