Shah Rukh Khan Manager: ಡ್ರಗ್ಸ್ ಕೇಸ್​ನಿಂದ ಆರ್ಯನ್ ರಕ್ಷಿಸಿದ ಶಾರುಖ್ ಮ್ಯಾನೇಜರ್ ಯಾರು? ಪ್ರಿಯಾ ಬಗ್ಗೆ ಇನ್​​ಟ್ರೆಸ್ಟಿಂಗ್ ಮಾಹಿತಿ

ಪೂಜಾ ದದ್ಲಾನಿ 2012 ರಿಂದ ಪೂಜಾ ಶಾರುಖ್ ಅವರ ಮ್ಯಾನೇಜರ್ ಆಗಿದ್ದಾರೆ. ನವೆಂಬರ್ 2 ರಂದು ಶಾರುಖ್ ಹುಟ್ಟುಹಬ್ಬವಾಗಿದ್ದು, ಪೂಜಾ ದದ್ಲಾನಿ ಅವರ ಜನ್ಮದಿನ ಕೂಡ ಅದೇ ದಿನ ಇದೇ. ಪೂಜಾ ದದ್ಲಾನಿ ನವೆಂಬರ್ 2, 1983 ರಂದು ಮುಂಬೈನಲ್ಲಿ ಜನಿಸಿದರು.

ಬಾಲಿವುಡ್ ಲೈಫ್ ವರದಿ ಪ್ರಕಾರ ಪೂಜಾ, ಮುಂಬೈನ ಬಾಯಿ ಅವಾಬಾಯಿ ಫ್ರಾಂಜಿ ಪೆಟಿಟ್ ಗರ್ಲ್ಸ್ ಹೈಸ್ಕೂಲ್ ಮತ್ತು ಎಚ್ ಆರ್ ಕಾಲೇಜ್ ಆಫ್ ಕಾಮರ್ಸ್ ಮತ್ತು ಎಕನಾಮಿಕ್ಸ್​ನಲ್ಲಿ ತಮ್ಮ ಶಿಕ್ಷಣವನ್ನು ಪಡೆದರು. ಮಾಸ್ ಕಮ್ಯುನಿಕೇಷನ್ ನಲ್ಲಿ ಪದವಿಯನ್ನ ಪಡೆದಿದ್ದಾರೆ.

ಪೂಜಾ 2008 ರಲ್ಲಿ ಹಿತೇಶ್ ಗುರ್ನಾನಿ ಅವರನ್ನು ವಿವಾಹವಾದರು. ಹಿತೇಶ್ ಒಬ್ಬ ಉದ್ಯಮಿಯಾಗಿದ್ದಾರೆ. ಅವರು ಲಿಸ್ಟಾ ಜೂಲ್ಸ್ ಎಂಬ ಕಂಪನಿಯ ನಿರ್ದೇಶಕರಾಗಿದ್ದಾರೆ. ಅವರಿಗೆ ರೇನಾ ಎಂಬ ಮಗಳೂ ಕೂಡ ಇದ್ದಾರೆ.

ಶಾರುಖ್ ಖಾನ್ ಚಿತ್ರಗಳನ್ನು ಪಡೆಯುವುದು ಹಾಗೂ ಅವರ ಸಿನಿಮಾ ಸಂಭಾವನೆ ಎಲ್ಲ ವಿಚಾರಗಳನ್ನು ಕೂಡ ಮ್ಯಾನೇಜರ್ ಪೂಜಾ ಅವರೇ ನೋಡಿಕೊಳ್ತಾರೆ. ಶಾರುಖ್ ನಿರ್ಮಾಣದ ಕಂಪನಿ ರೆಡ್ ಚಿಲ್ಲಿಸ್ ಎಂಟರ್ಟೈನ್ಮೆಂಟ್​ವರೆಗೆ ಎಲ್ಲವನ್ನೂ ಪೂಜಾ ಅವರೇ ನೋಡಿಕೊಳ್ತಾರೆ. ಅಷ್ಟೇ ಅಲ್ಲದೇ ಐಪಿಎಲ್ ತಂಡ ಕೆಕೆಆರ್ ನಿರ್ವಹಣೆ ಜವಾಬ್ದಾರಿ ಕೂಡ ಪೂಜಾ ಹೆಗಲ ಮೇಲಿದೆ.

ಡಿಎನ್ಎಯಲ್ಲಿ ಪ್ರಕಟವಾದ ವರದಿಯ ಪ್ರಕಾರ, ಶಾರುಖ್ ಅವರ ಕೆಲಸವನ್ನು ನಿರ್ವಹಿಸಲು ಪೂಜಾ ವರ್ಷಕ್ಕೆ 7 ರಿಂದ 9 ಕೋಟಿ ರೂಪಾಯಿ ಸಂಬಳ ಪಡೆಯುತ್ತಾರಂತೆ. 2021 ರಲ್ಲಿ ಪ್ರಕಟವಾದ Mensxp ವರದಿಯ ಪ್ರಕಾರ, ಪೂಜಾ ಅವರ ನಿವ್ವಳ ಮೌಲ್ಯವು 40 ರಿಂದ 50 ಕೋಟಿ ರೂ. ಕಳೆದ ಎರಡು ವರ್ಷಗಳಲ್ಲಿ ಇದು ಇನ್ನೂ ಹೆಚ್ಚಿರಬಹುದು.

