Suhana Khan: ತನ್ನ ಮೈಬಣ್ಣದ ಬಗ್ಗೆ ಟೀಕೆ ಮಾಡಿದ ಟ್ರೋಲಿಗರಿಗೆ ಸಖತ್​ ಪ್ರತಿಕ್ರಿಯೆ ನೀಡಿದ ಸುಹಾನಾ ಖಾನ್​..!

ಬಾಲಿವುಡ್​ಗೆ ಸದ್ಯದಲ್ಲೇ ಎಂಟ್ರಿ ಕೊಡುವ ನಿರೀಕ್ಷೆಯಲ್ಲಿರುವ ಸ್ಟಾರ್​ ಕಿಡ್​ ಸುಹಾನಾ ಖಾನ್​ ಸಾಮಾಜಿಕ ಜಾಲತಾಣದಲ್ಲೂ ಸಕ್ರಿಯವಾಗಿದ್ದಾರೆ.

ಈ ಹಿಂದೆ ಫೇರ್​ ಆ್ಯಂಡ್​ ಲೌವ್ಲಿಯಿಂದ ಫೇರ್​ ಪದವನ್ನು ತೆಗೆದಾಗ ಖುಷಿಯಿಂದ ಸುಹಾನಾ ತಮ್ಮ ಅಭಿಪ್ರಾಯ ಹಂಚಿಕೊಂಡಿದ್ದರು.

ಬೆಳ್ಳಗಿದ್ದರೆ ಮಾತ್ರ ಸುಂದರವಾಗಿರುವುದಲ್ಲ, ಮೈಬಣ್ಣ ಕಪ್ಪಗಿದ್ದರೂ ಸುಂದರವಾಗಿಯೇ ಇರುತ್ತಾರೆ ಎಂದಿದ್ದರು.

ಆದರೆ ಈಗ ಇದೇ ಸುಹಾನಾ ಖಾನ್​ ಅವರ ಮೈಬಣ್ಣವನ್ನು ಟೀಕೆ ಮಾಡಿರುವ ಟ್ರೋಲಿಗರು ನೀನು ಕುರೂಪಿ ಎಂದೆಲ್ಲ ಟ್ರೋಲ್​ ಮಾಡುತ್ತಿದ್ದಾರೆ.

ಟ್ರೋಲಿಗರು ತನ್ನನ್ನು ಟೀಕೆ ಮಾಡುತ್ತಿರುವ ಪೋಸ್ಟ್​ಗಳನ್ನು ಸುಹಾನಾ ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.

ಹಿಂದಿ ಮಾತನಾಡಲು ಬರದವರಿಗೆ ಕಾಲಿ ಪದದ ಅರ್ಥವನ್ನು ಹಿಂದಿಯಲ್ಲಿ ಏನೆಂದು ಕರೆಯುತ್ತಾರೆಂದು ವಿವರವಾಗಿ ತಿಳಿಸಿದ್ದಾರೆ ಸುಹಾನಾ ಖಾನ್​.

ಪ್ರಸ್ತುತ ಜಗತ್ತಿನಲ್ಲಿ ಸಾಕಷ್ಟು ವಿಷಯಗಳು ನಡೆಯುತ್ತಿವೆ. ಅವುಗಳಿಗೆ ಪರಿಹಾರ ಕಂಡುಕೊಳ್ಳುವ ಅಗತ್ಯವಿದೆ. ನನಗೆ 12 ವರ್ಷ ಇದ್ದಾಗಿನಿಂದ ನನಗೆ ನನ್ನ ಮೈಬಣ್ಣದಿಂದಾಗಿ ಚೆನ್ನಾಗಿ ಕಾಣುತ್ತಿಲ್ಲ ಎಂದು ಜನರು ಹೇಳುತ್ತಿದ್ದಾರೆ.

ನಾವು ಭಾರತೀಯರು ಇರುವ ಬಣ್ಣವೇ ಬ್ರೌನ್​. ಮೆಲನಿನ್​ನಿಂದ ಎಷ್ಟೇ ದೂರ ಇರಲು ಪ್ರಯತ್ನಿಸಿದರೂ ಅದು ಆಗುವುದಿಲ್ಲ ಎಂದಿದ್ದಾರೆ ಸುಹಾನಾ.

ನಮ್ಮವರನ್ನೇ ನಾವು ದ್ವೇಷಿಸುತ್ತೇವೆ ಎಂದರೆ ಅದು ನಾವು ನೋವಿನಲ್ಲಿದ್ದೇವೆ ಎಂದು. ಭಾರತದಲ್ಲಿ ನೀವು ಕಪ್ಪಗಿದ್ದೀರಿ ಎಂದು ನಿಮ್ಮ ಕುಟುಂಬದವರೇ ನಿಮ್ಮನ್ನು ದೂರ ಇಟ್ಟಿದ್ದಾರೆಂದರೆ ಅದು ನೋವಿನ ಸಂಗತಿ ಎಂದಿದ್ದಾರೆ.

ನಿಮ್ಮ ಎತ್ತರ 5.7 ಇಲ್ಲ ಹಾಗೂ ಗೋಧಿ ಬಣ್ಣ ಇದ್ದಲ್ಲಿ ನೀವು ಸುಂದರವಾಗಿಲ್ಲವೆಂದಾ ಅರ್ಥ ಎಂದು ಪ್ರಶ್ನಿಸಿದ್ದಾರೆ ಸುಹಾನಾ.

ಹಾಗಾದರೆ ನಾನು 5.3 ಎತ್ತರವಿದ್ದು, ಗೋಧಿ ಬಣ್ಣವಿದ್ದೇನೆ. ಆದರೂ ನನಗೆ ನನ್ನ ಬಗ್ಗೆ ಖುಷಿ ಇದೆ ಎಂದು ಪ್ರತಿಕ್ರಿಯಸುವ ಮೂಲಕ ಸುಹಾನಾ ಖಾನ್​ ಟ್ರೋಲಿಗರ ಬಾಯಿ ಮುಚ್ಚಿಸಿದ್ದಾರೆ.

ಸುಹಾನಾ ಖಾನ್​ ಸದ್ಯ ಬಾಲಿವುಡ್​ ಎಂಟ್ರಿಗಾಗಿ ಕಾಯುತ್ತಿದ್ದಾರೆ.