Shah Rukh Khan: ನನ್ನ ನಂತರ ಇಂಡಸ್ಟ್ರಿಗೆ ಇವರೇ ಕಿಂಗ್ ಎಂದ ಶಾರುಖ್

ಭಾರತೀಯ ಚಿತ್ರರಂಗದಲ್ಲಿ ಶಾರುಖ್ ಖಾನ್ ಅತ್ಯಂತ ಪ್ರಭಾವಿ ವ್ಯಕ್ತಿ ಎನ್ನುವುದರಲ್ಲಿ ಸಂದೇಹವೇ ಇಲ್ಲ. ಬಾಲಿವುಡ್ ಕಿಂಗ್ ಎಂದು ಕರೆಯಲ್ಪಡುವ ನಟನಿಗೆ ಅವರದ್ದೇ ಆದ ಬೃಹತ್ ಅಭಿಮಾನಿ ಬಳಗವಿದೆ.

ವಿಶ್ವಾದ್ಯಂತ ಶಾರುಖ್ ಅವರಿಗೆ ಫ್ಯಾನ್ಸ್ ಇದ್ದಾರೆ. ಅಂತಾರಾಷ್ಟ್ರೀಯ ಮಟ್ಟದ ನಟರು ಹಾಗೂ ಅಭಿಮಾನಿಗಳನ್ನು ಬಾಲಿವುಡ್​ನೊಂದಿಗೆ ಜೋಡಿಸುವ ಕೊಂಡಿಯಂತಿದ್ದಾರೆ ಶಾರುಖ್ ಖಾನ್.

ಹಾಗಾಗಿ ಕಿಂಗ್ ಖಾನ್ ನಂತರ ಬಾಲಿವುಡ್​ನ ಸೂಪರ್​ಸ್ಟಾರ್ ಯಾರಾಗುತ್ತಾರೆ? ಅವರ ಸ್ಥಾನವನ್ನು ಯಾರು ತುಂಬುತ್ತಾರೆ ಎನ್ನುವ ಕುತೂಹಲ ಇದ್ದೇ ಇದೆ. ಈ ಪ್ರಶ್ನೆಗೆ ಈಗ ಸ್ವತಃ ಶಾರುಖ್ ಖಾನ್ ಅವರೇ ಉತ್ತರ ಕೊಟ್ಟಿದ್ದಾರೆ.

ಶಾರುಖ್ ಖಾನ್ ಇತ್ತೀಚೆಗೆ ಮತ್ತೊಮ್ಮೆ #AskSRK ಸೆಷನ್ ನಡೆಸಿದರು. ಟ್ವಿಟರ್​ನಲ್ಲಿ ಆಸ್ಕ್ ಶಾರುಖ್ ಸೆಷನ್ ನಡೆಸಿದ ನಟ ಅಭಿಮಾನಿಗಳ ಪ್ರಶ್ನೆಗೆ ಉತ್ತರಿಸಿದ್ದಾರೆ.

ಈ ಬಗ್ಗೆ ಟ್ವೀಟ್ ಮಾಡಿದ ನಟ, ಇವತ್ತು ಆಸ್ಕ್ ಶಾರುಖ್ ಸೆಷನ್ ಮಾಡೋಣ. ಸಿಹಿಯಾದ ಪ್ರಶ್ನೆಗಳು, ಅಪ್ರಸ್ತುತ ಹಾಗೂ ಫನ್ ತುಂಬಿದ ಪ್ರಶ್ನೆಗಳು. ಶಾರುಖ್​ಗೆ ಕೇಳಬಾರದ ಪ್ರಶ್ನೆಗಳನ್ನೂ 15 ನಿಮಿಷ ಕೇಳಬಹುದು. ಕೆಟ್ಟ ಭಾಷೆ ಬಳಸುವಂತಿಲ್ಲ. ವೈಯಕ್ತಿಕ ದಾಳಿ ಇಲ್ಲ. ಲೆಟ್ಸ್ ಗೋ, 15 ನಿಮಿಷಗಳು ಎಂದು ನಟ ಟ್ವೀಟ್ ಮಾಡಿದ್ದಾರೆ.

