Pathaan-Shah Rukh Khan: ಬೇಷರಂ ರಂಗ್​ ಹಾಡಿನಲ್ಲಿ ಶಾರುಖ್ ಧರಿಸಿದ ಹಸಿರು ಶರ್ಟ್ ನೋಡೋಕಷ್ಟೇ ಸಿಂಪಲ್, ಬೆಲೆ ದುಬಾರಿ

ಸೂಪರ್ ಸ್ಟಾರ್ ಈ ಪಾತ್ರಕ್ಕಾಗಿ ಭರ್ಜರಿ ಸಿದ್ಧತೆ ನಡೆಸಿದ್ದರು. ಪಠಾಣ್‌ನ ಸಾಂಗ್ ಬಿಡುಗಡೆಯಾದ ತಕ್ಷಣ ವೈರಲ್ ಆದವು. ಬೇಷರಂ ರಂಗ್‌ನಲ್ಲಿ ದೀಪಿಕಾ ಅವರ ಅದ್ಭುತ ಲುಕ್ ಅಭಿಮಾನಿಗಳನ್ನು ಮಂತ್ರಮುಗ್ಧರನ್ನಾಗಿಸಿತು. ದೀಪಿಕಾ ಮಾತ್ರವಲ್ಲ, ಶಾರುಖ್ ಖಾನ್ ಕೂಡ ಹಾಡಿನಲ್ಲಿ ರಾಕ್ ಮಾಡಿದ್ದಾರೆ.

ವಿಶೇಷವಾಗಿ ಶಾರುಖ್ ಅವರ ಗ್ರೀನ್ ಪ್ರಿಂಟೆಡ್ ಶರ್ಟ್ ಅನ್ನು ಅಭಿಮಾನಿಗಳು ಇಷ್ಟಪಟ್ಟಿದ್ದಾರೆ. ಈ ಶರ್ಟ್​ನಲ್ಲಿ ವೆಕೇಷನ್ ವೈಬ್ಸ್ ಇದೆ. ನಿಮಗೂ ಈ ಶರ್ಟ್ ಇಷ್ಟವಾಗಿದ್ಯಾ?

ಬೇಷರಂ ರಂಗ್ ಹಾಡಿನ ಆರಂಭದಲ್ಲಿ ಶಾರುಖ್ ಖಾನ್ ರಿತು ಕುಮಾರ್ ಅವರ ಗ್ರೀನ್ ಪ್ರಿಂಟೆಡ್ ಶರ್ಟ್ ಧರಿಸಿ ಕಾಣಿಸಿಕೊಂಡಿದ್ದಾರೆ. ಫುಲ್ ಸ್ಲೀವ್ ಶರ್ಟ್ ವಿಸ್ಕೋಸ್ ಕ್ರೆಪ್ ಫ್ಯಾಬ್ರಿಕ್‌ನಲ್ಲಿದೆ. ಇದರಲ್ಲಿ ಸುಂದರವಾದ ಪೈಸ್ಲಿ ಪ್ರಿಂಟ್ ಕೂಡಾ ಇದೆ.

ಸಖತ್ ಟ್ರೆಂಡಿಯಾಗಿರುವ ಈ ಶರ್ಟ್ ವೆಕೇಷನ್ ಮಾತ್ರವಲ್ಲ ಇತರ ಸಂದರ್ಭಗಳಲ್ಲಿಯೂ ಧರಿಸಬಹುದು. ರಿತು ಕುಮಾರ್ ಅವರ ವೆಬ್‌ಸೈಟ್‌ನಲ್ಲಿ ಈ ಶರ್ಟ್ 9,200 ರೂಗಳಿಗೆ ಲಭ್ಯವಿದೆ.

ಪಠಾಣ್ ಚಿತ್ರದಲ್ಲಿ, ಶಾರುಖ್ ಖಾನ್ ಅದರ ಬಟನ್ ಅರ್ಧದಷ್ಟು ಬಿಚ್ಚಿ ತಮ್ಮ ಮೈಕಟ್ಟನ್ನು ಪ್ರದರ್ಶಿಸಿದರು. ಕುತ್ತಿಗೆಯಲ್ಲಿ ಚಿನ್ನದ ಸರಗಳನ್ನು ಧರಿಸಿದ್ದರು. ಮ್ಯಾನ್ ಬನ್ ಮತ್ತು ಸನ್ ಗ್ಲಾಸ್ ಸಖತ್ ಸ್ಟೈಲಿಷ್ ಆಗಿತ್ತು.

ಬೇಷರಂ ರಂಗ್‌ನಲ್ಲಿ, ದೀಪಿಕಾ ಪಡುಕೋಣೆ ಕೂಡ ವೆಕೇಷನ್ ಮೋಡ್​ನಲ್ಲಿ ಕಾಣಿಸಿಕೊಂಡರು. ವಿವಿಧ ಈಜುಡುಗೆಗಳಲ್ಲಿ ಕಾಣಿಸಿಕೊಂಡರು. ಮೊದಲಿಗೆ ಅವರು ಲೂಯಿಸಾ ಬಲ್ಲೌ ವ್ಯಾಕ್ಸ್ ಹಳದಿ ಮೊನೊಕಿನಿಯನ್ನು ಧರಿಸಿದ್ದರು.

ನಟನ ಈ ಸ್ಟೈಲಿಷ್ ಶರ್ಟ್ ನೋಡಿ ಯುವಕರು ಇಷ್ಟಪಟ್ಟಿದ್ದಾರೆ. ನೀವೂ ಈ ಶರ್ಟ್ ಖರೀದಿಸಲು ಬಯಸಿದ್ದರೆ ಬ್ರ್ಯಾಂಡ್​ ಸೈಟ್ ವಿಸಿಟ್ ಮಾಡಬಹುದು.