Pathaan-Shah Rukh Khan: ವೀಕೆಂಡ್​ನಲ್ಲಿ ಪಠಾಣ್ ಭರ್ಜರಿ ಕಲೆಕ್ಷನ್, 500 ಕೋಟಿ ಗಡಿ ದಾಟಿದೆ ಶಾರುಖ್ ಮೂವಿ

4 ವರ್ಷಗಳ ಬಳಿಕ ರಿಲೀಸ್ ಆದ ಶಾರುಖ್ ಖಾನ್ ಸಿನಿಮಾ ಭರ್ಜರಿ ಪ್ರದರ್ಶನ ಕಾಣ್ತಿದೆ. ಪಠಾಣ್ ಸಿನಿಮಾಗಳು ಬಾಲಿವುಡ್ ಸಿನಿಮಾ ದಾಖಲೆಗಳನ್ನು ಉಡೀಸ್ ಮಾಡಿ ಮುನ್ನುಗುತ್ತಿದೆ. ಬಿಡುಗಡೆಗೂ ಮುನ್ನವೇ ಹಲವು ವಿವಾದಗಳಲ್ಲಿ ಸಿಲುಕಿದ್ದ ಈ ಸಿನಿಮಾ ರಿಲೀಸ್ ನಂತರ ಥಿಯೇಟರ್‌ಗಳಲ್ಲಿ ಹವಾ ಎಬ್ಬಿಸುತ್ತಿದೆ. ಬಾಕ್ಸ್ ಆಫೀಸ್ ಧೂಳೆಬ್ಬಿಸುತ್ತಾ ಕಲೆಕ್ಷನ್ ಸುನಾಮಿ ಎಬ್ಬಿಸುತ್ತಿದೆ.

ಜನವರಿ 25 ರಂದು ಬಿಡುಗಡೆಯಾದ ಈ ಚಿತ್ರವು ಮೊದಲ ದಿನದಲ್ಲಿ ಗಲ್ಲಾಪೆಟ್ಟಿಗೆ ಭರ್ಜರಿ ಸದ್ದು ಮಾಡ್ತಿದೆ. ಪಾಸಿಟಿವ್ ಟಾಕ್ ನಿಂದಾಗಿ ಕಲೆಕ್ಷನ್ ಗಳು ಸಹ ಹೆಚ್ಚಿವೆ. ಇದರೊಂದಿಗೆ ಪಠಾಣ್ ಮೊದಲ 5 ದಿನದಲ್ಲಿ 500 ಕೋಟಿ ಗಡಿ ದಾಟಿದ್ದಾರೆ.

ವರ್ಷದ ಆರಂಭದಲ್ಲೇ ಪಠಾಣ್ ಸಿನಿಮಾ ಬಾಲಿವುಡ್ಗೆ ಸಿಹಿ ಸುದ್ದಿ ನೀಡಿದೆ. ಒಂದೇ ದಿನದಲ್ಲಿ 70 ಕೋಟಿಗೂ ಹೆಚ್ಚು ಕಲೆಕ್ಷನ್ ಮಾಡಿದ ಬಾಲಿವುಡ್ ಚಿತ್ರ ಪಠಾಣ್ ಆಗಿದೆ. ಯಾವುದೇ ಚಿತ್ರ ಕನಿಷ್ಠ 55 ಕೋಟಿ ಗಡಿ ದಾಟಿಲ್ಲ. 5ನೇ ದಿನವೂ 60 ಕೋಟಿಗೂ ಅಧಿಕ ನಿವ್ವಳ ಕಲೆಕ್ಷನ್ ಆಗಿದೆ.

ಸಿದ್ಧಾರ್ಥ್ ಆನಂದ್ ನಿರ್ದೇಶನದ ಈ ಚಿತ್ರವನ್ನು ಯಶ್ ರಾಜ್ ಫಿಲ್ಮ್ಸ್ ಬೃಹತ್ ಬಜೆಟ್‌ನಲ್ಲಿ ನಿರ್ಮಿಸಿದೆ. ಶಾರುಖ್ ಜೊತೆಗೆ ಜಾನ್ ಅಬ್ರಹಾಂ ಮುಖ್ಯ ಭೂಮಿಕೆಯಲ್ಲಿದ್ದ ಈ ಸಿನಿಮಾದಲ್ಲಿ ದೀಪಿಕಾ ಪಡುಕೋಣೆ ನಾಯಕಿಯಾಗಿ ನಟಿಸಿದ್ದಾರೆ.

ಬಿಡುಗಡೆಗೂ ಮುನ್ನವೇ ಪಠಾಣ್ ಸಿನಿಮಾ 260 ಕೋಟಿ ಪ್ರಿ-ರಿಲೀಸ್ ಬಿಸಿನೆಸ್ ಮಾಡಿದೆ. ಪಠಾಣ್ ಸಿನಿಮಾ ಭಾರತದಲ್ಲಿ 5,500 ಚಿತ್ರಮಂದಿರಗಳಲ್ಲಿ ರಿಲೀಸ್ ಆಗಿತ್ತು. ವಿದೇಶದಲ್ಲಿ 2500 ಸ್ಕ್ರೀನ್‌ಗಳಲ್ಲಿ ಬಿಡುಗಡೆಯಾಗಿದೆ. ಒಟ್ಟಾರೆ 8000ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ಅದ್ಧೂರಿಯಾಗಿ ಪಠಾಣ್ ತೆರೆಮೇಲೆ ಬಂದಿದೆ.

ಸ್ಪೈ ಥ್ರಿಲ್ಲರ್ ಸಿನಿಮಾ ಪ್ರೇಕ್ಷಕರಿಗೆ ಖುಷಿ ಕೊಡುತ್ತಿದೆ. ಚಿತ್ರದಲ್ಲಿ ಅಭಿನಯಿಸಲು ಎಲ್ಲಾ ನಟರು ಭಾರೀ ಸಂಭಾವನೆ ಪಡೆದಿದ್ದಾರೆ. ಜಾನ್ ಅಬ್ರಹಾಂ 20 ಕೋಟಿ ತೆಗೆದುಕೊಂಡ್ರೆ, ದೀಪಿಕಾ 12 ಕೋಟಿ ತೆಗೆದುಕೊಂಡಿದ್ದಾರೆ. ಶಾರುಖ್ 100 ಕೋಟಿ ಸಂಭಾವನೆ ತೆಗೆದುಕೊಂಡಿದ್ದಾರಂತೆ.

ಅನೇಕ ವರ್ಷ ಗ್ಯಾಪ್ ತೆಗೆದುಕೊಂಡಿದ್ದ ಶಾರುಖ್ ಖಾನ್ ಗ್ರ್ಯಾಂಡ್ ಆಗಿ ಎಂಟ್ರಿ ಕೊಟ್ಟಿದ್ದಾರೆ. ಪಠಾಣ್ ಚಿತ್ರದ ಮೂಲಕ ದೊಡ್ಡ ಹಿಟ್ ಪಡೆದಿದ್ದಾರೆ. ಶಾರುಖ್ ಅಭಿನಯ ಈ ಸಿನಿಮಾದಲ್ಲಿ ಎಲ್ಲರ ಗಮನ ಸೆಳೆದಿದೆ.