Aryan Khan: ಅಪ್ಪ-ಮಗ ನೀವೇ ಹಾಕ್ಕೊಳ್ಳಿ! ಶಾರುಖ್ ಮಗನ ದುಬಾರಿ ಬಟ್ಟೆ ಬ್ರ್ಯಾಂಡ್ ಟ್ರೋಲ್

ಬಾಲಿವುಡ್ ಕಿಂಗ್ ಖಾನ್ ಶಾರುಖ್ ಖಾನ್ ಅವರ ಮೊದಲ ಪುತ್ರ ಆರ್ಯನ್ ಖಾನ್ ಅವರ ಲಕ್ಷುರಿ ಕ್ಲೋತಿಂಗ್ ಬ್ರ್ಯಾಂಡ್ ಏಪ್ರಿಲ್ 30ರಂದು ತಮ್ಮ ವೆಬ್​ಸೈಟ್ ಲಾಂಚ್ ಮಾಡಿದ್ದರು. ಆದರೆ ನೆಟ್ಟಿಗರು ಮಾತ್ರ ಈ ಕ್ಲೋತಿಂಗ್ ಬ್ರ್ಯಾಂಡ್​ನಲ್ಲಿ ಉಡುಪುಗಳ ಬೆಲೆ ನೋಡಿ ದಂಗಾಗಿದ್ದಾರೆ.

ಕಳೆದೊಂದು ವಾರದಲ್ಲಿ ಶಾರುಖ್ ಖಾನ್ ಹಾಗೂ ಆರ್ಯನ್ ಖಾನ್ ಅವರು ತಮ್ಮ ಬ್ರ್ಯಾಂಡ್ ಬಟ್ಟೆಗಳನ್ನು ಪ್ರಚಾರ ಮಾಡುತ್ತಿದ್ದರು. ಇದು ಸೋಷಿಯಲ್ ಮಿಡಿಯಾದಲ್ಲಿ ವೈರಲ್ ಆಗಿತ್ತು. ಶಾರುಖ್ ಅವರು ನಟಿಸಿದ ಜಾಹೀರಾತನ್ನು ಕೂಡಾ ಇತ್ತೀಚೆಗೆ ರಿಲೀಸ್ ಮಾಡಲಾಯಿತು. ತಂದೆ ಹಾಗೂ ಮಗ ಅವರ ಬ್ರ್ಯಾಂಡ್ D'YAVOL X ಶರ್ಟ್ ಹಾಗೂ ಜಾಕೆಟ್ ಧರಿಸಿ ಪೋಸ್ ಕೊಟ್ಟಿದ್ದಾರೆ.

ಡಯೆಟ್ ಸಬ್ಯ ಎನ್ನುವ ಫ್ಯಾಷನ್ ಕುರಿತ ಇನ್​ಸ್ಟಾಗ್ರಾಮ್ ಖಾತೆಯೊಂದು ಉಡುಪುಗಳ ಬೆಲೆಯ ಬಗ್ಗೆ ಕಮೆಂಟ್ ಮಾಡಿದೆ. ಅವರು ಆರ್ಯನ್ ಖಾನ್ ಬ್ರ್ಯಾಂಡ್​ನ ಬಟ್ಟೆಗಳ ಬೆಲೆಯ ಸ್ಕ್ರೀನ್ ಶಾರ್ಟ್ ತೆಗೆದು ಸ್ಕ್ರೀನ್ ಶಾಟ್ ಶೇರ್ ಮಾಡಿದ್ದಾರೆ. ಇದರಲ್ಲಿ ಒಂದು ಟೀಶರ್ಟ್ ಬೆಲೆ 25 ಸಾವಿರ ಇದೆ.