ಇದಲ್ಲದೇ ಪೂಜಾ ನೀಲಿ ಬಣ್ಣದ ಮರ್ಸಿಡಿಸ್ ಕಾರನ್ನು ಹೊಂದಿದ್ದಾರೆ. ಮುಂಬೈನ ಬಾಂದ್ರಾ ಪ್ರದೇಶದಲ್ಲಿ ಇವರ ಮನೆ ಕೂಡ ಇದೆ. ಕೆಲವು ದಿನಗಳ ಹಿಂದೆ ಈ ಮನೆಯ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿತ್ತು. ಗೌರಿ ಖಾನ್ ಜೊತೆಗಿನ ಫೋಟೋಗಳನ್ನು ಪೂಜಾ ಅವರೇ ಹಂಚಿಕೊಂಡಿದ್ದರು.

ಆರ್ಯನ್ ಖಾನ್ ಪ್ರಕರಣದಲ್ಲಿ ಮುಖ್ಯವಾಗಿ ಪೂಜಾ ಹೆಸರು ಕೇಳಿ ಬಂದಿತ್ತು. ಶಾರುಖ್ ಖಾನ್ ಅವರ ಪುತ್ರ ಆರ್ಯನ್ ಅವರನ್ನು ನಾರ್ಕೋಟಿಕ್ಸ್ ಕಂಟ್ರೋಲ್ ಬ್ಯೂರೋ ಅಕ್ಟೋಬರ್ 2021 ರಲ್ಲಿ ಬಂಧಿಸಿದ್ರು. ಈ ಸಂದರ್ಭದಲ್ಲಿ ಪೂಜಾ ಆರ್ಯನ್ನನ್ನು ಭೇಟಿಯಾಗಲು ಎನ್ ಸಿ ಬಿ ಕಚೇರಿ ಮತ್ತು ನ್ಯಾಯಾಲಯಕ್ಕೆ ಬರುತ್ತಲೇ ಇದ್ದರು.

ಶಾರುಖ್ ಮತ್ತು ಗೌರಿ ಹೆಚ್ಚಾಗಿ ಕಾಣಿಸಿಕೊಂಡಿಲ್ಲ. ನ್ಯಾಯಾಲಯದ ಹೊರಗೆ ಪೂಜಾ ಮಾತ್ರ ಹೆಚ್ಚಾಗಿ ಕಾಣಿಸಿಕೊಳ್ತಿದ್ದರು. ಅಕ್ಟೋಬರ್ 8 ರಂದು ನ್ಯಾಯಾಲಯದಲ್ಲಿ ಆರ್ಯನ್ ಪ್ರಕರಣದ ವಿಚಾರಣೆ ನಡೆಯಿತು. ಆ ವೇಳೆ ಪೂಜಾ ಕೂಡ ಅಲ್ಲೇ ಇದ್ದರು. ಆರ್ಯನ್ಗೆ ಜಾಮೀನು ಸಿಗದ ಕಾರಣ ಪೂಜಾ ಭಾವುಕರಾಗಿದ್ದರು. ಶಾರುಖ್ ಅವರ ಕುಟುಂಬದೊಂದಿಗೆ ಮತ್ತು ವಿಶೇಷವಾಗಿ ಆರ್ಯನ್ ಅವರೊಂದಿಗೆ ಪೂಜಾ ಒಳ್ಳೆಯ ಸಂಬಂಧವನ್ನು ಹೊಂದಿದ್ದಾರೆ.

ಈ ಇಡೀ ಪ್ರಕರಣದಲ್ಲಿ ಹೆಚ್ಚಾಗಿ ಪೂಜಾ ದದ್ಲಾನಿ ಅವರೇ ಕಾಣಿಸಿಕೊಂಡಿದ್ದಾರೆ. ಆರ್ಯನ್ ಜೈಲಿನಲ್ಲಿದ್ದ ವೇಳೆ ಪೂಜಾ, ಶಾರುಖ್ ಅವರಿಗೆ ಬೆಂಬಲವಾಗಿ ನಿಂತರು. ಜಾಮೀನು ಪಡೆಯುವವರೆಗೂ ಆರ್ಯನ್ ಖಾನ್ ಪರ ಹೋರಾಡಿದರು. ಪೂಜಾ ದದ್ಲಾನಿ ಧೈರ್ಯ ಹಾಗೂ ಹೋರಾಟವನ್ನು ಅನೇಕರು ಮೆಚ್ಚುಕೊಂಡಿದ್ದಾರೆ.