Pathaan Movie: ಒಂದೇ ದಿನದಲ್ಲಿ ಪಠಾಣ್ ಸಿನಿಮಾದ ಎರಡೂವರೆ ಲಕ್ಷ ಟಿಕೆಟ್ ಸೇಲ್!

ಶಾರುಖ್ ಖಾನ್-ದೀಪಿಕಾ ಪಡುಕೋಣೆ ಸಿನಿಮಾ ಪಠಾಣ್ ಸಿನಿಮಾದ ಪ್ರೀ ಬುಕ್ಕಿಂಗ್ ಜನವರಿ 20 ಶುಕ್ರವಾರದಂದು ಪ್ರಾರಂಭವಾಗಬೇಕಿತ್ತು. ಆದರೆ ಅವು ಒಂದು ದಿನ ಮುಂಚಿತವಾಗಿವೇ ಓಪನ್ ಆಗಿದೆ.

ಪಠಾಣ್ ಸಿನಿಮಾದ ಒಂದು ಲಕ್ಷಕ್ಕೂ ಹೆಚ್ಚು ಟಿಕೆಟ್‌ಗಳು ಈಗಾಗಲೇ ಸೇಲ್ ಆಗಿದೆ. ವ್ಯಾಪಾರ ತಜ್ಞರ ಪ್ರಕಾರ ಜನವರಿ 25 ರಂದು ಸಿನಿಮಾ ಬಿಡುಗಡೆಯಾಗುವಾಗ ಪಠಾಣ್ ₹35-40 ಕೋಟಿಗಳ ಆರಂಭಿಕ ಕಲೆಕ್ಷನ್‌ ಮಾಡೋದು ಪಕ್ಕಾ ಆಗಿದೆ. ಫಸ್ಟ್​ ವೀಕೆಂಡ್​ನಲ್ಲಿ ಭಾರತದಲ್ಲಿ ಪಠಾಣ್ ಸಿನಿಮಾ ₹150-200 ಕೋಟಿ ಮತ್ತು ವಿಶ್ವಾದ್ಯಂತ ₹300 ಕೋಟಿ ಗಳಿಸುವ ಸಾಧ್ಯತೆ ಇದೆ ಎನ್ನಲಾಗಿದೆ.

ಪ್ರೀ ಬುಕ್ಕಿಂಗ್‌ನ ಮೊದಲ ದಿನವೇ ಒಟ್ಟು 90,000 ಟಿಕೆಟ್‌ಗಳು ಮಾರಾಟವಾಗಿವೆ ಎಂದು ಟ್ರೇಡ್ ವಿಶ್ಲೇಷಕ ಅತುಲ್ ಮೋಹನ್ ಸೋಷಿಯಲ್ ಮೀಡಿಯಾ ಮೂಲಕ ಹೇಳಿದ್ದಾರೆ. ಜನವರಿ 19 ರ ಗುರುವಾರ ರಾತ್ರಿ 9 ಗಂಟೆಯವರೆಗೆ PVR 35000 ಟಿಕೆಟ್‌ಗಳನ್ನು ಮಾರಾಟ ಮಾಡಿದೆ.

INOX 30000 ಮತ್ತು ಸಿನೆಪೊಲಿಸ್​ನಲ್ಲಿ ಪಠಾಣ್ ನಿಮಾದ 25000 ಟಿಕೆಟ್ ಮಾರಾಟವಾಗಿದೆ ಎಂದು ಅವರು ಹೇಳಿದರು. ಹಿಂದೂಸ್ತಾನ್ ಟೈಮ್ಸ್‌ನೊಂದಿಗೆ ಮಾತನಾಡಿದ ಅತುಲ್, ಮೊದಲ ದಿನದಲ್ಲಿ ಪ್ರೀ ಬುಕ್ಕಿಂಗ್ ಅತ್ಯಧಿಕವಾಗಿದೆ. ನಂತರ ಟ್ರೆಂಡ್ ಆಗಿದೆ ಎಂದಿದ್ದಾರೆ.

ಸಿನಿಪೊಲಿಸ್, ಪಿವಿಆರ್ ಮತ್ತು ಐಎನ್‌ಎಕ್ಸ್ ಇತ್ಯಾದಿ ಪ್ರಾಪರ್ಟಿಗಳಲ್ಲಿ ಐದರಲ್ಲಿ ನಾಲ್ಕು ಸ್ಕ್ರೀನ್‌ಗಳನ್ನು ಪಠಾಣ್‌ಗೆ ನೀಡಲಾಗುತ್ತಿದೆ. ವರದಿಗಳ ಪ್ರಕಾರ, ಚಿತ್ರದ ಟಿಕೆಟ್ ₹ 15 ಕೋಟಿಗೆ ಮಾರಾಟವಾಗಿದೆ. ಸಿದ್ಧಾರ್ಥ್ ಆನಂದ್ ನಿರ್ದೇಶನದ ಪಠಾಣ್ ಚಿತ್ರದಲ್ಲಿ ಜಾನ್ ಅಬ್ರಹಾಂ ಶಾರುಖ್ ಖಾನ್ ಮತ್ತು ದೀಪಿಕಾ ಪಡುಕೋಣೆ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.

ಪಠಾಣ್ ಚಿತ್ರದ ಟ್ರೈಲರ್​​ಗೆ ಭಾರೀ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಸಿನಿಮಾ ರಿಲೀಸ್ ಆಗುವ ಮೊದಲೇ ಭರ್ಜರಿ ಟ್ರೆಂಡ್ ಆಗಿದೆ.

ಪಠಾಣ್ ಸಿನಿಮಾದ ಹಾಡು ಬೇಷರಂ ರಂಗ್ ವಿವಾದಕ್ಕೆ ಗುರಿಯಾಗಿ ಸಿನಿಮಾ ವಿವಾದದ ಮೂಲಕವೇ ಸದ್ದು ಮಾಡಿತು. ಆದರೂ ಇದು ಸಿನಿಮಾಗೆ ಹೆಚ್ಚು ಬಾಧಿಸಲ್ಲ ಎನ್ನುವುದು ಸಿನಿ ವಿಶ್ಲೇಷಕರ ಮಾತು.