ಶಾರುಖ್ ನಂತರ ಯಾರು ಎಂಬ ಪ್ರಶ್ನೆಗೆ ಉತ್ತರಿಸಿ ನಟ, ನಾನು ಯಾವತ್ತೂ ನಟನೆಯಿಂದ ನಿವೃತ್ತನಾಗುವುದಿಲ್ಲ. ನನ್ನನ್ನು ತೆಗೆದುಹಾಕಬೇಕಷ್ಟೆ. ಹಾಗೆ ಮಾಡಿದರೂ ನಾನು ಮರಳಿ ಬರುತ್ತೇನೆ ಎಂದಿದ್ದಾರೆ. ಈ ಮೂಲಕ ನಟ ಮತ್ತೊಮ್ಮೆ ನನ್ನನ್ನು ರಿಪ್ಲೇಸ್ ಮಾಡುವವರು ಯಾರೂ ಇಲ್ಲ ಎನ್ನುವುದನ್ನು ತಿಳಿಸಿದ್ದಾರೆ.

ನಟ ಇನ್ನೊಂದು ಪ್ರಶ್ನೆಗೆ ಉತ್ತರಿಸಿ ನನಗೆ ಈಗ ಬಾಲಿವುಡ್ ಕಿಂಗ್ ಎಂಬ ಭಾವನೆ ಬರುತ್ತಿಲ್ಲ ಎಂದಿದ್ದಾರೆ. ಅಭಿಮಾನಿಯೊಬ್ಬರು ಪ್ರಶ್ನೆ ಮಾಡಿ, ನೀವು ಜಗತ್ತಿನ ಕಿಂಗ್​ನಂತೆ ಫೀಲ್ ಮಾಡ್ತಿದ್ದೀರಾ ಎಂದು ಕೇಳಿದ್ದಾರೆ. ಇದಕ್ಕೆ ಉತ್ತರಿಸಿದ ನಟ, ಸದ್ಯ ನನ್ನ ಮಗನ ಆಟಿಗಳನ್ನು ಕ್ಲೀನ್ ಮಾಡುತ್ತಿದ್ದೇನೆ. ಆದರೆ ಚಿಕ್ಕ ಲಿಗೋ ಪೀಸ್ ಸಿಗುತ್ತಿಲ್ಲ. ಕಿಂಗ್ ವಿಂಗ್ ಥರ ಈಗ ಫೀಲ್ ಆಗುತ್ತಿಲ್ಲ ಎಂದಿದ್ದಾರೆ.

ನಟನ ಇತ್ತೀಚಿನ ಸಿನಿಮಾ ಪಠಾಣ್ ದಾಖಲೆಗಳನ್ನು ಮುರಿಯುತ್ತಿದೆ. ಸಿದ್ಧಾರ್ಥ್ ಆನಂದ್ ಅವರು ನಿರ್ದೇಶನ ಮಾಡಿದ ಸಿನಿಮಾದಲ್ಲಿ ದೀಪೊಕಾ ಪಡುಕೋಣೆ, ಜಾನ್ ಅಬ್ರಹಾಂ ನಟಿಸಿದ್ದಾರೆ. ಹಿಂದಿ ವರ್ಷನ್ ಪಠಾಣ್ ಸಿನಿಮಾ 493 ಕೋಟಿಯ ಗಡಿ ಮುಟ್ಟಿದೆ.

5 ವರ್ಷಗಳ ಕಾಲ ಸಿನಿಮಾ ಮಾಡ ನಟ ಪಠಾಣ್ ಮೂಲಕ ದೊಡ್ಡ ಹಿಟ್ ಕೊಟ್ಟಿದ್ದಾರೆ. ಅವರ ಝೀರೋ ಸಿನಿಮಾ ಫ್ಲಾಪ್ ಆಗಿತ್ತು.