Pathaan Movie: ಬಾಲಿವುಡ್​ನ ಇತರ ಸಿನಿಮಾಗಳಿಗಿಂತ ಭಿನ್ನವಾಗಿದೆ ಪಠಾಣ್! 5 ವಿಶೇಷತೆ ಒಳಗೊಂಡಿದೆ ಶಾರುಖ್ ಚಿತ್ರ

4 ವರ್ಷದ ಬಳಿಕ ತೆರೆ ಮೇಲೆ ಬಂದಿರುವ ಶಾರುಖ್ ಖಾನ್, ಪಠಾಣ್ ಸಿನಿಮಾದಲ್ಲಿ ಅನೇಕ ವಿಶೇಷತೆಗಳನ್ನು ಹೊತ್ತು ತಂದಿದ್ದಾರೆ.

ಶಾರುಖ್ ಅಭಿಮಾನಿಗಳು ಸಾವಿರಾರು ರೂಪಾಯಿ ಕೊಟ್ಟು ಪಠಾಣ್ ಸಿನಿಮಾ ನೋಡ್ತಿದ್ದಾರೆ. ಏನೇ ಆಗಲಿ ತೆರೆ ಮೇಲೆ ಬಾಲಿವುಡ್ ಬಾದ್ ಷಾ ಸಿನಿಮಾ ನೋಡಲೇಬೇಕು ಅಂತಿದ್ದಾರೆ. ಈ ಸಿನಿಮಾದಲ್ಲಿ ಅಂತಹದ್ದೇನಿದೆ ಅಂತೀರಾ? 5 ವಿಶೇಷ ಸಂಗತಿಗಳು ಪಠಾಣ್ ಸಿನಿಮಾದಲ್ಲಿದೆ.

ಪಠಾಣ್ ಸಿನಿಮಾ ಮೊದಲ ಶೋ ಬೆಳಗ್ಗೆ 6 ಗಂಟೆಗೆ ಶುರುವಾಗಿದೆ. ಚಿತ್ರದ ಅದ್ಧೂರಿ ಬಿಡುಗಡೆಯನ್ನು ಶಾರುಖ್, ದೀಪಿಕಾ ಪಡುಕೋಣೆ ಮತ್ತು ಜಾನ್ ಹೊರತುಪಡಿಸಿ, ಅಶುತೋಷ್ ರಾಣಾ ಮತ್ತು ಡಿಂಪಲ್ ಕಪಾಡಿಯಾ ಚಿತ್ರದಲ್ಲಿ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಅಷ್ಟೇ ಅಲ್ಲದೇ 'ಪಠಾಣ್' ಗೆ ಸಂಬಂಧಿಸಿದ 5 ವಿಷಯಗಳ ಬಗ್ಗೆ ತಿಳಿಯಿರಿ, ಇದು ಇತರ ಹಿಂದಿ ಸಿನಿಮಾಗಳಿಗಿಂತ ಭಿನ್ನವಾಗಿದೆ.

'ಪಠಾಣ್' ಚಿತ್ರದ ಟ್ರೈಲರ್ ನೋಡಿದ್ರೆ ತಿಳಿಯುತ್ತೆ ಇದು ಇತರ ಬಾಲಿವುಡ್ ಚಿತ್ರಗಳಿಗಿಂತ ಭಿನ್ನವಾಗಿದೆ ಎಂದು. 'ಪಠಾಣ್'ನ ಆಕ್ಷನ್ IMAX ಫಾರ್​ ಮ್ಯಾಟ್​ನಲ್ಲಿ ಕಾಣಿಬಹುದಾಗಿದೆ. ಇಲ್ಲಿಯವರೆಗೆ ಯಾವುದೇ ಭಾರತೀಯ ಚಲನಚಿತ್ರವನ್ನು ಐಮ್ಯಾಕ್ಸ್ ರೂಪದಲ್ಲಿ ನಿರ್ಮಿಸಲಾಗಿಲ್ಲ.  57 ವರ್ಷದ ಶಾರುಖ್ ಖಾನ್ ಮತ್ತು 50 ವರ್ಷದ ಜಾನ್ ಅಬ್ರಹಾಂ ಇಬ್ಬರೂ ಮೈಜುಮ್ ಎನಿಸುವ ಆಕ್ಷನ್ ದೃಶ್ಯಗಳಲ್ಲಿ ಕಾಣಿಸಿಕೊಂಡಿದ್ದಾರೆ.

