Farzi: ಫೇಕ್ ನೋಟಿನ ಕಥೆಗೆ ಪ್ರೇಕ್ಷಕರು ಫಿದಾ, ಒಟಿಟಿಯಲ್ಲಿ ಹೊಸ ದಾಖಲೆ ಬರೆದ ಫರ್ಜಿ

ಬಾಲಿವುಡ್ ನಟ ಶಾಹಿದ್ ಕಪೂರ್ ಹಾಗೂ ವಿಜಯ್ ಸೇತುಪತಿ ಅಭಿನಯದ ಮೊದಲ ವೆಬ್ ಸಿರೀಸ್ ಈಗ ಎಲ್ಲೆಡೆ ಸುದ್ದಿ ಮಾಡುತ್ತಿದೆ. ರಾಜ್ ಹಾಗೂ ಡಿಕೆ ಅವರ ಫರ್ಜಿ ವೆಬ್ ಸಿರೀಸ್ ಭಾರತದಲ್ಲಿಯೇ ಅತ್ಯಧಿಕ ವೀಕ್ಷಣೆ ಪಡೆದ ವೆಬ್ ಸಿರೀಸ್ ಆಗಿ ಹೊರಹೊಮ್ಮಿದೆ.

37 ಮಿಲಿಯನ್ ವೀಕ್ಷಕರನ್ನು ಪಡೆದ ಈ ವೆಬ್ ಸಿರೀಸ್ ಭಾರತದಲ್ಲಿ ಆಲ್ ಟೈಮ್ ಮೋಸ್ಟ್ ವಾಚ್​​ಡ್ ವೆಬ್​ ಸಿರೀಸ್ ಆಗಿ ಹೊಸ ದಾಖಲೆ ಬರೆದಿದೆ. ಇದರಲ್ಲಿ ಶಾಹಿದ್ ಕಪೂರ್ ಲೀಡ್ ರೋಲ್​ನಲ್ಲಿ ಕಾಣಿಸಿಕೊಂಡಿದ್ದು ಸ್ಟ್ರೂಟ್ ಕ್ರಿಮಿನಲ್ ಪಾತ್ರ ಮಾಡಿದ್ದಾರೆ.

ಆರ್ಮಾಕ್ಸ್ ಮೀಡಿಯಾದ ವರದಿ ಪ್ರಕಾರ ಮೋಸ್ಟ್ ವಾಚ್​ಡ್ ವಿಡಿಯೋಗಳ ಲಿಸ್ಟ್​ನಲ್ಲಿ ಈ ವಾರ ಭಾರದಲ್ಲಿ ಫರ್ಜಿ ಮೊದಲ ಸ್ಥಾನ ಪಡೆದಿದೆ. ಇದು ಅಜಯ್ ದೇವಗನ್ ಅವರ ರುದ್ರ, ಮಿರ್ಜಾಪುರ್​ ಸೇರಿ ಹಲವು ಸಿರೀಸ್​ಗಳನ್ನು ಬೀಟ್ ಮಾಡಿದೆ.

ಡಿಸ್ನಿ+ ಹಾಟ್​ಸ್ಟಾರ್​ನಲ್ಲಿ ರಿಲೀಸ್ ಆದ ಅಜಯ್ ದೇವಗನ್ ಅವರ ರುದ್ರ(35.2 ಮಿಲಿಯನ್ ವ್ಯೂವರ್ಸ್), ಪಂಕಜ್ ತ್ರಿಪಾಠಿ ಅವರ ಮಿರ್ಜಾಪುರ್ ಸೀಸನ್ 2(32.5 ಮಿಲಿಯನ್ ವ್ಯೂವರ್ಸ್), ಜಿತೇಂದ್ರ ಕುಮಾರ್ ಅವರ ಪಂಚಾಯತ್ 2 (29.6 ಮಿಲಿಯನ್ ವ್ಯೂವರ್ಸ್), ಪಂಕಜ್ ತ್ರಿಪಾಠಿ ಅವರ ಕ್ರಿಮಿನಲ್ ಜಸ್ಟೀಸ್(29.1 ಮಿಲಿಯನ್ ವ್ಯೂವರ್ಸ್), ಆದಿತ್ಯ ರಾಯ್ ಕಪೂರ್ ಅವರ ದಿ ನೈಟ್ ಮ್ಯಾನೇಜರ್(27.2 ಮಿಲಿಯನ್ ವ್ಯೂವರ್ಸ್)ನ್ನು ಫರ್ಜಿ ಮೀರಿಸಿದೆ.

ಫರ್ಜಿ ಸಿರೀಸ್ 37 ಮಿಲಿಯನ್ ಜನರು ವೀಕ್ಷಿಸಿದ್ದಾರೆ. ಓರ್ಮಾಕ್ಸ್ ಮೀಡಿಯಾ ವೆಬ್ ಸಿರೀಸ್ ರಿಲೀಸ್ ಆಗಿ 8 ವಾರಗಳ ಕಾಲ ಕನಿಷ್ಠ 30 ನಿಮಿಷ ನೋಡಿದ ಜನರ ಆಧಾರದ ಮೇಲೆ ಈ ವರದಿ ನೀಡಿದೆ.

ಫರ್ಜಿ ಫೆಬ್ರವರಿಯಿಂದ ಅಮೆಜಾನ್​ ಪ್ರೈಮ್ ವಿಡಿಯೋದಲ್ಲಿ ಸ್ಟ್ರೀಮ್ ಆಗಿದೆ. ಇದರಲ್ಲಿ ರಾಶಿ ಖನ್ನಾ, ಕೆಕೆ ಮೆನೋನ್, ರೆಜಿನಾ ಕಸ್ಸಂದ್ರ, ಜಾಕೀರ್ ಹುಸೈನ್, ಭುವನ್ ಅರೋರಾ, ಅಮೊಲ್ ಪಾಲೆಕರ್, ಕುಬ್ರಾ ಸೇಠ್ ನಟಿಸಿದ್ದಾರೆ.

ಈ ವೆಬ್ ಸಿರೀಸ್ ರಾಶಿ ಖನ್ನಾಗೂ ಹೆಚ್ಚಿನ ಮನ್ನಣೆ ತಂದುಕೊಟ್ಟಿದೆ. ಸೌತ್ ಸಿನಿಮಾಗಳಲ್ಲಿ ಮಾತ್ರ ನಟಿಸುತ್ತಿದ್ದ ರಾಶಿ ಖನ್ನಾ ಈ ಸಿರೀಸ್ ಮೂಲಕ ನಾರ್ತ್ ಪ್ರೇಕ್ಷಕರಿಗೂ ಪರಿಚಯವಾಗಿದ್ದಾರೆ.

ಈ ವಿಚಾರವನ್ನು ಸ್ವತಃ ರಾಶಿ ಖನ್ನಾ ಅವರೇ ಹೇಳಿದ್ದಾರೆ. ಫರ್ಜಿ ರಿಲೀಸ್ ನಂತರ ನನ್ನನ್ನು ನಾರ್ತ್ ಪ್ರೇಕ್ಷಕರು ಕೂಡಾ ಗುರುತಿಸುತ್ತಿದ್ದಾರೆ ಎಂದಿದ್ದಾರೆ ನಟಿ.