Shah Rukh Khan-Gauri Khan: ನನ್ನ ಗಂಡ ಸಿಕ್ಕಾಪಟ್ಟೆ ಪೊಸೆಸಿವ್ ಅಂತಿದ್ದಾರೆ ಗೌರಿ ಖಾನ್! ಈ ರೀತಿಯ ಬಟ್ಟೆ ಹಾಕಲು ಬಿಡೋದಿಲ್ವಂತೆ ಶಾರುಖ್

ಶಾರುಖ್ ಖಾನ್ ರಿಯಲ್ ಲೈಫ್ ಸ್ಟೋರಿ ಅನೇಕರಿಗೆ ಗೊತ್ತಿಲ್ಲ. ಶಾರುಖ್ ಹಾಗೂ ಗೌರಿ ಜೋಡಿ ಬಾಲಿವುಡ್ ಬೆಸ್ಟ್ ಜೋಡಿಯಾಗಿದೆ. ಶಾರುಖ್ ತಮ್ಮ 18ನೇ ವಯಸ್ಸಿನಲ್ಲೇ ಗೌರಿ ಮೇಲೆ ಪ್ರೀತಿಯಾಗಿದೆ. ಆಗ ಗೌರಿಗೆ ಬರೀ 14 ವರ್ಷ ವಯಸ್ಸಾಗಿತ್ತು.

1984ರಲ್ಲಿ ಶಾರುಖ್ ಖಾನ್ ಹಿಂದೂ ಕಾರ್ಯಕ್ರಮವೊಂದರಲ್ಲಿ ಗೌರಿ ಖಾನ್ ಅವರನ್ನು ಭೇಟಿಯಾಗಿದ್ರು. ಮೊದಲ ನೋಟದಲ್ಲೇ ಗೌರಿ ಮೇಲೆ ಶಾರುಖ್ ಖಾನ್​ಗೆ ಪ್ರೀತಿ ಚಿಗುರಿತ್ತು. ಗೌರಿಗೆ ಶಾರುಖ್ ಕ್ಲೀನ್ ಬೋಲ್ಡ್ ಆಗಿದ್ರು. ಶಾರುಖ್ ಮತ್ತು ಗೌರಿ 1991 ರಲ್ಲಿ ವಿವಾಹವಾದರು.

ಶಾರುಖ್ ಮತ್ತು ಗೌರಿ 1991 ರಲ್ಲಿ ವಿವಾಹವಾದರು. ಮದುವೆಯಾದ ಆರಂಭದ ದಿನಗಳಲ್ಲಿ ಶಾರುಖ್ ತುಂಬಾ ಪೊಸೆಸಿವ್ ಆಗಿದ್ದರು ಎಂದು ಗೌರಿ ಖಾನ್ ಹೇಳಿರುವ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

1997ರಲ್ಲಿ ಸ್ಮೃತಿ ಅಗರ್ವಾಲ್ ಅವರೊಂದಿಗೆ ಸಂದರ್ಶನದಲ್ಲಿ ನಟ ಶಾರುಖ್ ಖಾನ್ ಬಗ್ಗೆ ಗೌರಿ ಖಾನ್ ಮಾತಾಡಿದ್ದು, ಅನೇಕ ವಿಚಾರಗಳ ಬಗ್ಗೆ ಮಾತಾಡಿದ್ದಾರೆ. ಶಾರುಖ್ ಖಾನ್ ಅವರ ಸ್ವಭಾವದ ಬಗ್ಗೆ ಕೂಡ ಮಾತಾಡಿದ್ದಾರೆ.

ಶಾರುಖ್ ಪೊಸೆಸಿವ್ ಆಗಿದ್ದರು ಎಂದು ಗೌರಿ ಖಾನ್ ಸಂದರ್ಶನದಲ್ಲಿ ಹೇಳಿದ್ದಾರೆ. ವೈಟ್ ಡ್ರೆಸ್ ಟ್ರಾನ್ಸ್​ಫರೆಂಟ್ ಆಗಿರುವ ಕಾರಣ ಅದನ್ನು ಧರಿಸಲು ಶಾರುಖ್ ಒಪ್ಪಿರಲಿಲ್ಲ ಎಂದೂ ಗೌರಿ ಹೇಳುತ್ತಾರೆ.