'ಪಠಾಣ್' ಚಿತ್ರದ ಕ್ಲೈಮ್ಯಾಕ್ಸ್ ಕೂಡ ಸಾಕಷ್ಟು ಕುತೂಹಲಕಾರಿಯಾಗಿದೆ. 'ಪಠಾಣ್' ಮಾರ್ವೆಲ್ ಸಿನೆಮ್ಯಾಟಿಕ್ ಯೂನಿವರ್ಸ್ ಚಿತ್ರಗಳ ಸಾಲಿನಲ್ಲಿ 2 ಕ್ರೆಡಿಟ್ ದೃಶ್ಯಗಳನ್ನು ಹೊಂದಿದೆಯಂತೆ.

'ಪಠಾಣ್' ಯಶ್ ರಾಜ್ ಫಿಲ್ಮ್ಸ್​ನ ಸ್ಪೈ ಯೂನಿವರ್ಸ​ಲ್​ ಸಿನಿಮಾ ಆಗಿದೆ. ಈ ಸಿನಿಮಾ ಯಶ್ ರಾಜ್ ಫಿಲ್ಮ್ಸ್​ನ ಹಿಂದಿನ ಚಿತ್ರಗಳಾದ 9 'ವಾರ್' ಮತ್ತು 'ಟೈಗರ್' ಜೊತೆ ನಂಟು ಹೊಂದಿದ್ದು, ಚಿತ್ರದಲ್ಲಿ ಹೃತಿಕ್ ರೋಷನ್ ಮತ್ತು ಸಲ್ಮಾನ್ ಖಾನ್ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ಪಠಾಣ್ ಸ್ಪೇನ್​ ಮಯೋಕಾ ದ್ವೀಪದಲ್ಲಿ ಚಿತ್ರೀಕರಣಗೊಂಡ ಮೊದಲ ಚಿತ್ರವಾಗಿದೆ. ಇದೀಗ ರಣಬೀರ್ ಕಪೂರ್ ಮತ್ತು ಶ್ರದ್ಧಾ ಕಪೂರ್ ಅಭಿನಯದ ಮುಂಬರುವ ಚಿತ್ರದ ಶೂಟಿಂಗ್ ಕೂಡ ಇಲ್ಲೇ ನಡೆಯುತ್ತಿದೆ.

ಭಯೋತ್ಪಾದಕರ ಮೇಲೆ ತಯಾರಾದ ಹಿಂದಿ ಚಿತ್ರಗಳಲ್ಲಿ ಖಳನಾಯಕರನ್ನು ಒಂದು ನಿರ್ದಿಷ್ಟ ಧರ್ಮಕ್ಕೆ ಸಂಬಂಧಿಸಿದವರು ಎಂದು ತೋರಿಸಲಾಗಿತ್ತು. ಆದರೆ ಪಠಾಣ್ ಸಿನಿಮಾದಲ್ಲಿ ಮಾನವೀಯತೆ, ಭಯೋತ್ಪಾದನೆ ಅಪರಾಧಿಗಳೂ ಯಾವುದೇ ಧರ್ಮಕ್ಕೂ ಸಂಬಂಧವಿಲ್ಲ ಎಂಬುದನ್ನು ತೋರಿಸಲಾಗಿದೆ ಎಂದು ವರದಿಯಾಗಿದೆ. ಸುಮಾರು 250 ಕೋಟಿ ವೆಚ್ಚದಲ್ಲಿ ತಯಾರಾದ ಪಠಾಣ್ ಸಿನಿಮಾ ಎಷ್ಟು ಕಲೆಕ್ಷನ್ ಮಾಡುತ್ತೆ ಎನ್ನುವುದನ್ನು ಕಾದು ನೋಡಬೇಕಿದೆ.