Shah Rukh Khan-Mahira: ಶಾರುಖ್ ಖಾನ್​ಗೆ ಕಿಸ್ ಮಾಡಲು ಒಪ್ಪಲಿಲ್ಲ ಪಾಕ್ ನಟಿ! ಈ ಬ್ಯೂಟಿಗೆ ಬಾದ್ ಷಾ ಕಂಡ್ರೆ ಭಯನಾ?

ಪಾಕಿಸ್ತಾನಿ ನಟಿ ಮಹಿರಾ ಖಾನ್, ನಟ ಶಾರುಖ್ ಖಾನ್ ಅವರ ಜೊತೆ ರಯೀಸ್ ಸಿನಿಮಾ ಮಾಡಿದ್ರು. ಈ ಸಿನಿಮಾ ವೇಳೆ ನಡೆದ ತಮಾಷೆ ಹಾಗೂ ಶೂಟಿಂಗ್ ವಿಚಾರಗಳ ಬಗ್ಗೆ  ಇತ್ತೀಚಿಗೆ ಸಂದರ್ಶನದಲ್ಲಿ ನಟಿ ಮುಕ್ತವಾಗಿ ಮಾತಾಡಿದ್ದಾರೆ.

ಮಹಿರಾ ಬಾಲಿವುಡ್​ನ ಬಾದ್ ಶಾ ಶಾರುನ್​ನೊಂದಿಗೆ ತನ್ನ ರೋಮ್ಯಾಂಟಿಕ್ ದೃಶ್ಯವನ್ನು ಚಿತ್ರೀಕರಿಸಲು ಹೆದರಿದ್ದರಂತೆ. ಹೀಗಾಗಿ ‘ಜಲೀಮಾ’ ಹಾಡಿನ ಚಿತ್ರೀಕರಣದ ವೇಳೆ ಒಂದಷ್ಟು ಬೌಂಡರಿಗಳನ್ನು ಹಾಕಿ ಶೂಟಿಂಗ್ ಮಾಡಿದ್ದರಂತೆ.

'ರಯೀಸ್' ಚಿತ್ರೀಕರಣದ ಸಮಯದಲ್ಲಿ ಶಾರುಖ್ ತನ್ನನ್ನು ಚುಡಾಯಿಸುತ್ತಿದ್ದರು ಎಂದು ಮಹಿರಾ ಇತ್ತೀಚೆಗೆ ಹೇಳಿಕೊಂಡಿದ್ದಾರೆ. ರೋಮ್ಯಾಂಟಿಕ್ ಸೀನ್​ಗಳನ್ನು ತಡೆಯುತ್ತಿದ್ದೆ ಎಂದು ನಟಿ ಮಹಿರಾ ಹೇಳಿಕೊಂಡಿದ್ದಾರೆ.

'ಆಲ್ ಅಬೌಟ್ ಮೂವೀಸ್ ವಿತ್ ಅನುಪಮಾ ಚೋಪ್ರಾ' ಎಂಬ ಪಾಡ್ ಕ್ಯಾಸ್ಟ್​ನ ಇತ್ತೀಚಿನ ಸಂದರ್ಶನದಲ್ಲಿ ಮಾತಾಡಿದ ಮಹಿರಾ, 'ನಾವು ಜಲೀಮಾ ಚಿತ್ರೀಕರಣದಲ್ಲಿದ್ದಾಗ, ಅವರೆಲ್ಲರೂ ನನ್ನನ್ನು ಗೇಲಿ ಮಾಡುತ್ತಿದ್ದರು, ನಾನು ಹೆದರುತ್ತಿದ್ದೆ ಎಂದು ಹೇಳಿದ್ರು. ನಿಮ್ಮ ಜೊತೆ ಕಿಸ್ ಮಾಡಲ್ಲ ಎನ್ನುತ್ತಿದೆ ಎಂದು ನಟಿ ಹೇಳಿದ್ದಾರೆ.

ಶಾರುಖ್ ಆಗಾಗ ನನ್ನನ್ನು ತಮಾಷೆಯಾಗಿ ಕೀಟಲೆ ಮಾಡುತ್ತಿದ್ದರು ಎಂದು ಮಹಿರಾ ಹೇಳಿದ್ದಾರೆ. ‘ಓಹೋ ಮುಂದಿನ ದೃಶ್ಯ ಯಾವುದು ಗೊತ್ತಾ’ ಎಂದು ನನ್ನನ್ನು ಚುಡಾಯಿಸುತ್ತಿದ್ದರು. ಸಿನಿಮಾದಲ್ಲಿ ಮುತ್ತು ಕೊಡುವ ಸೀನ್ ಇತ್ತು ಎಂದು ನಟಿ ಹೇಳಿದ್ದಾರೆ.

ಶಾರುಖ್ ಖಾನ್ ತಮಾಷೆಯಿಂದ ನಿರ್ಮಾಪಕರು, ನಿರ್ದೇಶಕರಿಗೆ ಕೊಂಚ ತಲೆ ಬಿಸಿಯಾಗಿದೆ. ನಟಿ ಮಹಿರಾ ಖಾನ್ ಸಿನಿಮಾದಲ್ಲಿ ಕಿಸ್ಸಿಂಗ್ ಸೀನ್​ಗೆ ನೋ ಎಂದಿದ್ದಾರೆ. ಬಳಿಕ ನಟಿಯ ಮನವೊಲಿಕೆ ಮಾಡಿ ಮೂಗಿಗೆ ಮುತ್ತು ಕೊಡುವ ಸೀನ್ ಶೂಟ್ ಮಾಡಿದ್ದರಂತೆ.

2016ರ ಉರಿ ದಾಳಿಯ ನಂತರ ಭಾರತ ಮತ್ತು ಪಾಕಿಸ್ತಾನದ ನಡುವೆ ಹೆಚ್ಚುತ್ತಿರುವ ಉದ್ವಿಗ್ನತೆಯಿಂದಾಗಿ ಮಹಿರಾ ಯಾವುದೇ ಬಾಲಿವುಡ್ ಸಿನಿಮಾ ಮಾಡಲು ಸಾಧ್ಯವಾಗಿಲ್ಲ. ಕಲಾವಿದರು ಇತರ ದೇಶದಲ್ಲಿ ಕೆಲಸ ಮಾಡುವುದನ್ನು ನಿಲ್ಲಿಸಿದ್ರು.