Pathaan Movie: ಮೊದಲ ದಿನವೇ 'ಪಠಾಣ್' ಭರ್ಜರಿ ಕಲೆಕ್ಷನ್; ದಾಖಲೆ ಮುರಿದ ಬಾಲಿವುಡ್ ಬಾದ್​ ಷಾ!

ಪಠಾಣ್ ಸಿನಿಮಾ ವಿಶ್ವದಾದ್ಯಂತ ಎಲ್ಲೆಡೆ ಹರಡಿದ್ದು, ಎಲ್ಲರ ಕಣ್ಣು ಚಿತ್ರದ ಮೊದಲ ದಿನದ ಬಾಕ್ಸ್ ಆಫೀಸ್ ಕಲೆಕ್ಷನ್ ಮೇಲೆ ನೆಟ್ಟಿದೆ. ಕಳೆದ ವರ್ಷ ಸಾಲು ಸಾಲು ಬಾಲಿವುಡ್ ಸಿನಿಮಾಗಳು ಬಾಕ್ಸ್ ಆಫೀಸ್ನಲ್ಲಿ ಸೋಲುತ್ತಿದ್ದವು, ಇದೀಗ ವರ್ಷದ ಆರಂಭ ರಿಲೀಸ್ ಆದ ಶಾರುಖ್ ಪಠಾಣ್ ಸಿನಿಮಾ ಭರ್ಜರಿ ಕಲೆಕ್ಷನ್ ಮಾಡಿದೆ.

ಪಠಾಣ್ ಸಿನಿಮಾ ಬಗ್ಗೆ ಒಳ್ಳೆಯ ವಿಮರ್ಶೆಗಳೇ ಕೇಳಿ ಬರುತ್ತಿವೆ. ಚಿತ್ರ ವಿಮರ್ಶಕ ತರಣ್ ಆದರ್ಶ್ ಅವರು 'ಪಠಾಣ್' ಚಿತ್ರಕ್ಕೆ 4.5 ರೇಟಿಂಗ್ ನೀಡಿದ್ದಾರೆ. ಚಿತ್ರವನ್ನು ಬ್ಲಾಕ್ ಬಾಸ್ಟರ್ ಎಂದು ಕರೆದಿದ್ದಾರೆ. ಪಠಾಣ್ ಮೊದಲ ದಿನದ ಬಾಕ್ಸ್ ಆಫೀಸ್ ಕಲೆಕ್ಷನ್ ಮೇಲೆ ಎಷ್ಟು ಎನ್ನುವ ಪ್ರಶ್ನೆ ಹುಟ್ಟಿದೆ.

ವರದಿಗಳ ಪ್ರಕಾರ ‘ಪಠಾಣ್’ ಚಿತ್ರದ ಮುಂಗಡ ಬುಕ್ಕಿಂಗ್ ಈಗಾಗಲೇ 30 ಕೋಟಿ ದಾಟಿದೆ. ಹೆಚ್ಚಿನ ಮುಂಗಡ ಬುಕ್ಕಿಂಗ್ಗಳೊಂದಿಗೆ, ಟ್ರೇಡ್ ವಿಶ್ಲೇಷಕರು ಚಿತ್ರವು 35 ಕೋಟಿ ರೂಪಾಯಿಗಳಿಗಿಂತ ಹೆಚ್ಚು ಕಲೆಕ್ಷನ್ ಮಾಡಿದೆ ಎಂದು ತಿಳಿಸಿದೆ.

ನಿರ್ಮಾಪಕ ಹಾಗೂ ವಿಶ್ಲೇಷಕರಾಗಿರೋ ಗಿರೀಶ್ ಜೋಹರ್, 'ಪಠಾಣ್ ಸಿನಿಮಾ ಭಾರತದಲ್ಲಿ ಮಾತ್ರವಲ್ಲದೆ ಪ್ರಪಂಚದಾದ್ಯಂತದ ಅಭಿಮಾನಿಗಳಲ್ಲಿ ಸಾಕಷ್ಟು ಉತ್ಸಾಹ ಸೃಷ್ಟಿಸಿದೆ ಎಂದು ಇ-ಟೈಮ್ಸ್​ಗೆ ತಿಳಿಸಿದ್ದಾರೆ. 35 ರಿಂದ 37 ಕೋಟಿಗಳ ನಡುವೆ ಓಪನಿಂಗ್ ನಿರೀಕ್ಷಿಸುತ್ತೇನೆ ಎಂದು ಹೇಳಿದ್ದಾರೆ.

ಪಿವಿಆರ್, ಐನಾಕ್ಸ್ ಮತ್ತು ಸಿನಿಪೊಲಿಸ್ನಿಂದ ಸಂಜೆ 4.30 ರವರೆಗೆ ಮೊದಲ ದಿನ 'ಪಠಾಣ್' ಚಿತ್ರದ ಒಟ್ಟು ಕಲೆಕ್ಷನ್ 22 ಕೋಟಿ ಆಗಿದ್ದು, ಚಿತ್ರ 50 ಕೋಟಿ ಓಪನಿಂಗ್ ಪಡೆಯಲಿದೆ ಎಂದು ಟ್ರೇಡ್ ವಿಶ್ಲೇಷಕ ಕೋಮಲ್ ನಹ್ತಾ ತಿಳಿಸಿದ್ದಾರೆ.

ಚಿತ್ರದಲ್ಲಿ ಸಲ್ಮಾನ್ ಖಾನ್ ಅವರ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ಅಭಿಮಾನಿಗಳಿಗೆ ಇಷ್ಟವಾಗಿದೆ. ಸಲ್ಮಾನ್ ಖಾನ್ ಸಣ್ಣ ಪಾತ್ರಕ್ಕೂ ಭಾರೀ ಮೆಚ್ಚುಗೆ ವ್ಯಕ್ತವಾಗಿದೆ.

‘ಪಠಾಣ್’ ಸಿನಿಮಾದ ಕಲೆಕ್ಷನ್ ಏನೇ ಆದ್ರೂ ಈ ಸಿನಿಮಾ ಶಾರುಖ್ ಕೆರಿಯರ್ಗೆ ಇದೊಂದು ದೊಡ್ಡ ಬ್ರೇಕ್ ನೀಡಿದೆ.

4 ವರ್ಷಗಳ ಹಿಂದೆ ಶಾರುಖ್ ‘ಜೀರೋ’ ಸಿನಿಮಾ ಫ್ಲಾಪ್ ಆಗಿತ್ತು. ಇದೀಗ ಪಠಾಣ್ ಮೊದಲ ದಿನವೇ ಭರ್ಜರಿ ಪ್ರದರ್ಶನ ಕಂಡಿದ್ದು, ಒಳ್ಳೆ ವಿಮರ್ಶೆ ಕೂಡ ಪಡೆದಿದೆ. ಶಾರುಕ್ ಖಾನ್ ಸಹ ಬ್ಯಾಕ್ಸ್ ಆಫೀಸ್ ಕಲೆಕ್ಷನ್ ಬಗ್ಗೆ ಕಾತುರರಾಗಿದ್ದಾರೆ.