ಡಯೆಟ್ ಸಬ್ಯ ಎನ್ನುವ ಫ್ಯಾಷನ್ ಕುರಿತ ಇನ್​ಸ್ಟಾಗ್ರಾಮ್ ಖಾತೆಯೊಂದು ಉಡುಪುಗಳ ಬೆಲೆಯ ಬಗ್ಗೆ ಕಮೆಂಟ್ ಮಾಡಿದೆ. ಅವರು ಆರ್ಯನ್ ಖಾನ್ ಬ್ರ್ಯಾಂಡ್​ನ ಬಟ್ಟೆಗಳ ಬೆಲೆಯ ಸ್ಕ್ರೀನ್ ಶಾರ್ಟ್ ತೆಗೆದು ಸ್ಕ್ರೀನ್ ಶಾಟ್ ಶೇರ್ ಮಾಡಿದ್ದಾರೆ. ಇದರಲ್ಲಿ ಒಂದು ಟೀಶರ್ಟ್ ಬೆಲೆ 25 ಸಾವಿರ ಇದೆ.

ಬ್ಲ್ಯಾಕ್ ಹೂಡಿ ಬೆಲೆ 45 ಸಾವಿರ ಇದ್ದು ಜಾಕೆಟ್ ಬೆಲೆ ಸುಮಾರು 2 ಲಕ್ಷ ರೂ. ತನಕ ಇದೆ. ಏನಾಗ್ತಾ ಇದೆ? ಈ ಬಟ್ಟೆಗಳಿಗೆ ಬೆಲೆ ನಿಗದಿಪಡಿಸಿದವರು ಯಾರು ಎಂದು ಇನ್​ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಪ್ರಶ್ನಿಸಲಾಗಿದೆ.

ವೆಬ್​ಸೈಟ್ ಲಾಂಚ್ ಆದರೂ ಕೂಡಾ ಜನರಿಗೆ ವೆಬ್​ಸೈಟ್ ನೋಡಲು ಸಾಧ್ಯವಾಗಿರಲಿಲ್ಲ. ಟೆಕ್ನಿಕಲ್ ಸಮಸ್ಯೆಗಳಿಂದಾಗಿ ವೆಬ್​ಸೈಟ್​ ಅಷ್ಟು ಸುಲಭವಾಗಿ ಜನರಿಗೆ ಬಳಸಲು ಸಾಧ್ಯವಾಗಿಲ್ಲ. ಈ ಬಗ್ಗೆ ಆರ್ಯನ್ ಇತ್ತೀಚಿನ ಪೋಸ್ಟ್​ನಲ್ಲಿ ಕ್ಷಮೆ ಯಾಚಿಸಿದ್ದಾರೆ.

ಇನ್​ಸ್ಟಾಗ್ರಾಮ್ ಬಳಕೆದಾರರು ಆರ್ಯನ್ ಬಟ್ಟೆ ಬೆಲೆಗಳನ್ನು ತಿಳಿದು ಶಾಕ್ ಆಗಿದ್ದಾರೆ. ಜಸ್ಟ್ ರೇಟ್ ಹೇಗಿದೆ ಅಂತ ನೋಡಿದೆ. ಇದು ಹುಚ್ಚುತನ ಎಂದಿದ್ದಾರೆ. ಮಧ್ಯಮ ವರ್ಗದ ಜನ ಇದನ್ನು ಖರೀದಿಸಲು ಸಾಧ್ಯವೇ ಇಲ್ಲ ಎಂದಿದ್ದಾರೆ.

ಲಖಾನ್ ಸಾಬ್ ನಿಮ್ಮ ಬ್ರ್ಯಾಂಡ್ ಬಟ್ಟೆ ಖರೀದಿಸೋಕೆ ನಾನು ಒಂದು ಕಿಡ್ನಿ ಮಾರಿದ್ರೂ ಸಾಕಾಗಲ್ಲ, ಎರಡನ್ನೂ ಮಾರಬೇಕು ಎಂದಿದ್ದಾರೆ. ಇನ್ನೊಬ್ಬರು ಒಂದು ಜಾಕೆಟ್​ಗೆ 2 ಲಕ್ಷ ರೂಪಾಯಿನಾ ಎಂದು ಪ್ರಶ್ನಿಸಿದ್ದಾರೆ.