ಶಾರುಖ್ ಕೂಡ ನಾನು ಮಾಡಿದ್ದು ನಿಜ ಎಂದು ಒಪ್ಪಿಕೊಂಡಿದ್ದಾರೆ. ನಾನು ಹಾಗೇ ಮಾಡಿದ್ದು ತಪ್ಪು ಎನ್ನುವ ರೀತಿ ಕೆಟ್ಟ ಬುದ್ದಿ ಎಂದು ಶಾರುಖ್ ಖಾನ್ ಒಪ್ಪಿಕೊಂಡಿದ್ದಾರೆ.

ಪತಿಯ ಪೊಸೆಸಿವ್ ನೆಸ್ ಅನ್ನು ಹೇಗೆ ನಿಭಾಯಿಸಿದರು ಎಂಬ ಪ್ರಶ್ನೆಗೆ ಗೌರಿ ಉತ್ತರ ನೀಡಿದ್ದಾರೆ. ಶಾರುಖ್ ಖಾನ್ ಅವರ ಈ ಸ್ವಭಾವದ ಬಗ್ಗೆ ನಾನು ತಲೆ ಕೆಡಿಸಿಕೊಂಡಿಲ್ಲ ಎಂದಿದ್ದಾರೆ. ಅಷ್ಟೇ ಅಲ್ಲದೇ ಇಂತಹ ವಿಚಾರವನ್ನು ಬಹಳ ದಿನಗಳ ಹಿಂದೆಯೇ ಬಿಟ್ಟುಬಿಟ್ಟೆ ಎಂದಿದ್ದಾರೆ.

ಇಬ್ಬರ ಮದುವೆಗೆ ಕೆಲ ಅಡೆ-ತಡೆಗಳು ಕೂಡ ಉಂಟಾಯಿತು. ಎಲ್ಲವನ್ನೂ ದಾಟಿ 1991ರ ಅಕ್ಟೋಬರ್ 25ರಂದು ಶಾರುಖ್ ಖಾನ್ ಮತ್ತು ಗೌರಿ ಖಾನ್ ಮದುವೆ ಆಗಿದ್ದಾರೆ. ಮೊದಲು ರಿಜಿಸ್ಟರ್ ಮದುವೆ ಆಗಿದ್ದ ಶಾರುಖ್ ಖಾನ್ ಹಾಗೂ ಗೌರಿ, ಆ ನಂತರ ಮುಸ್ಲಿಂ ಸಂಪ್ರದಾಯದಂತೆ ವಿವಾಹವಾದ್ರು. ಬಳಿಕ ಪಂಜಾಬಿ ಹಿಂದೂ ಸಂಪ್ರದಾಯದಂತೆ ಒಟ್ಟು 3 ಬಾರಿ ಮದುವೆಯಾಗಿದ್ದಾರೆ.

1997ರ ನವೆಂಬರ್ನಲ್ಲಿ ಆರ್ಯನ್ ಖಾನ್​ಗೆ ಗೌರಿ ಜನ್ಮ ನೀಡಿದರು. ಆನಂತರ 2000ರಲ್ಲಿ ಸುಹಾನಾ ಖಾನ್ ಕೂಡ ಜನಿಸಿದರು. ಮದುವೆಯಾಗಿ 22 ವರ್ಷಗಳ ನಂತರ ಬಾಡಿಗೆ ತಾಯ್ತನದ ಮೂಲಕ ಮತ್ತೊಂದು ಮಗುವನ್ನು ಈ ದಂಪತಿ ಪಡೆದುಕೊಂಡರು. ಇದೀಗ ಶಾರುಖ್, ಗೌರಿ ದಂಪತಿ ಮದುವೆಯಾಗಿ 32 ವರ್ಷ ಕಳೆದಿದ್ದು, ಹ್ಯಾಪಿ ಫ್ಯಾಮಿಲಿ ಇವರದ್ದಾಗಿದೆ.